DANIEL 4:18 - Edisana ñwed Abasi Ibom

¹⁸ Ami edidem Nebuchadnezzar ŋkokut ndap emi. Afo, O Belteshazzar, siak ndien nte ediwɔrɔde: koro baba ɔfiɔk ŋkpɔ owo kiet eke ekemede ndisian mi nte enye ediwɔrɔde, iduhe ke obio mi: edi afo emekeme; koro spirit edisana Abasi odude fi ke idem.

DANIEL 4:18 ပူးပေါင်းရင်းမြစ်များ

GENESIS 40:12

Ndien Joseph ete enye, Ntem ke esiak enye: ubɔk ita oro edi usen ita:

GENESIS 41:15

Ndien Pharaoh ɔdɔhɔ Joseph, ete, Mmadaba ndap, owo eke asiakde enye inyuŋ iduhe; mmonyuŋ ŋkop mbaŋa fi, nte ke afo eyefiɔk ndap ndisiak enye.

GENESIS 41:8

Ekem ke usenubɔk esit etimere enye; ndien enye ɔdɔŋ ekekot kpukpru mbia-idiɔŋ Egypt, ye kpukpru mme ɔfiɔk-ŋkpɔ owo esie edi; ndien Pharaoh etiŋ ndap esie ɔnɔ mmɔ; edi baba owo kiet eke asiakde mmɔ ɔnɔ Pharaoh iduhe.

ISAIAH 19:3

Ndien eyeŋwaŋa Egypt spirit esie ke idem efep; nyeyuŋ mmen uduak esie nsin ke idibi: ndien mmɔ eyebine mme ibɔk, ye mbia-inuen, ye mme nsaŋa ekpo, ye mbia-idiɔŋ.

DANIEL 1:20

Ndien ke kpukpru ŋkpɔ ifiɔk ye asian eke edidem obupde mmɔ, enye onyuŋ okut ete ke mmɔ ekan kpukpru mbon-ŋwed ye mbia-idiɔŋ eke edude ke ofuri idut esie utim ikoduop.

DANIEL 2:38

Ndien ke kpukpru ebiet emi nditɔ owo eduŋde, ye mme unam ikɔt ye inuen enyɔŋ, enye amada mmɔ esin fi ke ubɔk, onyuŋ onim fi ke ɔbɔŋ mmɔ kpukpru. Afo edi ibuot o-gold oro.

DANIEL 2:7

Mmɔ etɔŋɔ ntak ebɔrɔ enyuŋ edɔhɔ ete, Yak edidem akam etiŋ ndap emi ɔnɔ nnyin ikɔt esie, ndien nnyin iyesiak enye.

DANIEL 5:15

Ndien ema eda mbon ifiɔk, kpa mbia-idiɔŋ, eduk ke iso mi, ete ekot ŋwed emi, enyuŋ esian mi nte enye asaŋade; edi mmɔ ikwe nte esiakde nte ikɔ emi asaŋade.

DANIEL 5:8

Ndien kpukpru mme ɔfiɔkŋkpɔ owo edidem eduk edi: edi mmɔ ikwe nte ekotde ŋwed oro, inyuŋ ikwe nte esiakde enye enɔ edidem.

AMOS 3:7

Koro Ɔbɔŋ Jehovah midinamke baba ŋkpɔ kiet, ke mibɔhɔke ini enye ayarade uduak esie ɔnɔ ikɔt esie mme prophet.