DANIEL 7:20 - Edisana ñwed Abasi Ibom

²⁰ ye akpanikɔ nduk duop oro edude enye ke ibuot, ye eke eken oro okotibede, ndien esin ita eduɔŋɔ; ye nduk oro enyene enyin, ye inua oro etiŋde ikpɔ ŋkpɔ, ndien iso esie ɔsɔŋ akan eke mme nsaŋa esie.

DANIEL 7:20 ပူးပေါင်းရင်းမြစ်များ

DANIEL 7:11

Ami ntie nse ke ini oro mbaŋa uyo ikpɔ ikɔ emi nduk oro etiŋde: ntie ŋkut tutu ewot unam oro, enyuŋ esobo okpo esie, eda esin ke ikaŋ eke asakde.

DANIEL 7:19

Ndien nyom ndifiɔk akpanikɔ ɔyɔhɔ unam inaŋ emi edide isio ye mmɔ eken kpukpru, enyene ndik eti-eti, emi ndet esie edide ukwak, mbara esie onyuŋ edide okpoho, emi atade, onyuŋ anuakde, onyuŋ adade ukot esie edigi se isuhɔde;

DANIEL 7:21

Ntie nse, ndien nduk oro aŋwana ekɔŋ ye ikɔt Abasi, onyuŋ akan mmɔ; tutu Andisɔŋɔ usen edi,

DANIEL 7:23

Ntem ke enye ɔdɔhɔ ete, Ɔyɔhɔ unam inaŋ emi eyedi ɔyɔhɔ edidem inaŋ ke ererimbot, emi edidide isio ye kpukpru itie ubɔŋ, onyuŋ adia ofuri isɔŋ, onyuŋ edigi enye, onyuŋ anuak enye mbai-mbai.

DANIEL 7:7

Ke emi ama ekebe, ami ŋkut ke ŋkukut okoneyo, ndien, sese, ɔyɔhɔ unam inaŋ enyene ndik ye odudu ye nsɔŋidem eti-eti; onyuŋ enyene ikpɔ edet ukwak; enye ata onyuŋ anuak mbai-mbai, onyuŋ ada ukot esie edigi se isuhɔde: enye onyuŋ edi isio ye kpukpru unam oro ekebemde enye iso; enye onyuŋ enyene nduk duop.

DANIEL 7:8

Ntie nse nduk oro, ndien, sese, ekpri nduk eŋwen otibe ke otu mmɔ oro: ndien enye odibere ita ke nduk oro ekebemde enye iso; ndien, sese, enyin eke ebietde enyin owo odu ke nduk emi, ye inua ŋko eke etiŋde ikpɔ ŋkpɔ.

ERIYARARE 12:3

Idiɔŋɔ efen onyuŋ owut idem ke enyɔŋ; ndien sese, akamba ididuot dragon, emi enyenede ibuot itiaba ye nduk duop, onyuŋ ayarade anyanya itiaba ke mbuot esie.