DANIEL 5:16 - Edisana ñwed Abasi Ibom

¹⁶ Ndien mmokop ebaŋa fi ete ke afo emekeme ndisiak nte ikɔ asaŋade, nnyuŋ ntat mkpɔsɔŋ ikɔ: edieke afo edikemede ndien ŋwed emi ndikot, nnyuŋ nsian mi nte enye asaŋade, eyesine fi purple ke idem, enyuŋ ekɔŋɔ fi ŋkpɔkɔbi gold ke itɔŋ, afo eyenyuŋ ada ɔyɔhɔ itie ubɔŋ ita ke obio.

DANIEL 5:16 ပူးပေါင်းရင်းမြစ်များ

GENESIS 40:8

Ndien mmɔ edɔhɔ enye, ete, nnyin ima idaba ndap, ndien owo eke asiakde iduhe. Ndien Joseph ɔdɔhɔ mmɔ ete, Nte idige Abasi asiak ndap? Mbɔk, mbufo ekam etiŋ enɔ mi.

GENESIS 41:15

Ndien Pharaoh ɔdɔhɔ Joseph, ete, Mmadaba ndap, owo eke asiakde enye inyuŋ iduhe; mmonyuŋ ŋkop mbaŋa fi, nte ke afo eyefiɔk ndap ndisiak enye.

GENESIS 41:42

Pharaoh onyuŋ ɔfɔrɔde mkpanuen esie ke ubɔk esie efep, ada enye ɔfɔri ke ubɔk Joseph, onyuŋ ɔnɔ enye edisine-ŋkpɔ eti linen esine, onyuŋ ɔkɔŋɔ enye ŋkpɔkɔbi gold ke itɔŋ;

DANIEL 2:48

Ndien edidem ofori Daniel, onyuŋ ɔnɔ enye ediwak ikpɔ enɔ, onyuŋ onim enye ke etubom ofuri esien Babylon, ye etubom kpukpru mme ɔfiɔk ŋkpɔ owo Babylon.

DANIEL 2:6

Edi mbufo ema ewut ndap oro, enyuŋ esiak enye, mbufo eyebɔ mi enɔ, ye utip, ye akwa ukpono eke otode mi: mbufo etiŋ ndien ndap, enyuŋ esiak enye.

DANIEL 5:29

Ndien Belshazzar ɔnɔ uyo, ete esine Daniel purple ke idem, enyuŋ ekɔŋɔ enye ŋkpɔkɔbi gold ke itɔŋ, enyuŋ ekwɔrɔ ebaŋa enye, ete ke enye edi ɔbɔŋ ke ɔyɔhɔ itie ita ke obio.

DANIEL 5:7

Edidem ofiori ɔkpɔsɔŋ, ete eda mbia-idiɔŋ ye mme Chaldean ye mbia-mfa eduk. Edidem ɔbɔrɔ onyuŋ ɔdɔhɔ mme ɔfiɔkŋkpɔ owo Babylon, ete, Owo ekededi ama okot ŋwed emi, onyuŋ asiak enye ɔnɔ mi, eyesine purple ke idem, onyuŋ ɔkɔŋɔ ŋkpɔkɔbi gold ke itɔŋ, onyuŋ ada ɔyɔhɔ itie ubɔŋ ita ke obio.

DANIEL 6:2

Enye onyuŋ onim ikpɔ owo ita, ete ekama mme mmɔ emi, ndien Daniel edi owo mmɔ kiet, man mbɔŋ emi ebuk mbuk enɔ mmɔ, man ŋkpɔ edidem ekubiara.

UTOM MME APOSTLE 8:18

Ke ini Simon okutde ete enɔ Edisana Spirit oto ke eridori ubɔk emi mme apostle edoride owo, enye ada okuk ɔsɔk mmɔ, onyuŋ ɔdɔhɔ mmɔ ete,