DANIEL 3:27 - Edisana ñwed Abasi Ibom

²⁷ Ndien mme satrap, ye mbɔŋ, ye mme etubom, ye mme andinɔ edidem item ebono, ekut ete ke ikaŋ ikanke idem mbon oro, ke inyuŋ ifrike mmɔ baba idet ibuot kiet, ɔfɔŋ-ukot mmɔ inyuŋ ikpuhɔkede, baba utebe ikaŋ inyuŋ isimke mmɔ.

DANIEL 3:27 ပူးပေါင်းရင်းမြစ်များ

1 NDIDEM 13:28

Ndien enye aka okosim okpo esie oro nte anade ke ɔkpɔ-usuŋ, ye ass ye lion nte edade ke ŋkaŋ okpo oro: lion ikataha okpo, ikonyuŋ iwotke ass.

2 NDIDEM 19:19

Ke emi, ndien, O Jehovah Abasi nnyin, mbɔk, nyaŋa nnyin sio enye ke ubɔk, ndien kpukpru mme idut ererimbot eyefiɔk ete ke afo edi Jehovah Abasi, afo ikpɔŋ-ikpɔŋ.

ŊWED MME PSALM 83:18

Ndien owo eyefiɔk ete ke afo emi enyiŋ fo ikpɔŋ ekerede Jehovah, edi Ata Edikoŋ ke ofuri ererimbot.

ISAIAH 26:11

Jehovah, afo ememenere ubɔk fo; mmɔ ikwe enye; mmɔ eyekut, enyuŋ etimere ke ufup emi afo ofibede ɔnɔ ikɔt fo; idem ikaŋ eyeta mme asua fo.

ISAIAH 43:2

Ke ini afo edisaŋade ke mmɔŋ ebe, ami nyedu ye afo; ye ke mme akpa mmɔŋ, mmɔ idifukke fi: ke ini afo edisaŋade ke ikaŋ udufɔbɔke; edemikaŋ idinyuŋ itaha fi.

DANIEL 3:21

Ndien ebɔp mmɔ ye ɔfɔŋ-ukot mmɔ, ye anana-ubɔk mmɔ, ye ekure mmɔ, ye edisine-ŋkpɔ mmɔ efen, ndien emen mmɔ eduɔk ke ufɔt akwa ikaŋ oro asakde.

DANIEL 6:23

Ndien esit adat edidem eti-eti abaŋa enye, enye onyuŋ ɔnɔ uyo, ete, ekot Daniel esio ke obube. Ntre ke mmɔ ekot Daniel esio ke obube: ndien ikwe baba ŋkpɔ kiet eke anamde enye ke idem; koro enye ɔkɔbuɔtde idem ye Abasi esie.

DANIEL 6:7

Kpukpru ikpɔ owo obio, ye mme andikara, ye mbɔŋ, ye mme andinɔ item, ye mme etubom emediomi ete iwuk ewuhɔ edidem, inyuŋ inam isɔŋ-ikɔ, ite, Emen owo ekededi eke edibeŋede abasi mme owo ekededi ebeŋe, ke ofuri usen edip ye duop, ke midige afo ikpɔŋ ke ebeŋe, O edidem, eda enye eduɔk ke obube mme lion.

MATTHEW 10:30

edi emabat kpa kpukpru idet ibuot mbufo.

UTOM MME APOSTLE 26:26

Kpa edidem, emi ntiŋde ikɔ nnɔ enye uko-uko, ɔfiɔk abaŋa ŋkpɔ emi; koro mmobure mfiɔk nte baba ŋkpɔ emi kiet idibeke enye: koro ŋkpɔ emi ikotibeke ke ndibe.

UTOM MME APOSTLE 27:34

Mmɔdo mme-kpe mbufo ubɔk nte, edia ŋkpɔ; emi eyewɔrɔ erinyaŋa ɔnɔ mbufo: koro baba idet ibuot mbufo kiet idikibeke itak.

MME HEBREW 11:34

ebɔhɔ iso ofut, ewɔŋɔ ekpɔŋ mmem-idem ekabare ekop idem, ewɔŋɔ edi uko ke ekɔŋ, enyuŋ enam udim-ekɔŋ mme idut efeŋe.