DANIEL 7:4 - Edisana ñwed Abasi Ibom

⁴ Akpa ebiet lion, onyuŋ enyene mba ntrukpom. Ŋkut tutu edibere enye mba, enyuŋ emenere enye ekpɔŋ isɔŋ, enyuŋ emenere enye ewuk ke ukot esie nte owo, enyuŋ enɔ enye esit owo.

DANIEL 7:4 ပူးပေါင်းရင်းမြစ်များ

2 SAMUEL 1:23

Saul ye Jonathan ema, enyuŋ enem, kiet eken ke uwem mmɔ, ndien ibahakede mmɔ ke mkpa mmɔ: mmɔ esɔsɔp ekan ntrukpom, esɔŋ idem ekan lion.

ŊWED JOB 25:6

Ŋwaŋwa ediso,ndɔŋ! ye eyen owo,utuŋ!

ŊWED MME PSALM 9:20

O Jehovah, nam mmɔ edige: nam mme idut efiɔk ete ke mmimɔ idi owo. [Selah.]

JEREMIAH 25:38

Enye ɔmɔkpɔŋ mfuhɔ ikɔt esie nte lion: koro isɔŋ mmɔ amakabare edi se mmɔ ebiatde, kabaŋa iyaresit owo ŋkanubɔk, ye ikaŋ iyaresit esie.

JEREMIAH 4:13

Sese, enye eyedɔk nte mbubit enyɔŋ, mme chariot esie eyenyuŋ ebiet oyobio: horse esie esɔp ukot nte ntrukpom.

JEREMIAH 4:7

Lion oto ke mfuhɔ ikɔt esie ɔdɔk, andisobo mme idut onyuŋ otibi isaŋ; oto ke ebiet esie, ete inim isɔŋ fo ke nsobo; mme mbio fo eyebiara, ndien baba owo kiet eke oduŋde ididuhe.

JEREMIAH 48:40

Koro ntem ke Jehovah ɔdɔhɔ, ete, Sese, enye efefe nte ntrukpom, onyuŋ atat mba esie ofuk Moab.

JEREMIAH 49:19

Sese, enye eyeto ke iseri Jordan nte lion, ɔdɔk aka ke iduŋ ata ɔkpɔsɔŋ: koro nyeyip enyin nnam enye oto ke esit efehe ndien anie edi edimek owo eke ndinimde ke etubom esie? Koro anie ebiet mi? Anie edinyuŋ odori ini ɔnɔ mi? Anie owo onyuŋ edi ɔbɔk ufene eke edidade ke iso mi?

ŊWED ESEME 4:19

Mmɔ emi ebinede nnyin esɔp ukot ekan ntrukpom enyɔŋ: mmɔ esɔp ebine nnyin ke enyɔŋ ikpɔ obot, edibe ebet nnyin ke wilder-ness.

EZEKIEL 17:3

Ntem ke Ɔbɔŋ Jehovah ɔdɔhɔ ete, Akwa ntrukpom emi mba okponide, ntaŋ mba enyuŋ eniɔŋide, ntaŋ enyuŋ eyɔhɔde enye ke idem, emi ewerede nsio-nsio, aka Lebanon akada nsom cedar:

EZEKIEL 28:2

Ntem ke Ɔbɔŋ Jehovah ɔdɔhɔ ete, Koro esit fo okoŋde, afo onyuŋ ɔdɔhɔ, ete, Ami ndi abasi kiet; ntie ke itie Abasi ke ufɔt inyaŋ; ndien afo edi owo, udige Abasi; onyuŋ onim esit fo nte esit Abasi:

EZEKIEL 28:9

Nte afo eyedɔhɔ, ete, Ami ndi Abasi ke iso enye emi owotde fi? Ndien afo edi owo, udige Abasi, ke ubɔk enye emi owotde fi.

DANIEL 2:38

Ndien ke kpukpru ebiet emi nditɔ owo eduŋde, ye mme unam ikɔt ye inuen enyɔŋ, enye amada mmɔ esin fi ke ubɔk, onyuŋ onim fi ke ɔbɔŋ mmɔ kpukpru. Afo edi ibuot o-gold oro.

DANIEL 4:36

Ke ndo-ndo oro ibuot mi akabare ɔfɔn; ndien ukpono ubɔŋ mi esin uyai mi ye uyama mi efiak etiene mi: mmɔ eke enɔde mi item enyuŋ ebine mi: ami nnyuŋ nsɔŋɔ nda ke ubɔŋ mi; akwa ukpono mi onyuŋ adiana ɔnɔ mi.

DANIEL 7:12

Mmɔ ebɔ mme unam oro esuhɔde ubɔŋ mmɔ, edi eyak uwem mmɔ ebigi ke ini ye ke isua.

DANIEL 7:5

Ndien, sese, utɔŋɔ ntak unam eŋwen ebiet bear; enye onyuŋ emenere idem esie edem kiet; ɔkpɔ ŋkaŋ ita enyuŋ edu enye ke inua ke ufɔt edet esie: ndien ntem ke mmɔ edɔhɔ enye, ete, Daha ke enyɔŋ ta ediwak unam.

MATTHEW 24:28

Ɔtɔ nte okpo odude, do ke mme utere edibono.

DEUTERONOMY 28:49

Jehovah eyeda idut ke anyan ebiet, ke utit ererimbot, etiene fi, kpa nte ntrukpom efede; idut eke afo mudukopke usem mmɔ;

ERIYARARE 13:2

Unam oro ŋkutde ebiet ekpe, ukot esie enyuŋ ebiet ukot bear, inua esie onyuŋ ebiet inua lion; dragon ama onyuŋ ayak ukeme esie, ye ebekpo esie, ye akwa nsɔŋ-uyo esie ɔnɔ enye.