DANIEL 6:8 - Edisana ñwed Abasi Ibom

⁸ O edidem, nam ndien isɔŋ-ikɔ emi, nyuŋ sin enyiŋ ke ŋwed, man ekukpuhɔre enye, nte mme ewuhɔ nditɔ Media ye nditɔ Persia esaŋade, emi mikemeke ndikpu-hɔre.

DANIEL 6:8 ပူးပေါင်းရင်းမြစ်များ

ESTHER 1:19

Ndien but ye iyaresit eyewak. Edieke enemde edidem, yak ewuhɔ edidem ɔwɔrɔ enye ke iso, enyuŋ ewet enye esin ke otu mme ewuhɔ Persia ye Media, man okubiara, ete, Yak Vashti okudi aba ke iso edidem Ahasuerus; ndien yak edidem ada itie ɔbɔŋ-aŋwan esie ɔnɔ mbɔhiduŋ esie eke ɔfɔnde akan enye.

ESTHER 3:12

Ndien ekot mme ewet-ŋwed edidem edi, ke akpa ɔfiɔŋ, ke ɔyɔhɔ usen duopeta; ndien mmɔ ewet kpukpru se Haman etemede, enɔ ikpɔ owo edidem, ye mme andikara emi ekarade kpukpru mme province, ye mme etubom kpukpru mme idut, ke kpukpru province, nte ŋwed mmɔ esaŋade, ye kpukpru mme idut nte usem mmɔ edide; ewet esin ke enyiŋ edidem Ahasuerus, enyuŋ efik ke mkpanuen edidem.

ESTHER 8:10

Ndien enye ewet esin enyiŋ edidem Ahasuerus, onyuŋ efik ke mkpanuen edidem, ndien esin ŋwed oro ke ubɔk mbon-itɔk emi edorode horse eke esɔpde itɔk, ye ke mule eke uman horse emande, ete eda esɔk:

ESTHER 8:3

Ekem Esther ɔtɔŋɔ ntak ɔdɔhɔ ke iso edidem, onyuŋ ɔduɔ enye ke ukot, onyuŋ atua eyet ekpe enye ubɔk, ete enye akpan idiɔk ŋkpɔ Haman Agagite, ye uduak oro enye akaduakde abaŋa mme Jew.

ESTHER 8:8

Mbufo ewet ndien, ebaŋa mme Jew, kpa se mbufo emade, esin ke enyiŋ edidem, enyuŋ eda mkpanuen edidem efik enye; koro owo mikemeke ndikpuhɔre ŋwed eke ewetde esin enyiŋ edidem, enyuŋ edade mkpanuen edidem efik.

ŊWED MME PSALM 94:21

Mmɔ ewuk ewuhɔ ebaŋa ukpɔŋ edinen owo, enyuŋ enam ikpe otip iyip emi miduehe isop.

ISAIAH 10:1

IFƆNKE fɔn inɔ mmɔ eke ewukde ukwaŋ ewuhɔ, ye mme ewet-ŋwed ukut;

DANIEL 5:28

PERES: emebahare ubɔŋ fo, enyuŋ emen enye enɔ Media ye Persia.

DANIEL 6:12

Ndien mmɔ esaŋa ekpere, enyuŋ edɔhɔ ke iso edidem ebaŋa isɔŋ-ikɔ edidem, ete, Nte afo ukesinke enyiŋ ke isɔŋ-ikɔ, ete ke emen owo ekededi eke edibeŋede abasi ekededi mme owo ekededi ebeŋe ke ofuri usen edip ye duop, ke mibɔhɔke afo, O edidem, eda eduɔk ke obube mme lion? Edidem ɔbɔrɔ onyuŋ ɔdɔhɔ ete, ikɔ oro edi akpanikɔ nte asaŋade ye mme ewuhɔ Media ye persia, emi mikemeke ndikpuhɔre.

DANIEL 6:15

Ndien mbio oro esop idem ke ɔtɔ edidem, enyuŋ edɔhɔ edidem, ete, O edidem, fiɔk ete ke edi ido nditɔ Media ye Persia, ete ke ikemeke ndiwuhɔre baba isɔŋ-ikɔ ye baba ewuhɔ kiet eke edidem owukde.

MATTHEW 24:35

Enyɔŋ ye isɔŋ eyebe efep, edi ikɔ Mi idibehe ifep.