DANIEL 6:26 - Edisana ñwed Abasi Ibom

²⁶ Mmowuk ewuhɔ nte ke kpukpru ebiet eke ndide ɔbɔŋ ye edidem, yak owo ebak enyuŋ efehe Abasi Daniel: koro edi enye edi Abasi uwem, enye onyuŋ ebigi ke nsinsi, ubɔŋ esie onyuŋ edi se midibiarake, ndien enye eyedi edidem ke nsinsi.

DANIEL 6:26 ပူးပေါင်းရင်းမြစ်များ

EZRA 1:3

Anie owo mbufo odu ke otu kpukpru ikɔt esie, yak Abasi esie odu ye enye; yak enye onyuŋ ɔdɔk ke Jerusalem emi odude ke Judah, onyuŋ ɔdiɔŋ ufɔk Jehovah Abasi Israel (enye edi Abasi), emi odude ke Jerusalem.

EZRA 7:21

Ami Artaxerxes edidem mmonyuŋ ŋwuk ewuhɔ nnɔ kpukpru mme andikpeme okuk emi edude ke edem akpa oko, nte, Mbufo emen idem enam kpukpru se Ezra oku, owo ŋwed mbet Abasi enyɔŋ edisiakde ɔnɔ mbufo,

ŊWED MME PSALM 119:120

Ndik fo anam mi ndidien ke idem; ndien mfefehe mme ikpe fo.

ŊWED MME PSALM 146:10

Jehovah edi edidem ke nsinsi; Abasi fo, O Zion, ke ofuri emana. Mbufo etoro Jehovah.

ŊWED MME PSALM 2:11

Enam ŋkpɔ Jehovah ke ndik, enyuŋ edara ke unyek-idem.

ŊWED MME PSALM 29:10

Jehovah eketie ke ini ukwɔ: Jehovah onyuŋ etie nte edidem ke nsinsi.

ŊWED MME PSALM 42:2

Itɔŋ Abasi, kpa eke Abasi uwem, amasat mi ukpɔŋ; ke ini ewe ke ndikeme ndika ŋkowut Abasi idem mi?

ISAIAH 66:2

Ndien Jehovah ɔdɔhɔ, ete, Ubɔk mi akanam kpukpru ŋkpɔ, ndien kpukpru mmɔ emi edu: ndien nyewuk enyin nse owo emi, kpa eyen ukut, emi esit onyuŋ ɔtuhɔde, emi onyuŋ enyekde abaŋa ikɔ mi.

ISAIAH 9:7

Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.

JEREMIAH 10:10

Edi Jehovah edi Abasi akpanikɔ, Abasi uwem, ye nsinsi Edidem: iyaresit esie enyeŋe ererimbot, mme idut inyuŋ ikemeke ndida ifuresit esie.

DANIEL 2:44

Ndien ke eyo ndidem oro, Abasi enyɔŋ eyenam ubɔŋ eke midisoboke ke nsinsi, adaha ada: ndien idikpɔŋke ubɔŋ emi inɔ mbio efen: enye eyenuak onyuŋ ama kpukpru mme idut emi, ndien enye eyeda ke nsinsi:

DANIEL 3:29

Ami nnyuŋ ŋwuk ewuhɔ, nte ke eyeda idut, ye obio, ye usem eke etiŋde se minenke edian Abasi Shadrach ye Meshach ye Abednego, ekpok mmɔ mbak-mbak, enyuŋ enim ufɔk mmɔ ke ekwe: koro baba Abasi efen eke ekemede ndinyaŋa ntem miduhe.

DANIEL 4:3

Mme utibe ŋkpɔ esie ewak didie! ŋkpɔ ndyɔ esie enyuŋ esɔŋɔ didie! ubɔŋ esie edi nsinsi ubɔŋ; enye onyuŋ akara ke ofuri emana.

DANIEL 4:34

Ekem ke utit ini oro, ami Nebuchadnezzar mmenere enyin mi nse enyɔŋ, ndien ibuot mi ɔtɔŋ ntak ɔfɔn; ndien ami ŋkɔm Ata Edikoŋ, nnyuŋ ntoro, nnyuŋ ŋkpono enye emi odude uwem ke nsinsi, emi akarade ke nsinsi, emi ubɔŋ esie onyuŋ ebigide ke ofuri emana:

DANIEL 6:20

Ndien adaŋemi enye osimde obube oro, enye ada uyo mbɔm eseme okot Daniel. Edidem ɔbɔrɔ onyuŋ ɔdɔhɔ Daniel, ete, O Daniel, owo Abasi uwem, nte Abasi fo emi afo anamde ŋkpɔ esie kpukpru ini, emekeme ndinyaŋa fi mbɔ mme lion?

