DANIEL 7:2 - Edisana ñwed Abasi Ibom

² Daniel ɔbɔrɔ onyuŋ ɔdɔhɔ, ete, Ŋkut ke ŋkukut mi ke okoneyo, ndien, sese, mme ofum ikpaenyɔŋ mbinaŋ ebumere ewɔrɔ ke akwa inyaŋ.

DANIEL 7:2 ပူးပေါင်းရင်းမြစ်များ

ISAIAH 17:12

Kop! uyom ediwak mme idut! ke eyomo nte uyom inyaŋ ibom. Mkpo ediwak owo ŋko! Ke ekpot nte akamba mmɔŋ okpotde.

JEREMIAH 49:36

Ndien nyeda ofum mbinaŋ ke edem ikpa enyɔŋ mbinaŋ ntiene Elam; ndien nyesuan mmɔ nsin ke kpukpru ofum emi; ndien idut eke mbon itɔk Elam midisimke do ididuhe.

JEREMIAH 51:42

Inyaŋ ibom ɔmɔdɔk osim Babylon: akwa odut esie ofuk enye.

DANIEL 11:4

Ndien ke ini enye adahade ada, eyesuan ubɔŋ esie, enyuŋ ebahare enye esin ke mme ofum heaven mbinaŋ; ndien enye idinyeneke ubon esie; idinyuŋ ikemke ye ubɔŋ oro enye akadade: koro eyedibere ubɔŋ esie, enyuŋ eda enɔ owo eŋwen eke misaŋake ye mmɔ emi.

DANIEL 2:19

Ndien eyarade ndibe ŋkpɔ emi enɔ Daniel ke ndap ke okoneyo.

DANIEL 7:13

Ŋkut ke ŋkukut okoneyo, ndien, sese, owo eke ebietde eyen owo asaŋa ke obubit enyɔŋ edi, enye osim Andisɔŋɔ usen, enyuŋ eda enye edi enye ke iso.

DANIEL 7:7

Ke emi ama ekebe, ami ŋkut ke ŋkukut okoneyo, ndien, sese, ɔyɔhɔ unam inaŋ enyene ndik ye odudu ye nsɔŋidem eti-eti; onyuŋ enyene ikpɔ edet ukwak; enye ata onyuŋ anuak mbai-mbai, onyuŋ ada ukot esie edigi se isuhɔde: enye onyuŋ edi isio ye kpukpru unam oro ekebemde enye iso; enye onyuŋ enyene nduk duop.

DANIEL 8:2

Ndien ŋkut ke ŋkukut oro; ndien edikem ke ini ŋkutde, ami ndu ke Shushan ufɔk edidem, emi odude ke esien Elam; ndien ŋkut ke ŋkukut oro, ndien ami ndu ke mben akpa mmɔŋ Ulai.

DANIEL 8:8

Ekem okpo ebot oro akabare okpon eti-eti; ndien adaŋemi enye ɔsɔŋɔde, akamba nduk oro ɔbuŋɔ; ndien ikpɔ nduk inaŋ eke esede ofum enyɔŋ mbinaŋ, etibe ke itie esie.

ZECHARIAH 6:5

Ndien angel oro ɔbɔrɔ onyuŋ ɔdɔhɔ mi, ete, Mme mmɔ emi edi spirit heaven mbinaŋ emi etode ndida ke iso Ɔbɔŋ ofuri ererimbot.

MATTHEW 24:31

Ndien Enye eyesio mme angel Esie ɔdɔŋ ye akwa uyom ukorowo, mmɔ eyenyuŋ etaŋ ndimek ikɔt Esie ke ikpehe ofim mbinaŋ ebon ɔtɔ kiet, ɔtɔŋɔde ke utit heaven kiet tutu osim eken.

ERIYARARE 17:15

Angel onyuŋ ɔdɔhɔ mi ete, Mmɔŋ oro okokutde, eke akpara etiede ke esit, edi mbio-obio, ye otu owo, ye mme idut ye usem.

ERIYARARE 7:1

KE ŋkpɔ oro ama ekebe, ŋkut angel inaŋ edade ke utit isɔŋ mbinaŋ, mmɔ enyuŋ emum ofim isɔŋ mbinaŋ ekama, man baba ofim okufime ke isɔŋ, mme ke inyaŋ, mme ke eto ekededi.