DANIEL 6:13 - Edisana ñwed Abasi Ibom

¹³ Ndien mmɔ ebɔrɔ enyuŋ edɔhɔ ke iso edidem, ete, Daniel emi otode ke nditɔ mme Jew emi eketaŋde edi, ibatke fi, O edidem, ke baba ŋkpɔ kiet inyuŋ ibatke isɔŋ-ikɔ oro afo ekesinde enyiŋ ke esit, edi enye anam mkpeubɔk utim ikata ke usen.

DANIEL 6:13 ပူးပေါင်းရင်းမြစ်များ

ESTHER 3:8

Ekem Haman ɔdɔhɔ edidem Ahasuerus, ete, Mbio kiet mmɔdo emi esuanade enyuŋ ebaharede ke otu mme andiduŋ kpukpru mme province emi afo akarade; ndien ido mmɔ edi isio ye kpukpru mme idut; mmɔ inyuŋ inimke mme ewuhɔ edidem: mmɔdo mifɔnke edidem ndiyak mmɔ.

DANIEL 1:6

Ndien Daniel ye Hananiah ye Mishael ye Azariah emi etode ke nditɔ Judah, edu ke otu mmɔ:

DANIEL 2:25

Ndien Arioch awara ada Daniel oduk ke iso edidem, onyuŋ ɔdɔhɔ enye ntem, ete, Mmokut owo kiet ke otu nditɔ Judah emi eketaŋde edi ken, eke ekemede ndisian edidem nte ndap oro asaŋade.

DANIEL 3:11

ndien eyeda owo ekededi eke miduɔhɔ ke isɔŋ minyuŋ ituakke ibuot, eduɔk ke ufɔt akwa ikaŋ eke asakde.

DANIEL 3:12

Enyene ndusuk nditɔ mme Jew oro afo okonimde, ete esaŋa ŋkpɔ esien Babylon, Shadrach ye Meshach ye Abednego; mme mmɔ emi, O edidem, ibatke fi ke baba ŋkpɔ kiet; mmɔ ikponoke abasi fo, inyuŋ ituakke ibuot inɔ owo o-gold emi afo onimde.

DANIEL 3:8

Mmɔdo ndo-ndo oro ndusuk owo mme Chaldean esaŋa ekpere edibia mme Jew.

DANIEL 5:13

Ndien eda Daniel edi ke iso edidem. Edidem ɔbɔrɔ onyuŋ ɔdɔhɔ Daniel, ete, Ndi afo edi Daniel emi otode ke otu nditɔ Judah emi eketaŋde edi, emi edidem ete mi akadade ke Judea edi?

UTOM MME APOSTLE 17:7

Jason amada mmɔ esin ke ufɔk; mmɔ kpukpru ebiat mme ewuhɔ Caesar, ete, Edidem eŋwen odu, emi ekerede Jesus.

UTOM MME APOSTLE 5:29

Edi Peter ye mme apostle ebɔrɔ ete, Nnyin inyene ndikop uyo Abasi ŋkan uyo owo.