DANIEL 5:13 - Edisana ñwed Abasi Ibom

¹³ Ndien eda Daniel edi ke iso edidem. Edidem ɔbɔrɔ onyuŋ ɔdɔhɔ Daniel, ete, Ndi afo edi Daniel emi otode ke otu nditɔ Judah emi eketaŋde edi, emi edidem ete mi akadade ke Judea edi?

DANIEL 5:13 ပူးပေါင်းရင်းမြစ်များ

EZRA 10:16

Ndien nditɔ ntaŋ-mfep enam ntre. Ekem Ezra oku, ye owo eke edide mme etubom mme ete, nte ufɔk mme ete mmɔ edide, ye kpukpru mmɔ ke enyiŋ, ke enyiŋ, edianare idem mmɔ, enyuŋ esuhɔre ebono ke akpa usen ɔyɔhɔ ɔfiɔŋ duop, man etim ese ikɔ emi.

EZRA 10:7

Ndien mmɔ etaŋa ewuhɔ ke Judah ye Jerusalem enɔ kpukpru nditɔ ntaŋ-mfep, ete edibono ke Jerusalem;

EZRA 4:1

EKEM adaŋemi mme asua Judah ye eke Benjamin ekopde ete ke nditɔ ntaŋ-mfep ebɔp temple enɔ Jehovah Abasi Israel;

EZRA 6:16

Ekem nditɔ Israel, ye mme oku, ye mme Levite, ye mmɔ efen emi eketode ke itie ntaŋ-mfep enim usɔrɔ uberere usuŋ ufɔk Abasi emi ke idara.

DANIEL 1:1

KE ɔyɔhɔ isua ita nte Jehoiakim edidem Judah akada ubɔŋ, Nebuchadnezzar edidem Babylon edi ke Jerusalem edikan enye okuk.

DANIEL 1:2

Ndien Ɔbɔŋ emen Jehoiakim edidem Judah esin enye ke ubɔk, ye ubak mkpoduoho ufɔk Abasi; ndien enye ada mmɔ ɔnyɔŋ ke edem shinar ke ufɔk abasi esie; onyuŋ ada mkpoduoho oro esin ke ufɔk unim-ŋkpɔ abasi esie.

DANIEL 1:21

Ndien Daniel odu uwem tutu osim ke akpa isua Cyrus edidem.

DANIEL 1:6

Ndien Daniel ye Hananiah ye Mishael ye Azariah emi etode ke nditɔ Judah, edu ke otu mmɔ:

DANIEL 2:25

Ndien Arioch awara ada Daniel oduk ke iso edidem, onyuŋ ɔdɔhɔ enye ntem, ete, Mmokut owo kiet ke otu nditɔ Judah emi eketaŋde edi ken, eke ekemede ndisian edidem nte ndap oro asaŋade.

DANIEL 2:48

Ndien edidem ofori Daniel, onyuŋ ɔnɔ enye ediwak ikpɔ enɔ, onyuŋ onim enye ke etubom ofuri esien Babylon, ye etubom kpukpru mme ɔfiɔk ŋkpɔ owo Babylon.

DANIEL 5:11

owo kiet odu ke obio fo emi spirit edisana Abasi odude enye ke idem; ndien ke eyo usɔ ke ekekut ete ke ɔniɔŋ ye eti ibuot ye ifiɔk emi ebietde ifiɔk Abasi, edu enye ke idem: ndien edidem Nebuchadnezzar usɔ, kpa usɔ edidem okonim ndien enye ke etubom mbon-ŋwed, ye mbia-idiɔŋ, ye mme Chaldean, ye mbia-mfa:

DANIEL 5:14

Mmokop ebaŋa fi ŋko, ete ke spirit Abasi odu fi ke idem, ete ke enyuŋ ekut ete ke ɔniɔŋ, ye eti ibuot, ye eti ifiɔk edu fi ke idem.

DANIEL 5:18

Afo, O edidem, Abasi Ibom ama ɔnɔ Nebuchadnezzar usɔ ubɔŋ ye ubom ye ukpono ye uyai:

DANIEL 5:2

Adaŋemi Belshazzar atabide wine oro enye ɔnɔ uyo, ete eda ŋkpɔ gold ye ŋkpɔ silver oro Nebuchadnezzar ete esie akataŋde ke temple emi okodude ke Jerusalem efep, eda edi; man edidem, ye ikpɔ owo esie, ye iban esie, ye iban-esa esie eŋwɔŋ ke esit.

DANIEL 6:13

Ndien mmɔ ebɔrɔ enyuŋ edɔhɔ ke iso edidem, ete, Daniel emi otode ke nditɔ mme Jew emi eketaŋde edi, ibatke fi, O edidem, ke baba ŋkpɔ kiet inyuŋ ibatke isɔŋ-ikɔ oro afo ekesinde enyiŋ ke esit, edi enye anam mkpeubɔk utim ikata ke usen.

DANIEL 8:1

KE ɔyɔhɔ isua ubɔŋ Belshazzar edidem ita, ami kpa ami Daniel ŋkut ŋkukut, etiene oro ŋkukutde ke eritɔŋɔ.

DANIEL 8:27

Ndien idem akpa mi Daniel, udɔŋɔ onyuŋ anam mi ndusuk ini: edikem ŋkop idem, nnyuŋ nam utom edidem; ŋkukut oro onyuŋ enyene mi ndyɔ: edi baba owo kiet ifiɔkke enye.

JOHN 7:1

KE ŋkpɔ emi ema ekebe, Jesus asaŋa ke Galilee; koro Enye minyimeke ndisaŋa ke Judaea, koro mme Jew eyomde Enye ndiwot.

JOHN 7:3

Ntre ke nditɔ eka Esie edɔhɔ Enye ete, Daha ke ɔtɔ emi, ka ke Judaea, man mbet Fo nde ekut mme utom eke Afo anamde.