DANIEL 3:29 - Edisana ñwed Abasi Ibom

²⁹ Ami nnyuŋ ŋwuk ewuhɔ, nte ke eyeda idut, ye obio, ye usem eke etiŋde se minenke edian Abasi Shadrach ye Meshach ye Abednego, ekpok mmɔ mbak-mbak, enyuŋ enim ufɔk mmɔ ke ekwe: koro baba Abasi efen eke ekemede ndinyaŋa ntem miduhe.

DANIEL 3:29 ပူးပေါင်းရင်းမြစ်များ

2 NDIDEM 10:27

enyuŋ ebom mme adaha Baal, enyuŋ ewuri ufɔk Baal, ndien enim enye ke ufɔk-ekwe tutu osim mfin emi.

EZRA 6:11

Ami mmonyuŋ ŋwuk ewuhɔ, nte, Yak esio eto ke ufɔk owo ekededi eke ɔkpuhɔrede ikɔ emi, ewuk, enyuŋ eyiri enye ke esit; enyuŋ enim ufɔk esie ke ufɔk ekwe, ebaŋa ŋkpɔ emi.

ŊWED MME PSALM 3:8

Erinyaŋa edi ŋkpɔ Jehovah; afo ɔmɔdiɔŋ ikɔt fo. [Selah.]

ŊWED MME PSALM 76:10

Koro ifuresit owo otorode fi: afo ada ifuresut eke ɔsuhɔde ɔbɔbɔ ke idem.

DANIEL 1:19

Ndien edidem eneme nneme ye mmɔ; ndien enye ikwe baba owo kiet eke ebietde Daniel, ye Hananiah ye Mishael ye Azariah ke otu mmɔ kpukpru: ndien mmɔ eda ke iso edidem.

DANIEL 1:7

ndien etubom mme eunuch osio mmɔ enyiŋ: osio Daniel Belteshazzar; onyuŋ osio Hananiah Shadrach; onyuŋ osio Mishael Meshach; onyuŋ osio Azariah Abed-nego.

DANIEL 2:17

Ndien Daniel aka ke ufɔk esie eketiŋ ikɔ oro ɔnɔ Hananiah ye Mishael ye Azariah, mme nsaŋa esie: ete,

DANIEL 2:47

Edidem ɔbɔrɔ Daniel onyuŋ ɔdɔhɔ, ete, Ke akpanikɔ Abasi mbufo edi Abasi mme abasi ye Ɔbɔŋ ndidem: edi enye ayarare ndibe-ndibe ŋkpɔ, koro afo ekemede ndiyarare ndibe ŋkpɔ emi.

DANIEL 2:49

Ndien Daniel ekpe edidem ubɔk, ndien enye onim Shadrach ye Meshach ye Abednego, ete esaŋa ŋkpɔ esien Babylon. Ndien Daniel etie ke inua-otop edidem.

DANIEL 2:5

Edidem ɔbɔrɔ onyuŋ ɔdɔhɔ mme Chaldean, ete, Ŋkpɔ emi amadaha ɔkpɔŋ mi: mbufo miyarakede ndap oro inɔ mi, minyuŋ isiakke enye, eyekpok mbufo mbak-mbak, enyuŋ enim mme ufɔk mbufo ke ekwe.

DANIEL 3:12

Enyene ndusuk nditɔ mme Jew oro afo okonimde, ete esaŋa ŋkpɔ esien Babylon, Shadrach ye Meshach ye Abednego; mme mmɔ emi, O edidem, ibatke fi ke baba ŋkpɔ kiet; mmɔ ikponoke abasi fo, inyuŋ ituakke ibuot inɔ owo o-gold emi afo onimde.

DANIEL 3:15

Edi edieke mbufo enyimede ndien ndiduɔŋɔ ke isɔŋ nnyuŋ ntuak ibuot nnɔ owo o-gold emi ŋkowukde, ke adaŋemi mbufo edikopde uyo obukpoŋ, ye ifiom, ye harp, ye sacbut, ye psaltery, ye dulcimer, ye kpukpru oruk ndido, ɔfɔn: edi mbufo mituakke ibuot, ke ndo-ndo emi eyemen mbufo eduɔk ke akwa ikaŋ eke asakde; ndien ewe abasi odu eke edikemede ndinyaŋa mbufo nsio mi ke ubɔk?

DANIEL 3:17

Sese, Abasi nnyin emi nnyin inamde ŋkpɔ esie emekeme ndinyaŋa nnyin nsio ke akwa ikaŋ emi asakde: ndien enye eyenyaŋa nnyin osio fi ke ubɔk, O edidem.

DANIEL 3:28

Nebuchadnezzar ɔbɔrɔ onyuŋ ɔdɔhɔ ete, Ekɔm Abasi Shadrach ye Meshach ye Abednego, emi ɔkɔdɔŋde angel esie, onyuŋ anyaŋade ikɔt esie emi ebuɔtde idem mmɔ ye enye, enyuŋ ekpuhɔrede uyo edidem, enyuŋ eyak idem mmɔ, man ekunam ŋkpɔ, ekunyuŋ etuak ibuot enɔ baba abasi kiet, ke mibɔhɔke Abasi idem mmɔ.

DANIEL 6:28

Ntem ke Daniel emi oforo ke eyo ubɔŋ Darius, ye ke eyo uboŋ Cyrus persian.

DEUTERONOMY 32:31

Koro itiat mmɔ mibietke Akwa Itiat nnyin, edi mme asua nnyin edomo ese.