DANIEL 7:1 - Edisana ñwed Abasi Ibom

¹ KE akpa isua Belshazzar edidem Babylon, Daniel okut ndap kiet ye ŋkukut ibuot esie ke bed esie. Ndien enye ewet ndap oro, onyuŋ obuk ofuri ikɔ oro.

DANIEL 7:1 ပူးပေါင်းရင်းမြစ်များ

GENESIS 15:1

KE ŋkpɔ emi ema ekebe, ikɔ Jehovah osim Abram ke ŋkukut, ete, Kufehe ndik, Abram: Ami ndi otu ekɔŋ fo, utip fo awak eti-eti.

GENESIS 46:2

Ndien Abasi ɔdɔhɔ Israel ke ŋkukut ke okoneyo, ete, Jacob, Jacob.

ŊWED JOB 4:13

Ke ekikere emi etode ke ŋkukut ke okoneyo, ke ŋkpɔsɔŋ idap ɔduɔde owo ke idem.

ISAIAH 30:8

Ka ndien kakap enye ke itiat ŋwed ke otu mmɔ, nyuŋ wet enye ke nwed, man enye etie ɔnɔ ini iso, ke nsinsi tutu amama.

ISAIAH 8:1

NDIEN Jehovah ɔdɔhɔ mi, ete, Da akamba ikpa-ŋwed ke idem fo, nyuŋ da nta ŋwed owo wet ke esit, ete, Eke Maher-shalal-hash-baz; (Mbume, wara! Uŋwo, sɔp ukot!)

JEREMIAH 23:28

Yak prophet eke ndap odude ye enye etiŋ ndap; ndien yak owo eke ikɔ mi odude ye enye, etiŋ ikɔ mi akpan-akpan. Ikpɔk ibokpot asaŋa nso ye idem ibokpot? Jehovah ɔdɔhɔ.

JEREMIAH 27:7

Ndien kpukpru mme idut eyedi ikɔt esie, ye eke eyen esie, ye eke eyeyen esie, tutu ini idut esie ŋko edi: ndien mkpɔsɔŋ mme idut ye ikpɔ ndidem eyenim enye ke ufin.

JEREMIAH 36:32

Ndien Jeremiah ada ŋwed efen onyuŋ emen enye ɔnɔ Baruch, eyen Neriah ewet ŋwed; ndien enye ɔbɔ Jeremiah kpukpru ikɔ ŋwed oro Jehoiakim edidem Judah ɔkɔfɔpde ke ikaŋ, ke inua, ewet ke esit, onyuŋ ewet ediwak ikɔ efen ebiet mmɔ ɔkɔrɔ ke esit.

JEREMIAH 36:4

Niden Jeremiah okot Baruch eyen Neriah: ndien Baruch ɔbɔ Jeremiah kpukpru ikɔ Jehovah emi enye ɔkɔdɔhɔde enye ke inua, ewet ke ikpa ŋwed.

EZEKIEL 1:1

EDIKEM ke ɔyɔhɔ isua edip ye duop, ke ɔyɔhɔ ɔfiɔŋ inaŋ, ke ɔyɔhɔ usen ɔfiɔŋ ition, ke ini ami ndude ke otu mbon ntaŋ-mfep ke mben akpa Chebar, enyɔŋ okubɔre, ndien ŋkut ŋkukut Abasi.

EZEKIEL 40:2

Enye ada mi ke ŋkukut Abasi edi ke isɔŋ Israel, onyuŋ onim mi ke enyɔŋ ata edikoŋ obot kiet, ndien se ibietde obio eke ebɔpde odoro enye ke enyɔŋ, ke edem usuk usuk.

DANIEL 1:17

Ndien ama edi nditɔwɔŋ mbinaŋ emi, Abasi ɔnɔ mmɔ ifiɔk ye eti ibuot ke kpukpru oruk ŋwed ye ɔniɔŋ; Daniel onyuŋ edi asian ke kpukpru oruk ŋkukut ye ndap.

DANIEL 2:1

EKEM ke udiana-akpa isua ubɔŋ Nebuchadnezzar, Nebuchadnezzar adaba ndap, ndien esit etimere enye, idap esie onyuŋ atiam enye.

DANIEL 2:26

Edidem ɔbɔrɔ onyuŋ ɔdɔhɔ Daniel emi enyiŋ esie ekerede Belteshazzar, ete, Nte afo emekeme ndisian mi ndap oro ŋkokutde, ndinyuŋ nsiak nte enye asaŋade?

