DANIEL 4:16 - Edisana ñwed Abasi Ibom

¹⁶ yak ekpuhɔre enye esit, okudi aba eke owo, ndien yak enɔ enye esit unam; yak isua itiaba enyuŋ ebe enye.

DANIEL 4:16 ပူးပေါင်းရင်းမြစ်များ

2 SAMUEL 18:32

Ndien edidem ɔdɔhɔ Cushi ete, Nte ɔfɔn ye eyen oro, kpa Absalom? Ndien Cushi ɔbɔrɔ ete, Yak mme asua ɔbɔŋ mi edidem, ye kpukpru owo eke edahade ke enyɔŋ ete inam fi idiɔk, etie nte eyen oro.

ISAIAH 6:10

Nam esit mbio emi odobi, nyuŋ nam utɔŋ odobi mmɔ, nyuŋ tibi mmɔ enyin: mbak mmɔ edikut ke enyin mmɔ, edinyuŋ ekop ke utɔŋ mmɔ, enyuŋ etim efiɔk ŋkpɔ ke esit mmɔ, enyuŋ ekabare, ndien ekɔk mmɔ. Ndien ndɔhɔ nte, Ɔbɔŋ adaŋa didie?

DANIEL 11:13

Ndien edidem edem edere eyefiak okotim akamba otu owo eke okponde akan eke akpa; ndien ke utit ndusuk isua enye iditreke ndida ediwak mbon-ekɔŋ ye ediwak inyene ndi.

DANIEL 12:7

Ndien ŋkop uyo owo oro esinede linen, emi adade ke enyɔŋ mmɔŋ akpa, ndien enye emenere ubɔk nnasia esie ye ubɔk ufien esie ke enyɔŋ, onyuŋ otomo enye emi odude uwem ke nsinsi, ete ke edidi ini, ye ini iba, ye ubak ini; ndien adaŋemi enye edisuande odudu edisana mbio ama, eyema kpukpru ŋkpɔ emi.

DANIEL 4:23

Ndien emi edidem okokutde edisana andikpeme kiet oto ke enyɔŋ ɔsuhɔre, onyuŋ ɔdɔhɔ, ete, Mbufo ekpeŋe eto emi, enyuŋ ebiat enye; edi ekpɔŋ etak oruŋ esie ke isɔŋ, kpa ke ubɔp-ŋkpɔ ukwak ye okpoho, ke edisehe mbiet iŋwaŋ, yak mbara enyɔŋ ebit enye, yak udeme esie onyuŋ odu ye mme unam ikɔt, tutu isua itiaba ebe enye:

DANIEL 4:25

ndien mmɔ eyebin fi ke otu owo efep, iduŋ fo eyenyuŋ odu ye mme unam ikɔt, eyenyuŋ ebɔk fi ke mbiet nte enaŋ; enyuŋ eda mbara enyɔŋ ebit fi; isua itiaba eyenyuŋ ebe fi, tutu afo ɔfiɔk ete ke Ata Edikoŋ akara ke ubɔŋ ererimbot, onyuŋ ada enye ɔnɔ owo ekededi eke enye amade.

DANIEL 7:25

Ndien enye eyetiŋ ikɔ abaŋa Ata Edikoŋ, onyuŋ osobo edisana ikɔt Ata Edikoŋ; onyuŋ ekere ndikpuhɔre ini ye mme ewuhɔ: ndien eyeda mmɔ esin enye ke ubɔk tutu ekem ke ini ye ini iba ye ubak ini.

DANIEL 7:28

Utit ikɔ osim emi. Ama edi ami Daniel, ekikere mi etimere mi eti-eti, iso onyuŋ ɔkpuhɔre mi, edi nnim ŋkpɔ oro ke esit mi.

MME HEBREW 1:11

Mmɔ eyebe efep; edi Afo eyesuhɔ: Mmɔ kpukpru eyetaha nte ekura,

ERIYARARE 12:14

Edi enɔ ŋwan oro mba iba eke akamba ntrukpom, man enye efe ɔnyɔŋ ke ebiet iduŋ esie ke desert; do ke ebɔk enye ke ini ye ke mme ini ye ke ubak ini, uruk-ikɔt okunyuŋ okut enye.