DANIEL 6:4 - Edisana ñwed Abasi Ibom

⁴ Ndien ikpɔ owo ye mbɔŋ oro esin ubɔk eyom ndikut ikɔ eke ekpedoride Daniel ke edem ŋkpɔ obio; edi mmɔ ikemeke ndikut baba ŋkpɔ kiet ye idiɔk ido kiet eke ekpedoride enye, koro enye edide owo akpanikɔ, ndien mmɔ ikwe baba ndudue kiet, ye baba idiɔk ido kiet eke ekpedoride enye.

DANIEL 6:4 ပူးပေါင်းရင်းမြစ်များ

GENESIS 41:38

Ndien Pharaoh ɔdɔhɔ ikɔt esie ete, Nte nnyin iyekut owo eke spirit Abasi odude enye ke esit, nte enye emi?

GENESIS 43:18

Ndien ndik anam mmɔ, ke edade mmɔ edi ke ufɔk Joseph; mmɔ enyuŋ edɔhɔ ete, Ke eda nnyin edi ke ikɔ silver oro ekesinde ke ekpat nnyin akpa; man enye oyom nnyin ikɔ, onyuŋ akan nnyin ubɔk, onyuŋ ada nnyin onim ke ifin, ye mme ass nnyin.

MME ŊKE 29:27

Nti owo ese oburobut owo ke mbubiam: idiɔk owo onyuŋ ese owo edinen ido ke mbubiam.

ECCLESIASTES 4:4

Ndien nse ofuri ɔkpɔsɔŋ utom, ke kpukpru utom eke ɔwɔrɔde unen, nte ke enye edi ntak emi mbɔhiduŋ owo ofibede ufup ye owo. Emi ŋko onyuŋ edi ikpikpu ŋkpɔ ye idomo eke miwɔrɔke usuŋ.

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

JEREMIAH 18:23

Ndien afo, Jehovah, ɔmɔfiɔk ofuri uduak emi mmɔ eduakde ebaŋa mi, ete iwot mi; kusio isop ubaŋa idiɔk ido mmɔ, kunyuŋ usɔhi oburobut ido mmɔ ke iso fo ufep, edi yak mmɔ etuak eduɔŋɔ ke iso fo; nam ye mmɔ ke ini iyaresit fo.

JEREMIAH 20:10

koro ŋkopde ikɔ-edem ediwak owo: ndik odu ke edem kpukpru: ete, “Mbufo etiŋ, ndien nnyin iyetiŋ ibaŋa enye.” Kpukpru mme ufan mi ekpeme iduɔ mi, ete, Mme eyekeme nditap enye, ndien nnyin iyekan enye ubɔk, inyuŋ isio usiene nnyin ye enye.

JEREMIAH 29:7

Mbufo enyuŋ eyom ifure obio emi ŋkataŋde mbufo mfep nsin do, enyuŋ ekpe Jehovah ubɔk enɔ enye: koro mbufo edikutde ifure ke ifure esie.

DANIEL 3:8

Mmɔdo ndo-ndo oro ndusuk owo mme Chaldean esaŋa ekpere edibia mme Jew.

DANIEL 5:12

koro ekutde ete ke ata eti spirit, ye eti ibuot ke eriyarare ndap, ye ke erisiak ŋke, ye ke eritat mkpɔsɔŋ ikɔ, edu enye ke idem, kpa ke Daniel emi edidem okosiode enye enyiŋ Belteshazzar. Yak ekot Daniel edi, ndien enye eyesiak nte ŋwed emi asaŋade.

DANIEL 6:22

Abasi mi ɔmɔdɔŋ angel esie edikubi mme lion inua, ndien mmɔ inamke mi baba idiɔk ŋkpɔ kiet: koro ekutde ete ke nnyeneke se nduede ke iso esie; ndien, ŋko, O edidem, nnamke baba idiɔkŋkpɔ kiet ke iso fo.

MATTHEW 26:4

mmɔ enyuŋ esop ibuot, ete imum Jesus ke ŋkari iwot.

