DANIEL 5:8 - Edisana ñwed Abasi Ibom

⁸ Ndien kpukpru mme ɔfiɔkŋkpɔ owo edidem eduk edi: edi mmɔ ikwe nte ekotde ŋwed oro, inyuŋ ikwe nte esiakde enye enɔ edidem.

DANIEL 5:8 ပူးပေါင်းရင်းမြစ်များ

GENESIS 41:8

Ekem ke usenubɔk esit etimere enye; ndien enye ɔdɔŋ ekekot kpukpru mbia-idiɔŋ Egypt, ye kpukpru mme ɔfiɔk-ŋkpɔ owo esie edi; ndien Pharaoh etiŋ ndap esie ɔnɔ mmɔ; edi baba owo kiet eke asiakde mmɔ ɔnɔ Pharaoh iduhe.

ISAIAH 47:9

Edi ŋkpɔ mbiba emi eyesim fi ke idaha, ke usen kiet, unana nditɔ, ye unana ebe: kpukpru mmɔ emesim fi, ebaŋa ediwak idiɔŋ fo, ye uwak uŋwaŋ fo.

JEREMIAH 50:35

Jehovah ɔdɔhɔ, ete, Ofut omodoro mme Chaldean ke idem, omodoro mme andiduŋ Babylon ke idem, omodoro ke idem mbɔŋ esie, ye eke mme ɔfiɔk-ŋkpɔ owo esie.

DANIEL 2:27

Ndien Daniel ɔbɔrɔ ke iso edidem, onyuŋ ɔdɔhɔ, ete, Mme ɔfiɔk ŋkpɔ owo ye mbia-idiɔŋ, ye mbon-ŋwed, ye mbia-mfa ikemeke ndiyarare ndibe ŋkpɔ emi edidem obupde;

DANIEL 4:18

Ami edidem Nebuchadnezzar ŋkokut ndap emi. Afo, O Belteshazzar, siak ndien nte ediwɔrɔde: koro baba ɔfiɔk ŋkpɔ owo kiet eke ekemede ndisian mi nte enye ediwɔrɔde, iduhe ke obio mi: edi afo emekeme; koro spirit edisana Abasi odude fi ke idem.

DANIEL 4:4

Ami Nebuchadnezzar ŋkodu ke ufɔk mi, nnyuŋ mforo ke akwa ufɔk mi:

DANIEL 4:7

Ndien mbon-ŋwed, ye mbia-idiɔŋ, ye mme Chaldean, ye mbia-mfa eduk edi: ndien ami ntiŋ ndap oro ke iso mmɔ: edi mmɔ isianke mi nte ediwɔrɔde.

DANIEL 5:15

Ndien ema eda mbon ifiɔk, kpa mbia-idiɔŋ, eduk ke iso mi, ete ekot ŋwed emi, enyuŋ esian mi nte enye asaŋade; edi mmɔ ikwe nte esiakde nte ikɔ emi asaŋade.