DANIEL 7:14 - Edisana ñwed Abasi Ibom

¹⁴ Ndien enɔ enye ubɔŋ, ye ukpono, ye itie-edidem, ete kpukpru mme idut ye obio ye usem enam ŋkpɔ enɔ enye: ubɔŋ esie edi nsinsi ubɔŋ eke midikureke, itie-edidem esie idinyuŋ ibiarake.

DANIEL 7:14 ပူးပေါင်းရင်းမြစ်များ

ŊWED MME PSALM 102:22

ke ini mme idut esopde ke ɔtɔ kiet, ye mme obio, man enam ŋkpɔ Jehovah.

ŊWED MME PSALM 103:19

Jehovah omowuk ebekpo esie ke heaven; itie ubɔŋ esie omonyuŋ akara kpukpru.

ŊWED MME PSALM 145:13

Ubɔŋ fo edi ata nsinsi ubɔŋ, afo onyuŋ akara ke ofuri emana.

ŊWED MME PSALM 146:10

Jehovah edi edidem ke nsinsi; Abasi fo, O Zion, ke ofuri emana. Mbufo etoro Jehovah.

ŊWED MME PSALM 45:6

O Abasi, ebekpo fo odu ke nsinsi: mmɔnyɔ edinen ido edi mmɔnyɔ ubɔŋ fo.

ŊWED MME PSALM 72:11

Ndien kpukpru ndidem eyenuhɔ enɔ enye: kpukpru mme idut eyenam ŋkpɔ esie.

ŊWED MME PSALM 72:17

Enyiŋ esie eyedu ke nsi nsi; enyiŋ esie eyebigi adaŋa ini nte utin ayamade: eyeda enye ediɔŋ idem mmɔ: kpukpru mme idut eyedɔhɔ ete ɔfɔn ye enye.

ŊWED MME PSALM 8:6

Onim enye ke etubom utom ubɔk fo; ada kpukpru ŋkpɔ adak enye ke ukot;

ISAIAH 16:5

Ndien eyenim ebekpo ke ima: owo kiet eyenyuŋ ada akpanikɔ etie ke esit ke tent David, ebiere ikɔ, ebine edinen ikpe, onyuŋ awara ndinam se inende.” Nnyin ikokop iseri Moab; ke eseri iseri eti-eti:

ISAIAH 60:12

Koro eyesobo idut ye obio eke midinamke ŋkpɔ fo; mme idut oro eyenyuŋ ebiara fap.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

ISAIAH 9:7

Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.

DANIEL 2:35

Ndien ukwak oro, ye mbat-eso, ye okpoho, ye silver, ye gold enuaha mbak-mbak, enyuŋ ekabare ebiet mbio emi otode ke ɔtɔ ubek-ibokpot ke nda-eyo, ndien ofum ɔkpɔri mmɔ efep, ndien ikwe aba ebiet eke mmɔ edude. Ndien itiat oro akanuakde mbiet akabare edi akamba obot, onyuŋ ɔyɔhɔ ke ofuri isɔŋ.

DANIEL 2:37

Afo, O edidem, edi edidem ndidem: koro Abasi enyɔŋ ɔmɔnɔ fi ubɔŋ, ye odudu, ye nsɔŋidem, ye ukpono.

DANIEL 2:44

Ndien ke eyo ndidem oro, Abasi enyɔŋ eyenam ubɔŋ eke midisoboke ke nsinsi, adaha ada: ndien idikpɔŋke ubɔŋ emi inɔ mbio efen: enye eyenuak onyuŋ ama kpukpru mme idut emi, ndien enye eyeda ke nsinsi:

DANIEL 3:4

Ndien ataŋa kiet ɔkwɔrɔ ɔkpɔsɔŋ, ete, Ke ewuk mbufo mme idut, ye obio, ye usem, ete,

DANIEL 4:3

Mme utibe ŋkpɔ esie ewak didie! ŋkpɔ ndyɔ esie enyuŋ esɔŋɔ didie! ubɔŋ esie edi nsinsi ubɔŋ; enye onyuŋ akara ke ofuri emana.

