DANIEL 4:11 - Edisana ñwed Abasi Ibom

¹¹ Eto oro ɔkɔri onyuŋ ɔsɔŋɔ, idaha esie onyuŋ osim ke enyɔŋ, ndise esie onyuŋ osim utit ofuri ererimbot: ikɔŋ esie eye,

DANIEL 4:11 ပူးပေါင်းရင်းမြစ်များ

GENESIS 11:4

Ndien mmɔ edɔhɔ ete, Ekam eyak nnyin ibɔp obio inɔ idem nnyin, ye edikoŋ ufɔk eke ibuot esie edisimde ke enyɔn; inyuŋ inam enyiŋ inɔ idem nnyiŋ, mbak idisuana ke iso ofuri ererimbot.

EZEKIEL 31:12

Ndien isen owo, kpa mme idut emi enyenede ndik, emekpi enye, emenyuŋ ekpɔŋ enye: ŋkɔk esie emeduɔŋɔ ke ikpɔ obot, ye ke kpukpru itihere, ikɔŋ esie enyuŋ ebuŋɔ ke mben kpukpru idim idut emi, ndien kpukpru mme idut ererimbot emeto ke mfut esie esuhɔre, enyuŋ ekpɔŋ enye.

EZEKIEL 31:5

Oro esin idaha esie okoŋ akan kpukpru eto iŋwaŋ, ŋkɔk esie enyuŋ ekɔri, ikɔŋ esie onyuŋ asiaha, oto ke ediwak mmɔŋ nte enye anyanarede.

MATTHEW 11:23

Ndien afo Capernaum, nte eyemenere okoŋ osim ikpa-enyɔŋ? Eyesuhɔre fi osim obio ekpo: koro edieke ekpekenamde ke Sodom mme utom odudu eke ekanamde ke esit fo, enye okposuk odu osim mfin emi.

DEUTERONOMY 9:1

O ISRAEL kop: afo ɔmɔŋ edibe Jordan mfin emi okoduk, man ada mme idut emi ekponide enyuŋ esɔŋde ekan fi, enyene, ikpɔ obio emi enyenede ŋkokoŋo ibibene.