DANIEL 5:7 - Edisana ñwed Abasi Ibom

⁷ Edidem ofiori ɔkpɔsɔŋ, ete eda mbia-idiɔŋ ye mme Chaldean ye mbia-mfa eduk. Edidem ɔbɔrɔ onyuŋ ɔdɔhɔ mme ɔfiɔkŋkpɔ owo Babylon, ete, Owo ekededi ama okot ŋwed emi, onyuŋ asiak enye ɔnɔ mi, eyesine purple ke idem, onyuŋ ɔkɔŋɔ ŋkpɔkɔbi gold ke itɔŋ, onyuŋ ada ɔyɔhɔ itie ubɔŋ ita ke obio.

DANIEL 5:7 ပူးပေါင်းရင်းမြစ်များ

GENESIS 41:8

Ekem ke usenubɔk esit etimere enye; ndien enye ɔdɔŋ ekekot kpukpru mbia-idiɔŋ Egypt, ye kpukpru mme ɔfiɔk-ŋkpɔ owo esie edi; ndien Pharaoh etiŋ ndap esie ɔnɔ mmɔ; edi baba owo kiet eke asiakde mmɔ ɔnɔ Pharaoh iduhe.

ESTHER 3:1

KE ŋkpɔ emi ema ekebe, Ahasuerus okpono Haman, eyen Hammedatha, Agagite, enyuŋ ofori enye, onyuŋ emenere ebekpo esie ke enyɔŋ akan kpukpru mbɔŋ emi edude ye enye.

EXODUS 7:11

Ndien Pharaoh onyuŋ okot mme ɔfiɔkŋkpɔ owo ye mbiaidiɔŋ edi. Ndien idem mbia-idiɔŋ Egypt ŋko enyuŋ eda idiɔŋ mmɔ enam ntre.

MME ŊKE 1:9

Koro mmɔ eyedi ediye anyanya ke ibuot fo, ye obukpe ke itɔŋ fo.

IKWƆ SOLOMON 1:10

mfuk fo emeye ke uyɔ pearl, itɔŋ fo omonyuŋ eye ke ŋkpɔkɔbi gold.

ISAIAH 47:13

Uwak uduak fo esin fi akpa mba. Yak mmɔ eke ebaharede ikpa-enyɔŋ, ye mmɔ eke esede ntantafiɔŋ, ye mmɔ eke edade mbufa ɔfiɔŋ esiak ŋkpɔ, edaha eda, enyuŋ enyaŋa fi esio ke ŋkpɔ eke edisimde fi.

JEREMIAH 50:35

Jehovah ɔdɔhɔ, ete, Ofut omodoro mme Chaldean ke idem, omodoro mme andiduŋ Babylon ke idem, omodoro ke idem mbɔŋ esie, ye eke mme ɔfiɔk-ŋkpɔ owo esie.

EZEKIEL 16:11

Ndien mbana fi ŋkpɔ mbana, nnyuŋ mfɔri fi okpoho ubɔk, nnyuŋ ŋkɔŋ fi ŋkpɔkɔbi ke itɔŋ.

DANIEL 1:20

Ndien ke kpukpru ŋkpɔ ifiɔk ye asian eke edidem obupde mmɔ, enye onyuŋ okut ete ke mmɔ ekan kpukpru mbon-ŋwed ye mbia-idiɔŋ eke edude ke ofuri idut esie utim ikoduop.

DANIEL 1:4

nditɔ eke mibiomke baba ndo, eke enyuŋ eyede iso, enyuŋ edide ɔniɔŋ ke kpukpru oruk eti ibuot, enyuŋ efiɔkde ŋkpɔ, enyuŋ edide mme asian ke ifiɔk, eke enyuŋ enyenede ukeme nte edidade ke akwa ufɔk edidem, eke edinyuŋ ekpepde mmɔ ŋwed ye usem mme Chaldean.

DANIEL 2:2

Ndien edidem ɔnɔ uyo, ete ekot mbon-ŋwed ye mbia-idiɔŋ, ye mbia-mfa, ye mme Chaldean edi edisian edidem ndap esie. Ndien mmɔ edi edida ke iso edidem.

