DANIEL 4:14 - Edisana ñwed Abasi Ibom

¹⁴ enye ofiori ɔkpɔsɔŋ, onyuŋ ɔdɔhɔ ntem, ete, Mbufo ekpi eto emi, enyuŋ ekpok ŋkɔk esie, ekeŋ ikɔŋ esie, enyuŋ eduɔŋɔ mfri esie: yak mme unam edaŋa ekpɔŋ mfut esie, yak mme inuen enyuŋ ekpɔŋ ŋkɔk esie:

DANIEL 4:14 ပူးပေါင်းရင်းမြစ်များ

ŊWED JOB 24:20

Itie-eyen eyefre enye; ndɔŋ eyeta enye inem-inem; iditihi aba enye: idiɔk ido eyebuŋɔ nte eto.

JEREMIAH 27:5

Ami ŋkada akwa odudu mi ye edimenere ubɔk mi nnam isɔŋ, ye owo ye unam emi edude ke iso isɔŋ, ndien mmen enye nnɔ owo nte enende mi ke enyin.

JEREMIAH 51:6

Mbufo eto ke ufɔk Babylon efeŋe, enyuŋ ebɔhɔ kiet kiet ke uwem mbufo: mbufo ekutak ke idiɔk ido esie; koro ini usiene Jehovah edi emi; Enye eyenɔ enye utip.

JEREMIAH 51:9

Nnyin ikeyom Babylon ndikɔk, edi enye inyimeke ndikubɔ: mbufo ekpɔŋ enye, yak nnyin inyuŋ ika kiet ye kiet ke idut nnyin: koro ikpe esie omosim enyɔŋ, omonyuŋ emenere tutu osim ikpa enyɔŋ.

EZEKIEL 31:10

Mmɔdo ntem ke Ɔbɔŋ Jehovah ɔdɔhɔ, ete, Koro afo okoŋde ke idaha: enye onyuŋ esinde nsom esie ke ufɔt mbubit enyɔŋ, onyuŋ emenerede esit esie onim ke enyɔŋ ke idaha esie;

DANIEL 2:21

enye onyuŋ ɔkpuhɔre ini ye mme isua, ke emen ndidem efep, onyuŋ onim ndidem ke itie: ke ɔnɔ mbon-ɔniɔŋ eti ibuot, onyuŋ ɔnɔ mme asian ifiɔk.

DANIEL 3:4

Ndien ataŋa kiet ɔkwɔrɔ ɔkpɔsɔŋ, ete, Ke ewuk mbufo mme idut, ye obio, ye usem, ete,

DANIEL 4:12

mfri esie onyuŋ awak: udia kpukpru onyuŋ odu ke esit: mme unam ikɔt eduk ke mfut esie, mme inuen enyɔŋ enyuŋ eduŋ ke ŋkɔk esie, kpukpru obukidem onyuŋ adia ŋkpɔ ke esit.

DANIEL 4:23

Ndien emi edidem okokutde edisana andikpeme kiet oto ke enyɔŋ ɔsuhɔre, onyuŋ ɔdɔhɔ, ete, Mbufo ekpeŋe eto emi, enyuŋ ebiat enye; edi ekpɔŋ etak oruŋ esie ke isɔŋ, kpa ke ubɔp-ŋkpɔ ukwak ye okpoho, ke edisehe mbiet iŋwaŋ, yak mbara enyɔŋ ebit enye, yak udeme esie onyuŋ odu ye mme unam ikɔt, tutu isua itiaba ebe enye:

DANIEL 4:29

Ke utit ɔfiɔŋ duopeba enye asaŋa ke enyɔŋ akwa ufɔk ubɔŋ esie emi odude ke Babylon.

DANIEL 5:20

Ndien ke ini enye emenerede esit esie ke enyɔŋ, spirit esie onyuŋ akabarede ɔsɔŋ, onyuŋ eseride iseri, esio enye ke ebekpo ubɔŋ esie esuhɔre, enyuŋ ebɔ enye ukpono esie efep:

DANIEL 5:21

enyuŋ ebin enye ke ɔtɔ nditɔ owo efep, enyuŋ enam esit esie akabare ebiet eke mme unam ikɔt, iduŋ esie onyuŋ odu ye mme ass ikɔt: enɔ enye mbiet ata nte enaŋ, mbara emi otode ke enyɔŋ onyuŋ ebit enye idem, tutu enye edifiɔk ete ke Edikoŋ Abasi akara ubɔŋ ererimbot, onyuŋ emenere owo ekededi eke enye amade odori ke esit.

MATTHEW 3:10

Edi kpa idahemi emonim ekudi ke itak eto: ntre ke ekpi kpukpru eto eke miŋwumke mfri eke eyede eduɔk, emen, esin ke ikaŋ.

MATTHEW 7:19

Ekpi kpukpru eto eke miŋwumke eti mfri eduɔk, emen, etop, esin ke ikaŋ.

LUKE 3:9

Edi kpa idahemi emenim ekudi ke etak eto: ntre ke ekpi kpukpru eto eke miŋwomke eti mfri eduɔk, emen, esin ke ikaŋ.

ERIYARARE 10:3

onyuŋ ofiori ke ɔkpɔsɔŋ uyo, nte lion okunide: ndien ke adaŋemi enye ofioride, mme obuma itiaba esioro uyo.

ERIYARARE 18:2

Ndien enye ofiori ke ɔkpɔsɔŋ uyo ete, Akwa Babylon ɔmɔduɔ, ɔmɔduɔ, omonyuŋ akabare edi iduŋ mme demon, ye itie udibe kpukpru spirit ndek, ye itie-udibe kpukpru ndidehe inuen eke owo esuade: