DANIEL 5:11 - Edisana ñwed Abasi Ibom

¹¹ owo kiet odu ke obio fo emi spirit edisana Abasi odude enye ke idem; ndien ke eyo usɔ ke ekekut ete ke ɔniɔŋ ye eti ibuot ye ifiɔk emi ebietde ifiɔk Abasi, edu enye ke idem: ndien edidem Nebuchadnezzar usɔ, kpa usɔ edidem okonim ndien enye ke etubom mbon-ŋwed, ye mbia-idiɔŋ, ye mme Chaldean, ye mbia-mfa:

DANIEL 5:11 ပူးပေါင်းရင်းမြစ်များ

GENESIS 41:38

Ndien Pharaoh ɔdɔhɔ ikɔt esie ete, Nte nnyin iyekut owo eke spirit Abasi odude enye ke esit, nte enye emi?

2 SAMUEL 14:17

Ndien ofin aŋwan fo ɔdɔhɔ ete, Yak uyo ɔbɔŋ mi edidem akam edi eke nduɔk-odudu: koro ɔbɔŋ mi edidem etiede kpa nte angel Abasi ndikop eti ye idiɔk: Jehovah Abasi fo onyuŋ odu ye afo.

EZEKIEL 28:3

sese, afo emenyene ibuot akan Daniel; baba ndibe ŋkpɔ kiet idibeke fi:

EZEKIEL 28:4

afo ada eti ibuot fo ye asian fo ɔkɔ inyene ke idem fo; onyuŋ ɔkɔ gold ye silver esin ke unim-inyene fo:

DANIEL 1:4

nditɔ eke mibiomke baba ndo, eke enyuŋ eyede iso, enyuŋ edide ɔniɔŋ ke kpukpru oruk eti ibuot, enyuŋ efiɔkde ŋkpɔ, enyuŋ edide mme asian ke ifiɔk, eke enyuŋ enyenede ukeme nte edidade ke akwa ufɔk edidem, eke edinyuŋ ekpepde mmɔ ŋwed ye usem mme Chaldean.

DANIEL 2:11

Ndien ikɔ emi edidem obupde ɔsɔŋ, owo eŋwen baba kiet eke ekemede ndisiak enye nnɔ edidem inyuŋ iduhe, ke mibɔhɔke mme abasi emi iduŋ mmɔ miduhe ye obukidem.

DANIEL 2:22

Enye ayarare ndituŋɔ ye ndibe-ndibe ŋkpɔ, ke ɔfiɔk se idude ke ekim, uŋwana onyuŋ oduŋ ye enye.

DANIEL 4:18

Ami edidem Nebuchadnezzar ŋkokut ndap emi. Afo, O Belteshazzar, siak ndien nte ediwɔrɔde: koro baba ɔfiɔk ŋkpɔ owo kiet eke ekemede ndisian mi nte enye ediwɔrɔde, iduhe ke obio mi: edi afo emekeme; koro spirit edisana Abasi odude fi ke idem.

DANIEL 4:5

ŋkut ndap, ndien enye esin mi ndikhe; ekikere ke bed mi ye ŋkukut ibuot mi enyuŋ enam mi ndik.

DANIEL 4:6

Ndien ami ŋwuk ewuhɔ, nte eda kpukpru mme ɔfiɔk ŋkpɔ owo Babylon edi ke iso mi man mmɔ esian mi nte ndap oro ediwɔrɔde.

DANIEL 5:14

Mmokop ebaŋa fi ŋko, ete ke spirit Abasi odu fi ke idem, ete ke enyuŋ ekut ete ke ɔniɔŋ, ye eti ibuot, ye eti ifiɔk edu fi ke idem.

DANIEL 5:7

Edidem ofiori ɔkpɔsɔŋ, ete eda mbia-idiɔŋ ye mme Chaldean ye mbia-mfa eduk. Edidem ɔbɔrɔ onyuŋ ɔdɔhɔ mme ɔfiɔkŋkpɔ owo Babylon, ete, Owo ekededi ama okot ŋwed emi, onyuŋ asiak enye ɔnɔ mi, eyesine purple ke idem, onyuŋ ɔkɔŋɔ ŋkpɔkɔbi gold ke itɔŋ, onyuŋ ada ɔyɔhɔ itie ubɔŋ ita ke obio.

UTOM MME APOSTLE 12:22

Ndien mbio-obio efiori ete, Uyo Abasi, idige uyo owo.

UTOM MME APOSTLE 14:11

Ke ini mme otu owo ekutde se Paul anamde, mmɔ esio mkpo efiori ke usem Lycaonia, ete, Mme abasi emada mbiet owo esuhɔre edi ke ɔtɔ nnyin.

UTOM MME APOSTLE 16:16

Edikem, nte nnyin isaŋade ika itie-akam, eyen-aŋwan kiet, emi enyenede spirit idiɔŋ, osobo ye nnyin, emi adade idiɔŋ ebre ɔkɔ ediwak okuk ɔnɔ mme ete-ufɔk esie.

ERIYARARE 3:9

Sese, mmɔnɔ mmɔ emi etode synagogue Satan, emi edɔhɔde ete mme imɔ idi mme Jew, ndien mmɔ idige, edi esosu; sese, nyenam mmɔ edi edituak ibuot ke ukot fo, enyuŋ efiɔk ete, Ami ŋkamama fi.