DANIEL 6:12 - Edisana ñwed Abasi Ibom

¹² Ndien mmɔ esaŋa ekpere, enyuŋ edɔhɔ ke iso edidem ebaŋa isɔŋ-ikɔ edidem, ete, Nte afo ukesinke enyiŋ ke isɔŋ-ikɔ, ete ke emen owo ekededi eke edibeŋede abasi ekededi mme owo ekededi ebeŋe ke ofuri usen edip ye duop, ke mibɔhɔke afo, O edidem, eda eduɔk ke obube mme lion? Edidem ɔbɔrɔ onyuŋ ɔdɔhɔ ete, ikɔ oro edi akpanikɔ nte asaŋade ye mme ewuhɔ Media ye persia, emi mikemeke ndikpuhɔre.

DANIEL 6:12 ပူးပေါင်းရင်းမြစ်များ

ESTHER 1:19

Ndien but ye iyaresit eyewak. Edieke enemde edidem, yak ewuhɔ edidem ɔwɔrɔ enye ke iso, enyuŋ ewet enye esin ke otu mme ewuhɔ Persia ye Media, man okubiara, ete, Yak Vashti okudi aba ke iso edidem Ahasuerus; ndien yak edidem ada itie ɔbɔŋ-aŋwan esie ɔnɔ mbɔhiduŋ esie eke ɔfɔnde akan enye.

DANIEL 6:15

Ndien mbio oro esop idem ke ɔtɔ edidem, enyuŋ edɔhɔ edidem, ete, O edidem, fiɔk ete ke edi ido nditɔ Media ye Persia, ete ke ikemeke ndiwuhɔre baba isɔŋ-ikɔ ye baba ewuhɔ kiet eke edidem owukde.

DANIEL 6:8

O edidem, nam ndien isɔŋ-ikɔ emi, nyuŋ sin enyiŋ ke ŋwed, man ekukpuhɔre enye, nte mme ewuhɔ nditɔ Media ye nditɔ Persia esaŋade, emi mikemeke ndikpu-hɔre.

UTOM MME APOSTLE 16:19

Ke ini mme ete-ufɔk esie ekutde ete idori-enyin udori mmimɔ amatak, mmɔ emum Paul ye Silas eduri mmɔ eka ke aŋwa-urua ke iso mme andikara;

UTOM MME APOSTLE 16:24

Sia enye ama ɔkɔbɔ oruk item emi, enye ada mmɔ esin ke ata esit-esit ufɔk-ŋkpɔkɔbi, onyuŋ afat mmɔ ukot ke ebuka.