DANIEL 5:20 - Edisana ñwed Abasi Ibom

²⁰ Ndien ke ini enye emenerede esit esie ke enyɔŋ, spirit esie onyuŋ akabarede ɔsɔŋ, onyuŋ eseride iseri, esio enye ke ebekpo ubɔŋ esie esuhɔre, enyuŋ ebɔ enye ukpono esie efep:

DANIEL 5:20 ပူးပေါင်းရင်းမြစ်များ

2 NDIDEM 17:14

Ndien mmɔ inyimeke ndikop, edi esɔŋ obot itɔŋ mmɔ nte itɔŋ mme ete mmɔ, emi mikenimke uyo Jehovah Abasi mmɔ ke akpanikɔ.

2 CHRONICLES 32:25

Edi Hezekiah inamke usiene ke ufɔŋ emi efɔnde enye; koro esit esie emenerede ke enyɔŋ: mmɔdo iyaresit odorode enye ke idem, ye ke idem Judah ye Jerusalem.

2 CHRONICLES 36:13

Enye onyuŋ ɔsɔŋ ibuot ye edidem Nebuchadnezzar, emi akanamde enye otomo Abasi: enye onyuŋ ɔsɔŋ obot-itɔŋ esie, onyuŋ ɔsɔŋ esit esie, ete ikufiak itiene Jehovah Abasi Israel.

EXODUS 18:11

Ke emi mmɔfiɔk nte Jehovah okponde akan kpukpru mme abasi: kpa ke idem ŋkpɔ emi mmɔ ekeseride ye mmɔ.

EXODUS 9:17

Afo ke osuk emen idem fo ɔbiɔŋɔ ikɔt mi, unyuŋ usanake mmɔ uyak.

EXODUS 9:7

Ndien Pharaoh ɔdɔŋ (ekese), ndien sese, baba ufene Israel kiet ikpaha. Edi esit Pharaoh osuk ɔsɔŋ, enye inyuŋ iyakke mbon oro eka.

MME ŊKE 16:18

Iseri ebem nsobo iso: mkpon-esit onyuŋ ebem iduɔ iso.

MME ŊKE 16:5

Jehovah abat kpukpru okpon-esit ke mbubiam: ubɔk okposuk adadiana ye ubɔk enye idibɔhɔke.

ISAIAH 47:1

SUHƆRE, nyuŋ tie ke ntan, adiaha Babylon eyenɔwɔŋ, tie ke isɔŋ; ebekpo iduhe, adiaha mme Chaldean: koro mmɔ midikotke aba fi, ite, Mmem-mmem, ye edinem.

JEREMIAH 13:18

Dɔhɔ edidem ye ɔbɔŋ-aŋwan, ete, Mbufo esuhɔre etie; koro anyanya ubɔŋ mbufo otode mbufo ke ibuot ɔduɔ ke isɔŋ.

JEREMIAH 19:15

Ntem ke Jehovah mme udim Abasi Israel ɔdɔhɔ ete, Sese, mmɔŋ nda ofuri idiɔk-ŋkpɔ oro ŋkɔdɔhɔde mbaŋa enye, ntiene obio emi, ye kpukpru obio-iŋwaŋ esie, koro mmɔ esɔŋɔde obot-itɔŋ mmɔ, ndien mikopke uyo mi.

JEREMIAH 48:18

Wɔrɔ ke ubɔŋ, suhɔre tie ke nsat-itɔŋ, O eyen-aŋwan emi oduŋde ke Dibon; koro andibiat Moab ɔmɔdɔk osim fi, enye eyesobo mkpɔsɔŋ ebiet fo.

EZEKIEL 30:6

Ntem ke Jehovah ɔdɔhɔ, ete, Mmɔ eke emumde Egypt ekama eyeduɔŋɔ ŋko; iseri odudu esie eyenyuŋ ɔsuhɔre; ɔtɔŋɔde ke Migdol tutu osim ke Syene, ke mmɔ ediduɔŋɔ ke esit ke ofut, Uyo Jehovah edi emi.

EZEKIEL 31:10

Mmɔdo ntem ke Ɔbɔŋ Jehovah ɔdɔhɔ, ete, Koro afo okoŋde ke idaha: enye onyuŋ esinde nsom esie ke ufɔt mbubit enyɔŋ, onyuŋ emenerede esit esie onim ke enyɔŋ ke idaha esie;

DANIEL 11:36

Ndien edidem eyenam kpa nte enye amade, onyuŋ emenere idem esie ke enyɔŋ, onyuŋ onim idem esie ke akamba akan kpukpru abasi, onyuŋ etiŋ mme utibe ŋkpɔ abaŋa Abasi mme abasi, eyenyuŋ oforo tutu ikpahesit okure ama: koro enye eyenam se ekewukde.

DANIEL 4:26

Ndien emi mmɔ ekedɔhɔde, ete ekpɔŋ etak oruŋ eto oro, ubɔŋ fo eyena ɔnɔ fi, adaŋemi afo edifiɔkde ete ke heaven ada ubɔŋ.

DANIEL 4:28

Ofuri ŋkpɔ emi edisim Nebuchadnezzar edidem.

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

DANIEL 8:8

Ekem okpo ebot oro akabare okpon eti-eti; ndien adaŋemi enye ɔsɔŋɔde, akamba nduk oro ɔbuŋɔ; ndien ikpɔ nduk inaŋ eke esede ofum enyɔŋ mbinaŋ, etibe ke itie esie.

LUKE 18:14

Ndɔhɔ mbufo nte, owo emi ɔsuhɔre ɔnyɔŋ ufɔk enyene utebe-ikpe akan enye eken: koro kpukpru owo eke emenerede idem esie, ke eyesuhɔre enye enim; edi owo eke ɔsuhɔrede idem esie, ke eyemenere enye.

MME HEBREW 3:13

Edi enɔ kiet eken item kpukpru usen adaŋa nte ini ekerede mfin mbak, idiɔk-ŋkpɔ edida abiaŋa esie ɔsɔŋ owo ekededi ke otu mbufo esit:

1 SAMUEL 6:6

Ndien mbufo edinam didie esɔŋ esit mbufo kpa nte Egypt ye Pharaoh ekesɔŋde esit mmɔ? nte mmɔ ikasanake mbon oro iyak ke adaŋemi enye akanamde mkpɔsɔŋ ŋkpɔ ke otu mmɔ, ndien mmɔ enyɔŋɔ?