DANIEL 3:19 - Edisana ñwed Abasi Ibom

¹⁹ Ndien esit ofut Nebuchadnezzar eti-eti, iso esie onyuŋ akabare ese Shadrach ye Meshach ye Abednego idiɔk. Enye ɔbɔrɔ onyuŋ ɔnɔ uyo, ete enam ikaŋ asak ke akwa ikaŋ utim ikatiaba akan nte ekam esikutde.

DANIEL 3:19 ပူးပေါင်းရင်းမြစ်များ

GENESIS 31:2

ete nnyin. Jacob onyuŋ okut iso Laban, ndien, sese, itiehe ye enye

ESTHER 3:5

Ekem adaŋemi Haman okutde nte Mordecai minuhɔke, minyuŋ ituakke ibuot inɔ imɔ, esit ofut Haman ke idem.

ESTHER 7:7

Ndien edidem akpaha esit adaha ke itie uŋwɔŋ wine aka ke iŋwaŋ-esa ufɔk edidem: edi Haman adaha ke enyuŋ ndibeŋe Esther ɔbɔŋ-aŋwan uwen esie: koro enye okutde ete ke edidem ɔmɔŋ aduak ndinam imɔ idiɔk-ŋkpɔ.

ŊWED MME PSALM 76:10

Koro ifuresit owo otorode fi: afo ada ifuresut eke ɔsuhɔde ɔbɔbɔ ke idem.

MME ŊKE 16:14

Ifiop esit ɔbɔŋ edi isuŋutom mkpa: edi enyene-ibuot owo eyesuk enye.

MME ŊKE 21:24

Ama edi owo iseri eke ataŋde idem, asak nsahi edi enyiŋ esie, enye anam ŋkpɔ ke iseri ye ŋkokidem.

ISAIAH 51:23

edi nda enye nsin ke ubɔk mmɔ emi etuhɔde fi: emi ekedɔhɔde ukpɔŋ fo, ete, Nuhɔ, man nnyin isaŋa ibe: ndien afo ama onim edem fo nte isɔŋ, ye nte efak ɔnɔ mmɔ eke esaŋade ebe.

DANIEL 2:12

Oro esin edidem ayat esit onyuŋ ofut esit eti-eti; enye onyuŋ ɔnɔ uyo, ete esobo kpukpru mme ɔfiɔk ŋkpɔ owo Babylon.

DANIEL 3:13

Ndien edidem Nebuchadnezzar ke ifuresit ye iyaresit ɔnɔ uyo, ete eda Shadrach ye Meshach ye Abednego edi.

DANIEL 3:20

Ndien enye ɔdɔhɔ ata mkpɔsɔŋ owo eke edude ke otu mbon-ekɔŋ esie, ete ebɔp Shadrach ye Meshach ye Abednego, enyuŋ emen mmɔ eduɔk ke akwa ikaŋ oro asakde.

DANIEL 5:6

Ndien iso edidem akabare kpai, ekikere esie enyuŋ etimere enye, ŋkek isin esie enyuŋ emem: edɔŋ esie kiet onyuŋ atuak eken.

DANIEL 6:24

Ndien edidem ɔnɔ uyo, ete eda mbon oro ekedoride Daniel ikɔ edi, ndien eda mmɔ ye nditɔ mmɔ ye iban mmɔ ediduɔk ke obube mme lion: ndien mme lion emum mmɔ, enyuŋ enuak kpukpru mme ɔkpɔ mmɔ, ke mmɔ mika-isimke isɔŋ obube.

LEVITICUS 26:18

Ndien edieke kpukpru ŋkpɔ emi misinke mbufo ekop uyo mi, nyekɔrɔ mbufo ufen utim ikatiaba mbaŋa mme idiɔk-ŋkpɔ mbufo.

LEVITICUS 26:21

Ndien mbufo ema esaŋa ye ami ke ndusuara, midinyuŋ inyimeke ndikop uyo mi; ndien nyekɔrɔ mbufo ufen utim ikatiaba, nte mme idiɔk-ŋkpɔ mbufo edide.

LEVITICUS 26:24

ndien ami nde nyesaŋa ke ndusuara ye mbufo, nyenyuŋ ŋkɔrɔ mbufo ufen utim ikatiaba mbaŋa mme idiɔk-ŋkpɔ mbufo.

LEVITICUS 26:28

ndien ami nyesaŋa ke ifuresit ye mbufo; ami ŋko nyemia mbufo utim ikatiaba mbaŋa mme idiɔk ido mbufo.

UTOM MME APOSTLE 5:33

Edi ke ini mmɔ ekopde ikɔ emi, esit ofut mmɔ eti-eti, mmɔ enyuŋ eyom ndiwot mmɔ oro.

UTOM MME APOSTLE 7:54

Edi ke adaŋemi mmɔ ekopde ŋkpɔ emi, esit ofut mmɔ eti-eti, mmɔ enyuŋ eta edet ese enye.