MATTHEW 27:18

Koro enye ɔfiɔk ete, ke mmɔ ekayak Enye esin imɔ ke ubɔk ke ntak ufup.

LUKE 20:20

Ekem mmɔ etiŋ enyin ekpeme Enye, enyuŋ edɔŋ mbon-uyep, emi ewutde idem ete idi ndinen owo, man mmɔ emum Enye ikɔ inua, man oto do eyak Enye esin ke ubɔk andikara ndikpe ikpe ye Enye.

LUKE 20:26

Ndien mmɔ ikemeke ndimum Enye uyo ke iso mbio-obio: idem akpa mmɔ ke ibɔrɔ Esie, mmɔ enyuŋ edop uyo.

LUKE 22:2

Ndien ikpɔ oku ye mme scribe ekeyom usuŋ nte mmɔ ekpasaŋade ewot Enye, koro mmɔ efehede mbio-obio.

JOHN 19:4

Ndien Pilate ɔtɔŋɔ ntak ɔwɔrɔ ɔkɔdɔhɔ mme Jew, ete, Sese, mmada Enye ŋwɔrɔ nsɔk mbufo, man mbufo efiɔk ete, ŋkwe Enye idiɔk ke idem.

2 ŊWED CORINTH 11:12

Edi nyesuk nnam nte nnanam, man mbɔ mmɔ ntak mbure eke mmɔ eyomde ndibure, ete, mimɔ ikpetie ke enyin owo kpa nte nnyin ke idaha apostle eke mmɔ eburede mbure ebaŋa.

ŊWED MBON PHILIPPI 2:15

man mbufo ekunyene ubiom-ikpe, ekunyuŋ enyene ndudue, edi edi nditɔ Abasi eke enanade ndo ke ufɔt ŋkwakwaŋa ye idiɔk emana; emi mbufo ke eyayama ke otu mmɔ nte ntantafiɔŋ ke ererimbot,

1ŊWED TIMOTHY 5:14

Nyom ndien mme ebe-akpa emi misɔŋke edɔ ndɔ, enyuŋ eman nditɔ, enyuŋ ekpeme ufɔk, ekunyuŋ enɔ mme asua ifet ndisuene nnyin:

TITUS 2:8

ye ekikere eke odobide, ye nti ikɔ eke owo mikemeke nditiŋ ndian; man but anam mmɔ emi ebiɔŋɔde nnyin, kemi mmɔ minyeneke se etiŋde edian nnyin.

1 PETER 2:12

Ekama idem nte odotde ke iso mme Gentile, man ke nde eke mmɔ etiŋde ŋkpɔ ebiat mbufo ete edi mme anam-idiɔk, mmɔ ekpada nti ido mbufo, emi edikutde ke ini eke edide ndidomo mbufo nse, enɔ Abasi ubɔŋ.

1 PETER 3:16

etiŋ enyin enyene esit eke asanade, man ke nde eke etiŋde ŋkpɔ edian mbufo, mmɔ eke esuede eti uwem mbufo ke Christ ekpadia but.

JUDGES 14:4

Edi ete esie ye eka esie ifiɔkke ite ke emi oto Jehovah: koro enye oyomde usuŋ nte anamde mme Philistine: koro mme Philistine ekande Israel ke ini oro.

1 SAMUEL 12:4

Ndien mmɔ edɔhɔ ete, Afo ukotukke nnyin, ukonyuŋ ufikke nnyin, unyuŋ ubɔhɔ baba owo nnyin kiet ŋkpɔ ke ubɔk.

1 SAMUEL 18:14

David onyuŋ okut unen ke kpukpru usuŋ esie; Jehovah onyuŋ odu ye enye.

1 SAMUEL 22:14

Ahimelech ɔbɔrɔ edidem, ete, Ndien anie ke otu kpukpru ikɔt fo etie nte David, owo akpanikɔ, ye ukot edidem, emi onyuŋ edide owo mbet fo kiet, onyuŋ enyenede ukpono ke ufɔk fo?