DANIEL 7:14

Ndien enɔ enye ubɔŋ, ye ukpono, ye itie-edidem, ete kpukpru mme idut ye obio ye usem enam ŋkpɔ enɔ enye: ubɔŋ esie edi nsinsi ubɔŋ eke midikureke, itie-edidem esie idinyuŋ ibiarake.

DANIEL 7:27

Ndien mmɔ eda itie edidem, ye ubɔŋ, ye ukpono itie-edidem ke idak ofuri enyɔŋ enɔ edisana ikɔt Ata Edikoŋ; ubɔŋ esie edi nsinsi ubɔŋ, kpukpru mbɔŋ eyenyuŋ enam ŋkpɔ esie, enyuŋ ekop uyo esie.

HOSEA 1:10

Edi ibat nditɔ Israel eyetie nte ntan-inyaŋ emi owo mikemeke ndidomo, minyuŋ ikemeke ndibat: ndien ama ekem ke ebiet emi ekedɔhɔde mmɔ, ete, Lo-ammi (mbufo idige ikɔt mi) ke eyɔdɔhɔ mmɔ, ete, Nditɔ Abasi uwem.

MALACHI 3:6

Koro ami ndide Jehovah, ŋkpuhɔkede; ndien isoboke mbufo nditɔ Jacob ima.

MATTHEW 6:13

Kunyuŋ uda nnyin usin ke idomo; Edi sio nnyin ke ubɔk andidiɔk.

LUKE 1:33

Enye eyeda ubɔŋ ufɔk Jacob ke nsinsi; Ubɔŋ Esie idinyuŋ ikureke.

LUKE 12:5

Edi nyesian mbufo Enye emi ekpefehede; efehe Enye emi, ke ama owot; onyuŋ enyenede odudu ndiduɔk ke hell: mmɔsɔŋɔ ndɔhɔ mbufo nte, efehe Enye.

UTOM MME APOSTLE 17:25

owo inyuŋ idaha ubɔk inam ŋkpɔ inɔ Enye, nte emi Enye anande ŋkpɔ; koro edi Enye ɔnɔ kpukpru owo uwem, ye ibifik, ye kpukpru ŋkpɔ:

ŊWED MBON ROME 9:26

Ndien ama ekem, ke ebiet eke ekɔdɔhɔde mmɔ ete, mbufo idige ikɔt Mi, Kpa do ke edikot mmɔ nditɔ Abasi uwem.

DEUTERONOMY 5:26

Koro anie odu ke otu kpukpru obukidem emi okokopde uyo Abasi uwem nte etiede ke ufɔt ikaŋ etiŋ, nte nnyin, ndien odu uwem?

1 ŊWED THESSALONICA 1:9

Mme owo ke idem mmɔ etaŋa oruk eriduk eke nnyin ikodukde ke otu mbufo; ye nte mbufo ekɔkpɔŋde ndem ewɔŋɔre etiene Abasi, ete inam ŋkpɔ inɔ Ata Abasi emi odude uwem,

MME HEBREW 12:29

Koro Abasi nnyin edi ikaŋ eke atade ta.

JAMES 1:17

Kpukpru eti erinɔ ye kpukpru enɔ eke efɔnde ema eto ke enyɔŋ, eto ke ubɔk Ete mme uŋwana esuhɔre edi; emi mikemeke ndikpuhɔre, ukpuhɔre itie minyuŋ ikemeke ndimen Enye nsin ke mfut.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ERIYARARE 4:10

Andidu-uwem ke nsinsi-nsinsi, mbiowo edip ye inaŋ oro eyeduɔŋɔ ke isɔŋ ke iso Anditie ke ebekpo, etuak ibuot enɔ Andidu-uwem ke nsinsi-nsinsi, enyuŋ eyak anyanya mmɔ eduɔŋɔ ke iso ebekpo, ete,

ERIYARARE 5:14

Ndien ŋkpɔ-uwem inaŋ oro edɔhɔ ete, Amen. Mbiowo enyuŋ eduɔŋɔ ke isɔŋ, etuak ibuot.

1 SAMUEL 17:26

Ndien David ɔdɔhɔ mmɔ emi edade ye enye, ete, Edinam nso enɔ owo eke ediwotde Philistine emi, onyuŋ odorore Israel but emi? Koro edut Philistine emi edi anie owo, eke enye ekpesinde mbon-ekɔŋ Abasi uwem ke ndek?

1 SAMUEL 17:36

Owo fo okowot lion ye bear; ndien edut Philistine emi eyebiet mmɔ kiet, koro enye emesin mbon-ekɔŋ Abasi uwem ke ndek.