DANIEL 5:29 - Edisana ñwed Abasi Ibom

²⁹ Ndien Belshazzar ɔnɔ uyo, ete esine Daniel purple ke idem, enyuŋ ekɔŋɔ enye ŋkpɔkɔbi gold ke itɔŋ, enyuŋ ekwɔrɔ ebaŋa enye, ete ke enye edi ɔbɔŋ ke ɔyɔhɔ itie ita ke obio.

DANIEL 5:29 ပူးပေါင်းရင်းမြစ်များ

GENESIS 41:42

Pharaoh onyuŋ ɔfɔrɔde mkpanuen esie ke ubɔk esie efep, ada enye ɔfɔri ke ubɔk Joseph, onyuŋ ɔnɔ enye edisine-ŋkpɔ eti linen esine, onyuŋ ɔkɔŋɔ enye ŋkpɔkɔbi gold ke itɔŋ;

ESTHER 10:3

Koro Mordecai Jew edide udiana edidem Ahasuerus, onyuŋ okpon ke otu mme Jew, uwak nditɔ-ete esie enyuŋ ema enye, enye oyom ufɔn oruk esie, onyuŋ etiŋ ikɔ emem ɔnɔ ofuri ubon esie.

MME ŊKE 1:9

Koro mmɔ eyedi ediye anyanya ke ibuot fo, ye obukpe ke itɔŋ fo.

DANIEL 2:48

Ndien edidem ofori Daniel, onyuŋ ɔnɔ enye ediwak ikpɔ enɔ, onyuŋ onim enye ke etubom ofuri esien Babylon, ye etubom kpukpru mme ɔfiɔk ŋkpɔ owo Babylon.

DANIEL 5:16

Ndien mmokop ebaŋa fi ete ke afo emekeme ndisiak nte ikɔ asaŋade, nnyuŋ ntat mkpɔsɔŋ ikɔ: edieke afo edikemede ndien ŋwed emi ndikot, nnyuŋ nsian mi nte enye asaŋade, eyesine fi purple ke idem, enyuŋ ekɔŋɔ fi ŋkpɔkɔbi gold ke itɔŋ, afo eyenyuŋ ada ɔyɔhɔ itie ubɔŋ ita ke obio.

DANIEL 5:7

Edidem ofiori ɔkpɔsɔŋ, ete eda mbia-idiɔŋ ye mme Chaldean ye mbia-mfa eduk. Edidem ɔbɔrɔ onyuŋ ɔdɔhɔ mme ɔfiɔkŋkpɔ owo Babylon, ete, Owo ekededi ama okot ŋwed emi, onyuŋ asiak enye ɔnɔ mi, eyesine purple ke idem, onyuŋ ɔkɔŋɔ ŋkpɔkɔbi gold ke itɔŋ, onyuŋ ada ɔyɔhɔ itie ubɔŋ ita ke obio.

DANIEL 6:2

Enye onyuŋ onim ikpɔ owo ita, ete ekama mme mmɔ emi, ndien Daniel edi owo mmɔ kiet, man mbɔŋ emi ebuk mbuk enɔ mmɔ, man ŋkpɔ edidem ekubiara.