DANIEL 7:18 - Edisana ñwed Abasi Ibom

¹⁸ Ndien edisana ikɔt Ata Edikoŋ eyeda ubɔŋ, enyuŋ enyene ubɔŋ ke nsinsi ye ke nsinsi-nsinsi.

DANIEL 7:18 ပူးပေါင်းရင်းမြစ်များ

ŊWED MME PSALM 45:16

Nditɔ-iren fo eyesuk mme usɔ ke ibuot; afo eyeda mmɔ onim ke mbɔŋ ke ofuri ererimbot.

ŊWED MME PSALM 49:14

Esin mmɔ ke udi nte otu erɔŋ; mkpa eyedia mmɔ; ndien ndinen owo eyekara mmɔ ke usenubɔk; udi eyenyuŋ enyene ndisio mmɔ ke iduŋ mmɔ nsobo mmɔ idem.

ISAIAH 14:2

Ndien mbio-obio eyemen mmɔ eda edi ke ebiet mmɔ: ufɔk Israel eyenyuŋ ada mmɔ enyene ke isɔŋ Jehovah, onim ke ifin iren ye ifin iban: ntre ke mmɔ editaŋ mme mmɔ emi eketaŋde mmɔ efep; enyuŋ ekara mme mmɔ emi eketukde mmɔ.

DANIEL 7:14

Ndien enɔ enye ubɔŋ, ye ukpono, ye itie-edidem, ete kpukpru mme idut ye obio ye usem enam ŋkpɔ enɔ enye: ubɔŋ esie edi nsinsi ubɔŋ eke midikureke, itie-edidem esie idinyuŋ ibiarake.

DANIEL 7:17

Ikpɔ mme unam emi edide inaŋ edi ndidem inaŋ emi editode ke isɔŋ edaha ke enyɔŋ.

DANIEL 7:22

ndien eda ikpe enɔ edisana ikɔt Ata Edikoŋ: ndien ini edi, ndien ikɔt Abasi eda ubɔŋ.

DANIEL 7:25

Ndien enye eyetiŋ ikɔ abaŋa Ata Edikoŋ, onyuŋ osobo edisana ikɔt Ata Edikoŋ; onyuŋ ekere ndikpuhɔre ini ye mme ewuhɔ: ndien eyeda mmɔ esin enye ke ubɔk tutu ekem ke ini ye ini iba ye ubak ini.

DANIEL 7:27

Ndien mmɔ eda itie edidem, ye ubɔŋ, ye ukpono itie-edidem ke idak ofuri enyɔŋ enɔ edisana ikɔt Ata Edikoŋ; ubɔŋ esie edi nsinsi ubɔŋ, kpukpru mbɔŋ eyenyuŋ enam ŋkpɔ esie, enyuŋ ekop uyo esie.

OBADIAH 1:17

Edi ubɔhɔ eyedu ke obot Zion, enye eyenyuŋ edi edisana; ufɔk Jacob eyenyuŋ eda udeme mmɔ.

LUKE 1:33

Enye eyeda ubɔŋ ufɔk Jacob ke nsinsi; Ubɔŋ Esie idinyuŋ ikureke.

1 ŊWED CORINTH 6:2

Mme nte mbufo ifiɔkke ite, ikɔt Abasi eyekpe ikpe enɔ ererimbot? edieke mbufo edidide mme ebierikpe ererimbot, nte mbufo idotke ndibiere ŋkeŋe ndutaŋ uyo?

ŊWED MBON EPHESUS 1:3

Itoro enyene Abasi ye Ete Ɔbɔŋ nnyin Jesus Christ, emi akadade kpukpru ŋkpɔ mfɔn eke spirit ke mme itie heaven ɔdiɔŋ nnyin ke Christ.

ŊWED MBON EPHESUS 6:12

Koro nnyin miŋwanake eŋwan nnyin ye obuk ye iyip, edi iŋwana ye mbɔŋ, ye mme enyene-odudu ye mme andikara ekim ererimbot, ye udim mme idiɔk spirit eke edude ke enyɔŋ.

ERIYARARE 20:4

Ekem ŋkut mme ebekpo, owo enyuŋ etie ke esit, enyuŋ eyak ubiere ikpe esin mmɔ ke ubɔk; ye mme ukpɔŋ owo oro ekebigide mmɔ ibuot ke ntak ikɔ ntiense Jesus ye ikɔ Abasi, ye kpukpru mmɔ emi mikatuakke ibuot inɔ unam oro ye mbiet esie, mikonyuŋ ibɔhɔ idiɔŋɔ ke ɔkpɔ-iso ye ke ubɔk mmɔ; mmɔ enyuŋ edu uwem, enyuŋ eda ubɔŋ ye Christ ke tɔsin isua.

ERIYARARE 22:5

enyiŋ Esie eyenyuŋ odu mmɔ ke ɔkpɔ-iso. Okoneyo idinyuŋ iduhe aba; mmɔ inyuŋ iyomke uŋwana utuen-ikaŋ mme uŋwana utin; koro Ɔbɔŋ Abasi mmɔ eyenɔ mmɔ uŋwana, ndien mmɔ eyeda ubɔŋ ke nsinsi-nsinsi.

ERIYARARE 3:21

Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.

ERIYARARE 5:10

omonyuŋ anam mmɔ edi Obio Ubɔŋ ye mme oku enɔ Abasi: mmɔ eyenyuŋ eda ubɔŋ ke isɔŋ.