DANIEL 7:10 - Edisana ñwed Abasi Ibom

¹⁰ Ikaŋ oto enye ke iso ewet nte akpa mmɔŋ: tɔsin tɔsin ke itie tɔsin enam ŋkpɔ enɔ enye; tɔsin duop ke itie tɔsin duop enyuŋ eda enye ke iso: enim ikpe, enyuŋ ekubɔre ŋwed.

DANIEL 7:10 ပူးပေါင်းရင်းမြစ်များ

1 NDIDEM 22:19

Ndien enye ɔdɔhɔ ete, Kam kop ndien uyo Jehovah: ŋkokut Jehovah nte enye etiede ke ebekpo esie, kpukpru mme udim enyɔŋ enyuŋ ekpere enye eda ke nnasia ye ke ufien.

2 CHRONICLES 18:18

Ndien enye ɔdɔhɔ, ete, Mbufo ekop ndien uyo Jehovah; ŋkokut Jehovah etiede ke ebekpo esie, ndien ofuri udim enyɔŋ eda enye ke nnasia ye ke ufien.

ŊWED JOB 25:3

Ndien mme anie edu eke uŋwana esie misiahake inɔ mmɔ?

ŊWED MME PSALM 103:21

Etoro Jehovah, mbufo ofuri udim esie, mme asaŋutom esie, emi enamde se enye amade.

ŊWED MME PSALM 18:8

Nsuŋikaŋ oto Enye ke ibuo ɔdɔk, ikaŋ onyuŋ ɔwɔrɔ enye ke inua, ata ŋkpɔ;

ŊWED MME PSALM 50:3

Abasi nnyin eyedi, idinyuŋ idopke uyo: ikaŋ eyebem enye iso ata, oyobio onyuŋ ofime ɔkpɔsɔŋ akan enye okuk.

ŊWED MME PSALM 68:17

Mme chariot Abasi edi tɔsin edip, ye utɔŋɔ ntak tɔsin tɔsin:

ISAIAH 30:27

Sese, enyiŋ Jehovah ke oto ke anyan ebiet edi, iyaresit esie ke asak, edemikaŋ onyuŋ odobi: ifuresit ɔyɔhɔ enye ke mkpɔk-inua, edeme esie onyuŋ ebiet ikaŋ eke asakde.

ISAIAH 30:33

Koro ema etim Topheth ebigi; ema enyuŋ ediɔŋ enye enɔ edidem; enye ama otuŋ enye, ama onyuŋ anam okpon: ebok ikaŋ ye ifia emekpon: ibifik Jehovah, nte akpa brimstone, ɔfɔp enye.

DANIEL 12:1

NDIEN ke ini oro Michael akwa ɔbɔŋ emi adade abaŋa nditɔ oruk fo, eyedaha ada: ndien ini oro eyedi ini ukut emi oruk esie akanam miduhe toto nte idut okodu, tutu osim ini oro: ndien ke ini oro oruk fo eyebɔhɔ, kpukpru mmɔ emi ewetde esin ke ŋwed oro.

DANIEL 7:22

ndien eda ikpe enɔ edisana ikɔt Ata Edikoŋ: ndien ini edi, ndien ikɔt Abasi eda ubɔŋ.

DANIEL 7:26

Ndien mmɔ eyenim ikpe, enyuŋ ebɔ enye ubɔŋ esie, enyuŋ esobo enye, enyuŋ ebiat enye tutu osim akpatre.

ZECHARIAH 14:5

Ndien mbufo eyefeŋe ekeduk ke itihere ikpɔ obot mi: koro itihere ikpɔ obot eyetuak ke Azel: ndien mbufo eyefeŋe kpa nte ekefeŋede ebak unyek-isɔŋ ke eyo Uzziah edidem Judah: ndien Jehovah Abasi mi ke edi: kpukpru edisana ikɔt fo eyenyuŋ etiene fi edi.

MATTHEW 25:31

Ke ini Eyen Owo edidide ke ubɔŋ Esie, asaŋa ye kpukpru mme angel, adaŋaro ke Enye eyetie ke ebekpo ubɔŋ Esie.

DEUTERONOMY 33:2

Ndien enye ɔdɔhɔ, ete, Jehovah okoto ke Sinai edi, onyuŋ asiaha ke Seir ɔnɔ mmɔ; enye etie ke obot Paran ayama, onyuŋ asaŋa ye tɔsin edisana ikɔt duop edi: ikaŋ oto enye ke ubɔk nnasia ke ewuhɔ mmɔ.

MME HEBREW 1:14

Nte mmɔ kpukpru idige mme spirit emi esaŋade utom, emi esiode edɔŋ mmɔ ete, enam ŋkpɔ enɔ mmɔ emi edidade erinyaŋa enyene?

MME HEBREW 12:22

Edi mbufo ekesaŋa ekpere Obot Zion, ye Obio Abasi uwem kpa Jerusalem enyɔŋ, ye ata ediwak angel, ye akwa esop ye ufɔk Abasi eke mmɔ emi edide ikpan,

JUDE 1:14

Enoch, emi edide ɔyɔhɔ owo itiaba nte ekebot Adam, etiŋ ikɔ nte prophet abaŋa mmɔ, ete, Sese, Ɔbɔŋ asaŋa ye ata ediwak ndisana ikɔt Esie edi,

ERIYARARE 11:18

Mme idut ekeyat esit ndien iyaresit Fo ama edi. Ndien ekem ini nte ekpede ikpe mme akpa-mkpa, enyuŋ enɔde ikɔt Fo mme prophet utip mmɔ, enyuŋ enɔde nti owo eke mmɔ ye mmɔ emi eteŋede enyiŋ Fo, ŋkpri ye ikpɔ; nte enyuŋ esobode mmɔ emi esobode isɔŋ.

ERIYARARE 5:11

Ndien ŋkut nnyuŋ ŋkop uyo ediwak angel, emi ekande ebekpo ye ŋkpɔ-uwem ye mbiowo ekuk; ibat mmɔ osim thousand duop ke itie thousand duop ye mme thousand ke itie thousand;