DANIEL 3:26 - Edisana ñwed Abasi Ibom

²⁶ Nebuchadnezzar asaŋa ekpere inua akwa ikaŋ oro asakde, ɔkɔbɔrɔ, onyuŋ ɔdɔhɔ, ete, Shadrach, Meshach, Abednego, mbufo ikɔt Abasi ibom ewɔŋɔ edi. Ndien Shadrach ye Meshach ye Abednego ewɔŋɔ ke ufɔt ikaŋ.

DANIEL 3:26 ပူးပေါင်းရင်းမြစ်များ

GENESIS 14:18

Ndien Melchizedek edidem Salem osio uyo ye wine edi: enye onyuŋ edi oku Abasi Ibom.

1 NDIDEM 8:51

koro mmɔ edide ikɔt fo, ye udeme fo, emi afo akadade ke Egypt ɔwɔrɔ, ke ufɔt furnace ikaŋ:

EZRA 5:11

Ndien mmɔ ebɔrɔ nnyin ikɔ ntem, ete, Nnyin idi ikɔt Abasi enyɔŋ ye isɔŋ, inyuŋ ibɔp ufɔk emi ekebɔpde toto ko anyan ini, emi akwa edidem Israel kiet ɔkɔbɔpde, onyuŋ ama enye.

ŊWED MME PSALM 66:12

Afo ayak owo odoro nnyin ke ibuot; nnyin ikoduk ke ikaŋ ye ke mmɔŋ: ndien afo ada nnyin ɔwɔrɔ ɔnɔ ediwak inyene.

ISAIAH 28:16

Mmɔdo ntem ke Ɔbɔŋ Jehovah ɔdɔhɔ, ete, Sese, ami mmonim itiat ke Zion, itiat eke edomode, ɔsɔŋ-urua itiat inuk, emi etimde esin ke idak ibibene: owo eke ɔbuɔtde idem idinyeneke ndifehe.

ISAIAH 52:12

Koro mbufo midiwɔŋɔke ke ibumere, midinyuŋ isaŋake itɔk-itɔk: koro Jehovah eyebem mbufo iso asaŋa, Abasi Israel eyenyuŋ asaŋa mbufo ke edem.

JEREMIAH 11:4

Kpa se ŋkowukde mme ete mbufo ke usen oro ŋkosiode mmɔ ke isɔŋ Egypt, ke akwa ikaŋ ukwak, nte, Mbufo ekop uyo mi, enyuŋ enam mmɔ, kpa nte asaŋade ye kpukpru se ŋkowukde mbufo: ndien mbufo eyedi ikɔt mi, ndien ami nyedi Abasi mbufo:

DANIEL 2:47

Edidem ɔbɔrɔ Daniel onyuŋ ɔdɔhɔ, ete, Ke akpanikɔ Abasi mbufo edi Abasi mme abasi ye Ɔbɔŋ ndidem: edi enye ayarare ndibe-ndibe ŋkpɔ, koro afo ekemede ndiyarare ndibe ŋkpɔ emi.

DANIEL 3:17

Sese, Abasi nnyin emi nnyin inamde ŋkpɔ esie emekeme ndinyaŋa nnyin nsio ke akwa ikaŋ emi asakde: ndien enye eyenyaŋa nnyin osio fi ke ubɔk, O edidem.

DANIEL 4:2

Etie mi nte ɔfɔn ndibuk mme utibe ŋkpɔ ye ŋkpɔ ndyɔ emi Abasi Ibom akanamde ye ami.

DANIEL 6:20

Ndien adaŋemi enye osimde obube oro, enye ada uyo mbɔm eseme okot Daniel. Edidem ɔbɔrɔ onyuŋ ɔdɔhɔ Daniel, ete, O Daniel, owo Abasi uwem, nte Abasi fo emi afo anamde ŋkpɔ esie kpukpru ini, emekeme ndinyaŋa fi mbɔ mme lion?

DANIEL 6:21

Ndien Daniel ɔdɔhɔ edidem, ete, O edidem, itɔŋ uwem osuk ɔsɔŋ fi ke nsinsi.

DANIEL 7:25

Ndien enye eyetiŋ ikɔ abaŋa Ata Edikoŋ, onyuŋ osobo edisana ikɔt Ata Edikoŋ; onyuŋ ekere ndikpuhɔre ini ye mme ewuhɔ: ndien eyeda mmɔ esin enye ke ubɔk tutu ekem ke ini ye ini iba ye ubak ini.

UTOM MME APOSTLE 16:17

Enye etiene Paul ye nnyin ke edem, ofiori ete, Mmɔ emi edi ikɔt Abasi Andikoŋ-ŋkan, emi ekwɔrɔde usuŋ erinyaŋa enɔ mbufo.

UTOM MME APOSTLE 16:37

Edi Paul ɔdɔhɔ mmɔ ete, Mmɔ ema emia nnyin emi idide nditɔ Rome ke aŋwa, ke ini ikpe mibiomke nnyin, enyuŋ esin nnyin ke ufɔk-ŋkpɔkɔbi; nte mmɔ eyom ke emi ndisio nnyin ke ndibe? Baba O! Yak mmɔ edi ke idem mmɔ edida nnyin ewɔrɔ.

UTOM MME APOSTLE 27:23

Koro angel Abasi, emi ndide owo Esie, nnyuŋ nnamde ŋkpɔ nnɔ Enye, akada mi ke ŋkaŋ okoneyo mkpɔŋ, onyuŋ ɔdɔhɔ mi ete, Paul, kufehe ndik;

ŊWED MBON GALATIA 1:10

Koro nte nyoyom owo enen iso ye ami, mme nte nyoyom Abasi enen iso ye ami ke emi? mme nte ŋwaŋwana ndinem owo esit? Edieke ŋkposuk nnemde owo esit, ŋkpedige owo Christ.

DEUTERONOMY 4:20

Ndien Jehovah akada mbufo oto ke ikaŋ utara-ukwak, ke Egypt, ɔwɔrɔ, man edi mbio udeme esie, nte edide mfin emi.

JOSHUA 3:17

Ndien mme oku emi ebiomde ekebe ediomi Jehovah, esɔŋɔ eda ke edisat isɔŋ ke ufɔt Jordan; ndien ofuri Israel esaŋa ke edisat isɔŋ ebe, tutu kpukpru owo ebe Jordan ema.

JOSHUA 4:10

Ndien mme oku emi ebiomde ekebe eda ke ufɔt Jordan, tutu mmɔ ema kpukpru ŋkpɔ emi Jehovah eketemede Joshua, ete etiŋ ɔnɔ mbon oro, ekem ye kpukpru se Moses eketemede Joshua: ndien mmɔ esɔp ukot ebe.

ERIYARARE 19:5

Uyo onyuŋ oto ke ebekpo ɔwɔrɔ ete, Etoro Abasi nnyin, kpukpru mbufo ikɔt Esie, Emi eteŋede Enye, ŋkpri ye ikpo.