DANIEL 3:7 - Edisana ñwed Abasi Ibom

⁷ Oto oro kpasuk ini oro kpukpru mme idut ekopde uyo obukpoŋ, ye ifiom, ye harp, ye sackbut, ye psaltery, ye kpukpru oruk ndido, kpukpru mme idut ye obio ye usem eduɔŋɔ ke isɔŋ enyuŋ etuak ibuot enɔ owo o-gold oro edidem Nebuchadnezzar okonimde.

DANIEL 3:7 ပူးပေါင်းရင်းမြစ်များ

JEREMIAH 51:7

Babylon ekedi cup o-gold ke ubɔk Jehovah, eke esinde ofuri ererimbot eŋwɔŋ ekpa: mme idut ekeŋwɔŋ wine esie; mmɔdo mme idut edamade idat.

DANIEL 2:46

Ndien edidem Nebuchadnezzar ɔduɔ ke isɔŋ okubi iso esie, onyuŋ atuak ibuot ɔnɔ Daniel, onyuŋ ɔnɔ uyo, ete eda enɔ ye incense esɔk enye.

DANIEL 3:10

afo, O edidem, okowuk ewuhɔ, ete, Kpukpru owo eke edikopde uyo obukpoŋ, ye ifiom, ye harp, ye sackbut, ye psaltery, ye dulcimer, ye kpukpru oruk ndido, eduɔŋɔ ke isɔŋ enyuŋ etuak ibuot enɔ owo o-gold emi:

DANIEL 3:4

Ndien ataŋa kiet ɔkwɔrɔ ɔkpɔsɔŋ, ete, Ke ewuk mbufo mme idut, ye obio, ye usem, ete,

DANIEL 3:5

Ke ini emi mbufo ekopde uyo obukpoŋ, ye ifiom, ye harp, ye sackbut, ye psaltery, ye dulcimer, ye kpukpru oruk ndido, mbufo eduɔŋɔ ke isɔŋ enyuŋ etuak ibuot enɔ owo o-gold emi edidem Nebuchadnezzar okonimde:

DANIEL 3:6

ndien ama edi owo ekededi eke mididuɔhɔ ke isɔŋ, midinyuŋ ituakke ibuot, kpasuk ndo-ndo oro eyemen enye eduɔk ke ufɔt akwa ikaŋ eke asakde.

DANIEL 3:8

Mmɔdo ndo-ndo oro ndusuk owo mme Chaldean esaŋa ekpere edibia mme Jew.

UTOM MME APOSTLE 14:16

Ke mme eyo eke ebede Enye akayak kpukpru mme idut esaŋa ke mme usuŋ idem mmɔ.

1 JOHN 5:19

Nnyin imɔfiɔk ite, nnyin idi eke Abasi, ofuri ererimbot onyuŋ esine ke ubɔk andidiɔk.

ERIYARARE 12:9

Ndien esio akwa dragon eduɔk ke isɔŋ, kpa akani urukikɔt oro ekotde enye ete, andidori ikɔt Abasi ikɔ ye Satan, andibiaŋa ofuri ererimbot; esio enye eduɔk ke isɔŋ, enyuŋ esioŋo mme angel esie eduɔŋɔ ye enye.

ERIYARARE 13:14

Enye onyuŋ ada idiɔŋɔ, emi enɔde enye ndinam ke iso unam oro, abiaŋa mme andiduŋ ke isɔŋ; onyuŋ ɔnɔ mme andiduŋ ke isɔŋ uyo, ete, mmɔ enam mbiet unam oro enyenede nde ofut ke idem, edi osuk odude uwem.

ERIYARARE 13:3

Ndien etie nte ekɔnɔde kiet ke otu mbuot esie unan mkpa; edi ema ekɔk unan mkpa oro. Ndien ofuri isɔŋ etiene unam oro ye mkpa-idem;

ERIYARARE 13:8

Ndien kpukpru mme andiduŋ ke isɔŋ eyetuak ibuot enɔ enye, kpa kpukpru owo emi mikewetke enyiŋ esie isin ke ŋwed uwem eke Eyen-erɔŋ, emi ekowotde toto ke eritɔŋɔ ererimbot.

ERIYARARE 17:8

Unam oro okutde ama odu, inyuŋ iduhe; edi ɔmɔŋ edito ke akwa ukpe ɔdɔk edi, onyuŋ ebe oduk ke nsobo. Idem eyekpa kpukpru mme andiduŋ ke isɔŋ, kpukpru mmɔ eke mikewetke enyiŋ mmɔ isin ke ŋwed uwem toto nte ekebotde ererimbot, ke ini mmɔ esede unam oro, ete ama odu, inyuŋ iduhe, edi ɔmɔŋ edidu mi.

ERIYARARE 19:20

Ndien emum unam oro, enyuŋ emum prophet nsu emi adade ke iso esie anam mme idiɔŋɔ, eke enye adade abiaŋa mmɔ emi ekebɔde idiɔŋɔ unam oro, ye mmɔ emi etuakde ibuot enɔ mbiet esie. Etop mmɔ mbiba ye uwem esin ke inyaŋ ikaŋ emi asakde ye mbrimstone.