DANIEL 5:2 - Edisana ñwed Abasi Ibom

² Adaŋemi Belshazzar atabide wine oro enye ɔnɔ uyo, ete eda ŋkpɔ gold ye ŋkpɔ silver oro Nebuchadnezzar ete esie akataŋde ke temple emi okodude ke Jerusalem efep, eda edi; man edidem, ye ikpɔ owo esie, ye iban esie, ye iban-esa esie eŋwɔŋ ke esit.

DANIEL 5:2 ပူးပေါင်းရင်းမြစ်များ

2 SAMUEL 9:7

Ndien David ɔdɔhɔ enye, ete, Kufehe ndik; koro ndinamde mfɔn-ido ye afo mbaŋa Jonathan usɔ, nyenyuŋ nyak kpukpru iŋwaŋ Saul usɔ nnɔ fi; afo eyenyuŋ adia ŋkpɔ ke okpokoro mi kpukpru ini.

2 NDIDEM 24:13

Enye onyuŋ osio do kpukpru ŋkpɔ uto ufɔk Jehovah, ye ŋkpɔ uto ufɔk edidem, onyuŋ adianare gold efep ke kpukpru ŋkpɔ oro Solomon edidem Israel akanamde ke ufɔk Jehovah, kpa nte Jehovah ɔkɔdɔhɔde.

2 NDIDEM 25:15

Etubom mbon-ukpeme onyuŋ ada censer, ye mme bowl, eke edide gold, gold, ye eke edide silver, silver.

2 CHRONICLES 11:20

Enye onyuŋ ɔdɔ Maacah eyen Absalom, ɔkɔrɔ ye enye eken; ndien enye aman Abijah, ye Attai, ye Ziza, ye Shelomith ɔnɔ enye.

2 CHRONICLES 15:16

Ndien ŋko enye osio Maacah eka Asa edidem ke itie ubɔŋ efep, koro enye akanamde ibɔk ɔnɔ Asherah: ndien Asa asiak ibɔk esie, anuak, onyuŋ ɔfɔp enye ke ebedeŋ Kidron.

2 CHRONICLES 36:10

Ekem ke ukabare isua Nebuchadnezzar ɔdɔŋ ekeda enye edi ke Babylon, ye ŋkpɔ-uto ufɔk Jehovah, onyuŋ ada Zedekiah eyen-ete esie onim ke edidem Judah ye Jerusalem.

2 CHRONICLES 36:18

Ndien ama edi kpukpru mkpoduoho ufɔk Abasi, ikpɔ ye ŋkpri, ye ŋkpɔ-uto ufɔk Jehovah, ye ŋkpɔ-uto edidem, ye eke mbɔŋ esie, enye ataŋ kpukpru ɔnyɔŋ ke Babylon.

EZRA 5:14

Ndien ŋko ama edi mkpoduoho ufɔk Abasi o-gold ye silver, emi Nebuchadnezzar akataŋde ke temple emi okodude ke Jerusalem ɔnyɔŋ, ada mmɔ okonim ke temple ke Babylon, mmɔ ke Cyrus okosio ke temple Babylon, onyuŋ ada mmɔ ɔnɔ owo emi ekerede Sheshbazzar, emi enye okonimde ke etubom;

JEREMIAH 27:7

Ndien kpukpru mme idut eyedi ikɔt esie, ye eke eyen esie, ye eke eyeyen esie, tutu ini idut esie ŋko edi: ndien mkpɔsɔŋ mme idut ye ikpɔ ndidem eyenim enye ke ufin.

JEREMIAH 50:35

Jehovah ɔdɔhɔ, ete, Ofut omodoro mme Chaldean ke idem, omodoro mme andiduŋ Babylon ke idem, omodoro ke idem mbɔŋ esie, ye eke mme ɔfiɔk-ŋkpɔ owo esie.

JEREMIAH 52:19

Etubom mbon ukpeme onyuŋ ada ikpɔ bowl, ye mme censer, ye bowl, ye eso ye uwuk utuenikaŋ, ye ikpaŋ idaŋ, ye cup, eke edide gold, gold, ye eke edide silver, silver, onyɔŋ.

DANIEL 1:2

Ndien Ɔbɔŋ emen Jehoiakim edidem Judah esin enye ke ubɔk, ye ubak mkpoduoho ufɔk Abasi; ndien enye ada mmɔ ɔnyɔŋ ke edem shinar ke ufɔk abasi esie; onyuŋ ada mkpoduoho oro esin ke ufɔk unim-ŋkpɔ abasi esie.

DANIEL 5:11

owo kiet odu ke obio fo emi spirit edisana Abasi odude enye ke idem; ndien ke eyo usɔ ke ekekut ete ke ɔniɔŋ ye eti ibuot ye ifiɔk emi ebietde ifiɔk Abasi, edu enye ke idem: ndien edidem Nebuchadnezzar usɔ, kpa usɔ edidem okonim ndien enye ke etubom mbon-ŋwed, ye mbia-idiɔŋ, ye mme Chaldean, ye mbia-mfa:

DANIEL 5:13

Ndien eda Daniel edi ke iso edidem. Edidem ɔbɔrɔ onyuŋ ɔdɔhɔ Daniel, ete, Ndi afo edi Daniel emi otode ke otu nditɔ Judah emi eketaŋde edi, emi edidem ete mi akadade ke Judea edi?

DANIEL 5:18

Afo, O edidem, Abasi Ibom ama ɔnɔ Nebuchadnezzar usɔ ubɔŋ ye ubom ye ukpono ye uyai:

DANIEL 5:23

Edi afo ememenere idem fo ke enyɔŋ aŋwana ye Ɔbɔŋ heaven: mmɔ emenyuŋ eda mkpoduoho ufɔk esie edi ke iso fo, ndien afo ye ikpɔ owo fo ye iban fo ye iban-esa fo emeŋwɔŋ wine ke esit, afo omonyuŋ ɔkɔm mme abasi silver, ye eke gold, ye eke okpoho, ye eke ukwak, ye eke eto, ye eke itiat, emi mikwe ŋkpɔ, minyuŋ ikopke, minyuŋ ifiɔkke: ndien ama edi Abasi emi ibifik fo odude enye ke ubɔk, emi kpukpru usuŋ fo enyuŋ enyenede enye, afo ukponoke enye.

DANIEL 5:3

Ndien mmɔ eda ŋkpɔ gold oro eketaŋde ke temple ufɔk Abasi emi odude ke Jerusalem, eda edi; ndien edidem ye ikpɔ owo esie, ye iban esie, ye iban-esa esie eŋwɔŋ ke esit.

DANIEL 5:30

Ke okoneyo oro ewot Belshazzar edidem mme Chaldean.

DANIEL 5:4

Mmɔ eŋwɔŋ wine, enyuŋ ekɔm mme abasi gold, ye eke silver ye eke okpoho, ye eke ukwak, ye eke eto, ye eke itiat.

NUMBERS 7:79

enɔ esie edi bason silver kiet, udop esie edi shekel ikie ye edip ye udop, ye bowl silver kiet, shekel ata ye duop, asaŋa ye edisana shekel; eti ndom-uyo abuaha ye aran, ke eke inuak-udia, ɔyɔhɔ ke mbiba: