DANIEL 6:23 - Edisana ñwed Abasi Ibom

²³ Ndien esit adat edidem eti-eti abaŋa enye, enye onyuŋ ɔnɔ uyo, ete, ekot Daniel esio ke obube. Ntre ke mmɔ ekot Daniel esio ke obube: ndien ikwe baba ŋkpɔ kiet eke anamde enye ke idem; koro enye ɔkɔbuɔtde idem ye Abasi esie.

DANIEL 6:23 ပူးပေါင်းရင်းမြစ်များ

1 NDIDEM 5:7

Ekem adaŋemi Hiram okopde uyo Solomon, enye adat esit eti-eti, onyuŋ ɔdɔhɔ ete, Etoro Jehovah mfin emi, emi ama ɔkɔnɔ David eti ibuot eyen eke akarade akamba mbio emi.

1 CHRONICLES 5:20

Ndien enyaŋa mmɔ ke eriŋwana ye mmɔ eken, enyuŋ eda mme Hagrite, ye kpukpru mmɔ eke edude ye mmɔ, esin mmɔ ke ubɔk: koro mmɔ esemede enɔ Abasi ke ekɔŋ, ndien enye okop uyo mmɔ: koro mmɔ ebuɔtde idem mmɔ ye enye.

2 CHRONICLES 20:20

Ekem mmɔ ebak edemere ke usenubɔk ewɔŋɔ ke wilderness Tekoa: ndien ke ini mmɔ ewɔŋɔde, Jehoshaphat ada ɔdɔhɔ ete, O Judah, ye mme andiduŋ Jerusalem, mbufo ekop uyo mi: eberi idem mbufo ye Jehovah Abasi mbufo, ndien eyemum mbufo ekama; enim uyo mme prophet esie ke akpanikɔ, ndien mbufo eyekut unen.

ŊWED MME PSALM 18:21

Koro mmekpeme usuŋ Jehovah, nnyuŋ ŋkpɔŋke Abasi mi nnam idiɔk.

ŊWED MME PSALM 37:40

Jehovah omonyuŋ ɔbɔ mmɔ ubɔk, onyuŋ anam mmɔ ebɔhɔ: enye eyenam mmɔ ebɔhɔ mme idiɔk owo, eyenyuŋ anyaŋa mmɔ, koro mmɔ ebuɔtde idem mmɔ ye enye.

EXODUS 18:9

Ndien Jethro adat esit abaŋa kpukpru ufɔn emi Jehovah ɔkɔfɔnde Israel, emi Enye okosiode nditɔ Egypt ke ubɔk.

MME ŊKE 18:10

Enyiŋ Jehovah edi ɔkpɔsɔŋ tower: eti owo efehe oduk ke esit, ndien odu ke ifure.

ISAIAH 26:3

Ama edi esit eke eberede (Fi), afo eyekpeme enye ke emem emem: koro enye ɔbuɔtde idem esie ye afo.

DANIEL 3:17

Sese, Abasi nnyin emi nnyin inamde ŋkpɔ esie emekeme ndinyaŋa nnyin nsio ke akwa ikaŋ emi asakde: ndien enye eyenyaŋa nnyin osio fi ke ubɔk, O edidem.

DANIEL 3:25

Enye ɔbɔrɔ onyuŋ ɔdɔhɔ, ete, Sese, ami mmokut owo inaŋ etarade esaŋa ke ufɔt ikaŋ oro, baba ŋkpɔ kiet inyuŋ inamke mmɔ: ndien idem ɔyɔhɔ inaŋ ebiet eke eyen abasi.

DANIEL 6:14

Ndien adaŋemi edidem okopde ikɔ oro, enye ayat esit eti-eti ye idem esie: enye onyuŋ odori Daniel esit esiemɔ, ete inyaŋa enye: onyuŋ aŋwana ndinyaŋa enye tutu osim ini emi utin osopde.

DANIEL 6:18

Ndien edidem ɔnyɔŋ ke ufɔk esiemɔ, onyuŋ etre udia ofuri okoneyo, inyuŋ iyakke eda ŋkpɔ mbre edi ke iso esie: idap onyuŋ atiam enye.

MARK 9:23

Jesus ɔbɔrɔ enye ete, Edieke ekemede ndibuɔt idem! Kpukpru ŋkpɔ ekeme ndiwɔrɔ nnɔ enye emi ɔbuɔtde idem.

MME HEBREW 11:33

ye mme prophet; emi ekedade mbuɔtidem ekan mme idut, enam edinen ido, ebɔ mme uŋwɔŋɔ, ekibi mme lion inua, enime ide ikaŋ,