DANIEL 4:6 - Edisana ñwed Abasi Ibom

⁶ Ndien ami ŋwuk ewuhɔ, nte eda kpukpru mme ɔfiɔk ŋkpɔ owo Babylon edi ke iso mi man mmɔ esian mi nte ndap oro ediwɔrɔde.

DANIEL 4:6 ပူးပေါင်းရင်းမြစ်များ

EXODUS 7:11

Ndien Pharaoh onyuŋ okot mme ɔfiɔkŋkpɔ owo ye mbiaidiɔŋ edi. Ndien idem mbia-idiɔŋ Egypt ŋko enyuŋ eda idiɔŋ mmɔ enam ntre.

ISAIAH 8:19

Ndien adaŋemi mmɔ edɔhɔde mbufo, ete, Mbufo ebup ndem, ye mbia-idiɔŋ emi ekunide, enyuŋ enunde ikɔ: nte mbio ikpobupke Abasi mmɔ? (Nte ekpebup) mme akpa-mkpa enɔ mme odu-uwem?

DANIEL 1:17

Ndien ama edi nditɔwɔŋ mbinaŋ emi, Abasi ɔnɔ mmɔ ifiɔk ye eti ibuot ke kpukpru oruk ŋwed ye ɔniɔŋ; Daniel onyuŋ edi asian ke kpukpru oruk ŋkukut ye ndap.

DANIEL 2:2

Ndien edidem ɔnɔ uyo, ete ekot mbon-ŋwed ye mbia-idiɔŋ, ye mbia-mfa, ye mme Chaldean edi edisian edidem ndap esie. Ndien mmɔ edi edida ke iso edidem.

DANIEL 2:48

Ndien edidem ofori Daniel, onyuŋ ɔnɔ enye ediwak ikpɔ enɔ, onyuŋ onim enye ke etubom ofuri esien Babylon, ye etubom kpukpru mme ɔfiɔk ŋkpɔ owo Babylon.

DANIEL 4:15

edi mbufo esuhɔ etak oruŋ esie ke isɔŋ, kpa ke ubɔp-ŋkpɔ ukwak ye eke okpoho, ke nsek mbiet iŋwaŋ: yak mbara enyɔŋ onyuŋ ebit enye, yak udeme esie onyuŋ odu ye mme unam ke mbiet iŋwaŋ:

DANIEL 5:11

owo kiet odu ke obio fo emi spirit edisana Abasi odude enye ke idem; ndien ke eyo usɔ ke ekekut ete ke ɔniɔŋ ye eti ibuot ye ifiɔk emi ebietde ifiɔk Abasi, edu enye ke idem: ndien edidem Nebuchadnezzar usɔ, kpa usɔ edidem okonim ndien enye ke etubom mbon-ŋwed, ye mbia-idiɔŋ, ye mme Chaldean, ye mbia-mfa:

DANIEL 5:7

Edidem ofiori ɔkpɔsɔŋ, ete eda mbia-idiɔŋ ye mme Chaldean ye mbia-mfa eduk. Edidem ɔbɔrɔ onyuŋ ɔdɔhɔ mme ɔfiɔkŋkpɔ owo Babylon, ete, Owo ekededi ama okot ŋwed emi, onyuŋ asiak enye ɔnɔ mi, eyesine purple ke idem, onyuŋ ɔkɔŋɔ ŋkpɔkɔbi gold ke itɔŋ, onyuŋ ada ɔyɔhɔ itie ubɔŋ ita ke obio.