DANIEL 4:31 - Edisana ñwed Abasi Ibom

³¹ Adaŋemi uyo emi osuk ododu edidem ke inua, uyo oto ke enyɔŋ ɔduɔ, ete, O edidem Nebuchadnezzar, ke edɔhɔ fi, ete,

DANIEL 4:31 ပူးပေါင်းရင်းမြစ်များ

GENESIS 14:18

Ndien Melchizedek edidem Salem osio uyo ye wine edi: enye onyuŋ edi oku Abasi Ibom.

ŊWED JOB 20:23

Ama ekem enye (Abasi) eyedɔŋ ikaŋ iyaresit esie, ete ɔyuhɔ enye idibi, onyuŋ anam edep enye ke idem, nte udia esie.

ŊWED MME PSALM 145:13

Ubɔŋ fo edi ata nsinsi ubɔŋ, afo onyuŋ akara ke ofuri emana.

MME ŊKE 29:23

Iseri owo eyesuhɔre enye: edi nsukesit eyeda ukpono.

ISAIAH 14:27

Koro Jehovah mme udim amaduak, ndien anie edinam enye okpu? Enye omonyuŋ anyanare ubɔk esie, ndien anie edinuk enye afiak?

DANIEL 12:7

Ndien ŋkop uyo owo oro esinede linen, emi adade ke enyɔŋ mmɔŋ akpa, ndien enye emenere ubɔk nnasia esie ye ubɔk ufien esie ke enyɔŋ, onyuŋ otomo enye emi odude uwem ke nsinsi, ete ke edidi ini, ye ini iba, ye ubak ini; ndien adaŋemi enye edisuande odudu edisana mbio ama, eyema kpukpru ŋkpɔ emi.

DANIEL 4:24

ntem ke enye ediwɔrɔ. O edidem, enye onyuŋ edi uduak Ata Edikoŋ Abasi emi osimde ɔbɔŋ mi edidem:

DANIEL 4:26

Ndien emi mmɔ ekedɔhɔde, ete ekpɔŋ etak oruŋ eto oro, ubɔŋ fo eyena ɔnɔ fi, adaŋemi afo edifiɔkde ete ke heaven ada ubɔŋ.

DANIEL 4:30

Edikem ɔbɔrɔ onyuŋ ɔdɔhɔ, ete, Nte idige emi edi akamba Babylon emi ndade akwa odudu mi mbɔp nnim ke ufɔk ubɔŋ mi, ye ke eke uyai ubɔŋ mi?

DANIEL 4:32

Ubɔŋ amadaha ɔkpɔŋ fi; ndien mmɔ eyebin fi ke otu owo efep, iduŋ fo eyenyuŋ odu ye mme unam ikɔt; eyebɔk fi ke mbiet nte enaŋ; ndien isua itiaba eyebe fi, tutu afo edifiɔk ete ke Ata Edikoŋ akara ke ubɔŋ ererimbot, onyuŋ ada enye ɔnɔ owo ekededi eke enye amade.

DANIEL 4:34

Ekem ke utit ini oro, ami Nebuchadnezzar mmenere enyin mi nse enyɔŋ, ndien ibuot mi ɔtɔŋ ntak ɔfɔn; ndien ami ŋkɔm Ata Edikoŋ, nnyuŋ ntoro, nnyuŋ ŋkpono enye emi odude uwem ke nsinsi, emi akarade ke nsinsi, emi ubɔŋ esie onyuŋ ebigide ke ofuri emana:

DANIEL 5:20

Ndien ke ini enye emenerede esit esie ke enyɔŋ, spirit esie onyuŋ akabarede ɔsɔŋ, onyuŋ eseride iseri, esio enye ke ebekpo ubɔŋ esie esuhɔre, enyuŋ ebɔ enye ukpono esie efep:

DANIEL 5:28

PERES: emebahare ubɔŋ fo, enyuŋ emen enye enɔ Media ye Persia.

DANIEL 6:27

Enye anyaŋa onyuŋ osio, onyuŋ anam mme idiɔŋɔ ye mme utibe ŋkpɔ ke enyɔŋ ye ke isɔŋ, emi akanyaŋade Daniel osio ke ubɔk mme lion.

MATTHEW 3:17

ndien sese, uyo oto ke enyɔŋ ɔdɔhɔ ete, Emi edi edima Eyen Mi, emi esit enemde Mi eti-eti ye Enye.

LUKE 12:20

Edi Abasi ɔdɔhɔ enye ete, Afo anana ibuot, eye-kpak ukpɔŋ fo ke ubɔk fo ke okoneyo emi; ndien anie edidia ŋkpɔ eke ɔkɔkɔde onim?

JOHN 12:28

Ndɔhɔ nte, Ete, nɔ enyiŋ Fo ubɔŋ. Ntre ke uyo oto ke enyɔŋ ete, Mma ŋkɔnɔ enyiŋ Mi ubɔŋ, nyenyuŋ ntɔŋɔ ntak nnɔ enye ubɔŋ.

1 ŊWED THESSALONICA 5:3

Ini mme owo edɔhɔde ete, idu ke emem ye ifure, kpa adaŋoro ke nsobo abuat mmɔ, nte emi uman abuatde ŋwan idibi; ndien mmɔ idikwe usuŋ ubɔhɔ.

ERIYARARE 16:7

Ndien ŋkop itie-uwa nte ɔdɔhɔde ete, Edi akpanikɔ, O Ɔbɔŋ Abasi, Andikara kpukpru ŋkpɔ, mme ikpe Fo enen enyuŋ edi akpanikɔ.

1 SAMUEL 13:14

Edi ke emi ubɔŋ fo idibigike: Jehovah ama oyom owo ke idem esie eke ekemde esit ye enye, Jehovah ama onyuŋ eteme enye, ete edi etubom ikɔt imɔ, koro afo mukonimke se Jehovah eketemde fi.

1 SAMUEL 15:23

Koro emiom ebietde idiɔŋ, itun onyuŋ ebiet idiɔk ido ye mkpono-idem. Koro afo emesin uyo Jehovah, enye ŋko esin fi idaha edidem.