DANIEL 6:26

Mmowuk ewuhɔ nte ke kpukpru ebiet eke ndide ɔbɔŋ ye edidem, yak owo ebak enyuŋ efehe Abasi Daniel: koro edi enye edi Abasi uwem, enye onyuŋ ebigi ke nsinsi, ubɔŋ esie onyuŋ edi se midibiarake, ndien enye eyedi edidem ke nsinsi.

DANIEL 7:18

Ndien edisana ikɔt Ata Edikoŋ eyeda ubɔŋ, enyuŋ enyene ubɔŋ ke nsinsi ye ke nsinsi-nsinsi.

DANIEL 7:27

Ndien mmɔ eda itie edidem, ye ubɔŋ, ye ukpono itie-edidem ke idak ofuri enyɔŋ enɔ edisana ikɔt Ata Edikoŋ; ubɔŋ esie edi nsinsi ubɔŋ, kpukpru mbɔŋ eyenyuŋ enam ŋkpɔ esie, enyuŋ ekop uyo esie.

OBADIAH 1:21

Ndien mbon eke enyaŋade eyedɔk ke obot Zion, edikpe ikpe obot Esau, ndien Jehovah eyeda ubɔŋ.

MICAH 4:7

Ndien nyenim mbufo ke nsuhɔ, nnyuŋ nda mmɔ eke ekebinde efep esin ke anyan ebiet, nnim ke ɔkpɔsɔŋ obio: ndien Jehovah eyedi edidem mmɔ ke obot Zion ke nsinsi ye ke nsinsi.

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

MATTHEW 28:18

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

LUKE 1:33

Enye eyeda ubɔŋ ufɔk Jacob ke nsinsi; Ubɔŋ Esie idinyuŋ ikureke.

LUKE 10:22

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke enye emi Eyen edide ke mibɔhɔke Ete: owo inyuŋ ifiɔkke enye emi Ete edide ke mibɔhɔke Eyen, ye owo ekededi eke Eyen amade ndiyarare Enye nnɔ.

JOHN 12:34

Ntem ke otu owo ebɔrɔ Enye ete, Nnyin ima ikop nte edɔhɔde ke ibet, ete Christ eyesuk odu ke nsinsi: ndien Afo anam didie ɔdɔhɔ ete, Enyene ndimen Eyen Owo ke enyɔŋ? anie edi Eyen Owo emi?

JOHN 3:35

Ete amama Eyen, omonyuŋ ayak kpukpru ŋkpɔ esin Enye ke ubɔk.

MME HEBREW 12:28

Mmɔdo sia nnyin inyenede Obio Ubɔŋ eke ŋkpɔ mikemeke ndinyeŋe, yak nnyin inyene esit ekɔm, inyuŋ ida emi inɔ Abasi, utom eke enemde Enye esit ke ukpono ye uteŋe.

1 PETER 3:22

emi ama ɔnyɔŋ ke heaven eketie ke ubɔk nnasia Abasi, ke ema ekosuk mme angel ye mme andikara ye mme odudu esin ke idak Esie.

ERIYARARE 1:6

Enye omonyuŋ anam nnyin idi obio Ubɔŋ, idi mme oku inɔ Abasi ye Ete Esie; enɔ Enye ubɔŋ ye erikara ekondo ke nsinsi-nsinsi. Amen.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ERIYARARE 17:14

Mmɔ eyeŋwana ekɔŋ ye Eyen-erɔŋ, ndien Eyen-erɔŋ eyekan mmɔ, koro Enye edide Ɔbɔŋ mbɔŋ ye Edidem ndidem; mmɔ emi edude ye Enye eyenyuŋ ekan, kpa mmɔ emi Abasi okokotde, onyuŋ emekde, emi enyuŋ edide mme anam akpanikɔ.

ERIYARARE 3:21

Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.