DANIEL 2:27

Ndien Daniel ɔbɔrɔ ke iso edidem, onyuŋ ɔdɔhɔ, ete, Mme ɔfiɔk ŋkpɔ owo ye mbia-idiɔŋ, ye mbon-ŋwed, ye mbia-mfa ikemeke ndiyarare ndibe ŋkpɔ emi edidem obupde;

DANIEL 2:48

Ndien edidem ofori Daniel, onyuŋ ɔnɔ enye ediwak ikpɔ enɔ, onyuŋ onim enye ke etubom ofuri esien Babylon, ye etubom kpukpru mme ɔfiɔk ŋkpɔ owo Babylon.

DANIEL 2:6

Edi mbufo ema ewut ndap oro, enyuŋ esiak enye, mbufo eyebɔ mi enɔ, ye utip, ye akwa ukpono eke otode mi: mbufo etiŋ ndien ndap, enyuŋ esiak enye.

DANIEL 4:14

enye ofiori ɔkpɔsɔŋ, onyuŋ ɔdɔhɔ ntem, ete, Mbufo ekpi eto emi, enyuŋ ekpok ŋkɔk esie, ekeŋ ikɔŋ esie, enyuŋ eduɔŋɔ mfri esie: yak mme unam edaŋa ekpɔŋ mfut esie, yak mme inuen enyuŋ ekpɔŋ ŋkɔk esie:

DANIEL 5:11

owo kiet odu ke obio fo emi spirit edisana Abasi odude enye ke idem; ndien ke eyo usɔ ke ekekut ete ke ɔniɔŋ ye eti ibuot ye ifiɔk emi ebietde ifiɔk Abasi, edu enye ke idem: ndien edidem Nebuchadnezzar usɔ, kpa usɔ edidem okonim ndien enye ke etubom mbon-ŋwed, ye mbia-idiɔŋ, ye mme Chaldean, ye mbia-mfa:

DANIEL 5:15

Ndien ema eda mbon ifiɔk, kpa mbia-idiɔŋ, eduk ke iso mi, ete ekot ŋwed emi, enyuŋ esian mi nte enye asaŋade; edi mmɔ ikwe nte esiakde nte ikɔ emi asaŋade.

DANIEL 5:16

Ndien mmokop ebaŋa fi ete ke afo emekeme ndisiak nte ikɔ asaŋade, nnyuŋ ntat mkpɔsɔŋ ikɔ: edieke afo edikemede ndien ŋwed emi ndikot, nnyuŋ nsian mi nte enye asaŋade, eyesine fi purple ke idem, enyuŋ ekɔŋɔ fi ŋkpɔkɔbi gold ke itɔŋ, afo eyenyuŋ ada ɔyɔhɔ itie ubɔŋ ita ke obio.

DANIEL 5:29

Ndien Belshazzar ɔnɔ uyo, ete esine Daniel purple ke idem, enyuŋ ekɔŋɔ enye ŋkpɔkɔbi gold ke itɔŋ, enyuŋ ekwɔrɔ ebaŋa enye, ete ke enye edi ɔbɔŋ ke ɔyɔhɔ itie ita ke obio.

NUMBERS 22:17

koro nyefori fi eti-eti, nnyuŋ nnam kpukpru se afo edidɔhɔde mi: mbɔk di, ndien, di suŋi mbio emi nɔ mi.

NUMBERS 22:7

Ekem mbiowo Moab, ye mbiowo Midian ekama ŋkpɔ idiɔŋ ke ubɔk mmɔ eka; ndien mmɔ esim ke ɔtɔ Balaam, eketiŋ ikɔ Balak enɔ enye.

NUMBERS 24:11

Daha ndien, fehe, nyɔŋ ebiet fo: ŋkaduak ndikpono fi eti-eti; ndien, sese, Jehovah iyakke fi okut ukpono.

1 SAMUEL 17:25

Ndien eyen Israel ɔdɔhɔ ete, Nte mbufo emekut owo emi ɔdɔkde edi? Kakpan ke enye ɔdɔk edi ndisin Israel ke ndek: ndien ama ekem, edieke owo ediwotde enye, edidem eyeda ediwak inyene ɔdiɔŋ enye, onyuŋ ɔnɔ enye adiaha esie ɔdɔ, onyuŋ ayak ufɔk ete esie ebɔhɔ utomo ke Israel.