DANIEL 7:24 - Edisana ñwed Abasi Ibom

²⁴ Ndien ama edi nduk duop oro,ndidem duop eyedaha eda ke kpasuk ubɔŋ oro: eŋwen eyenyuŋ etiene mmɔ adaha ada; ndien enye eyedi isio ye mmɔ oro ekebemde enye iso, eyenyuŋ akan ndidem ita.

DANIEL 7:24 ပူးပေါင်းရင်းမြစ်များ

DANIEL 11:36

Ndien edidem eyenam kpa nte enye amade, onyuŋ emenere idem esie ke enyɔŋ, onyuŋ onim idem esie ke akamba akan kpukpru abasi, onyuŋ etiŋ mme utibe ŋkpɔ abaŋa Abasi mme abasi, eyenyuŋ oforo tutu ikpahesit okure ama: koro enye eyenam se ekewukde.

DANIEL 2:41

Ndien emi afo okokutde ikpat-ukot ye nnuen-ukot, ubak mbat obot-eso, ye ubak ukwak, eyebahare ubɔŋ oro: ndien odudu ukwak eyedu ke esit: koro afo okokutde ukwak abuahade ye mbat-eso.

DANIEL 7:20

ye akpanikɔ nduk duop oro edude enye ke ibuot, ye eke eken oro okotibede, ndien esin ita eduɔŋɔ; ye nduk oro enyene enyin, ye inua oro etiŋde ikpɔ ŋkpɔ, ndien iso esie ɔsɔŋ akan eke mme nsaŋa esie.

DANIEL 7:23

Ntem ke enye ɔdɔhɔ ete, Ɔyɔhɔ unam inaŋ emi eyedi ɔyɔhɔ edidem inaŋ ke ererimbot, emi edidide isio ye kpukpru itie ubɔŋ, onyuŋ adia ofuri isɔŋ, onyuŋ edigi enye, onyuŋ anuak enye mbai-mbai.

ERIYARARE 12:3

Idiɔŋɔ efen onyuŋ owut idem ke enyɔŋ; ndien sese, akamba ididuot dragon, emi enyenede ibuot itiaba ye nduk duop, onyuŋ ayarade anyanya itiaba ke mbuot esie.

ERIYARARE 13:1

EKEM ndada do ke utan esuk inyaŋ. Ndien ŋkut unam otode ke inyaŋ ɔdɔk edi, emi enyenede nduk duop ye ibuot itiaba; enye onyuŋ ayara anyanya duop ke nduk esie, onyuŋ obiom enyiŋ eke esuŋide Abasi ke mbuot esie.

ERIYARARE 17:3

Ekem enye emen mi ke Spirit aka ke desert. Ndien ŋkut ŋwan etiede ke edem ididuot unam, emi enyiŋ isuŋi eyɔhɔde enye ke idem, emi onyuŋ enyenede ibuot itiaba ye nduk duop.