DANIEL 4:13

Ami ŋkut ke ŋkukut ibuot mi ke bed mi, ndien, sese, andikpeme kiet emi edide edisana oto ke enyɔŋ ɔshuɔre;

DANIEL 4:5

ŋkut ndap, ndien enye esin mi ndikhe; ekikere ke bed mi ye ŋkukut ibuot mi enyuŋ enam mi ndik.

DANIEL 5:1

BELSHAZZAR edidem akanam akwa udia ɔnɔ tɔsin ikpɔ owo esie, onyuŋ ɔŋwɔŋ wine ke iso tɔsin oro.

DANIEL 5:22

Ndien afo, O Belshazzar, eyen esie ukɔsuhɔkede esit fo unim, koro afo ɔfiɔkde kpukpru ŋkpɔ emi.

DANIEL 5:30

Ke okoneyo oro ewot Belshazzar edidem mme Chaldean.

DANIEL 7:13

Ŋkut ke ŋkukut okoneyo, ndien, sese, owo eke ebietde eyen owo asaŋa ke obubit enyɔŋ edi, enye osim Andisɔŋɔ usen, enyuŋ eda enye edi enye ke iso.

DANIEL 7:15

Ndien esit ayat mi Daniel ke esit idem mi, ŋkukut ibuot mi enyuŋ etimere mi.

DANIEL 7:7

Ke emi ama ekebe, ami ŋkut ke ŋkukut okoneyo, ndien, sese, ɔyɔhɔ unam inaŋ enyene ndik ye odudu ye nsɔŋidem eti-eti; onyuŋ enyene ikpɔ edet ukwak; enye ata onyuŋ anuak mbai-mbai, onyuŋ ada ukot esie edigi se isuhɔde: enye onyuŋ edi isio ye kpukpru unam oro ekebemde enye iso; enye onyuŋ enyene nduk duop.

DANIEL 8:1

KE ɔyɔhɔ isua ubɔŋ Belshazzar edidem ita, ami kpa ami Daniel ŋkut ŋkukut, etiene oro ŋkukutde ke eritɔŋɔ.

JOEL 2:28

Ndien ama ekem ke ini ŋkpɔ emi ebede, nyeŋwaŋa spirit mi nnɔ ofuri obukidem; ndien nditɔiren mbufo, ye nditɔ mbufo iban eyetiŋ prophecy, mbiowo mbufo eyedaba ndap, mkparawa mbufo eyekut ŋkukut.

AMOS 3:7

Koro Ɔbɔŋ Jehovah midinamke baba ŋkpɔ kiet, ke mibɔhɔke ini enye ayarade uduak esie ɔnɔ ikɔt esie mme prophet.

HABAKKUK 2:2

Ndien Jehovah ɔbɔrɔ mi onyuŋ ɔdɔhɔ, ete, Wet ŋkukut emi, nyuŋ kap enye sin ke itiat ŋwed, man andikot enye ɔsɔp ukot.

NUMBERS 12:6

Ndien enye ɔdɔhɔ ete, Mbufo ekop ndien ikɔ mi: edieke prophet ediduŋde ke otu mbufo, ami Jehovah nyeyarare idem mi nnɔ enye ke ŋkukut, nnyuŋ ndɔhɔ ye enye ke ndap.

ŊWED MBON ROME 15:4

Koro se ededi eke ekewetde ke ini oko, ke ekewet ndida ŋkpep nnyin ŋkpɔ, man nnyin inyene idori-enyin oto ke ime ye ndɔŋ-esit eke Ŋwed Abasi ɔnɔde.

2 ŊWED CORINTH 12:1

ANA nte mbure mbure, okposuk edi nte oro minyeneke udori: mmɔŋ nditiŋ mbaŋa ŋkukut ye eriyarare Ɔbɔŋ.

ERIYARARE 1:19

Men se ama okokut ndien, ye se idude ke emi, ye se idisude ke ini iso, wet;

ERIYARARE 10:4

Ke adaŋemi mme obuma itiaba esiorode uyo, mmɔŋ ŋwewet: ndien ŋkop uyo emi otode ke heaven, ɔdɔhɔ ete, Da ufik-ŋkpɔ fik se obuma mbitiaba etiŋde, men, nim, kunyuŋ uwet.