DANIEL 3:17 - Edisana ñwed Abasi Ibom

¹⁷ Sese, Abasi nnyin emi nnyin inamde ŋkpɔ esie emekeme ndinyaŋa nnyin nsio ke akwa ikaŋ emi asakde: ndien enye eyenyaŋa nnyin osio fi ke ubɔk, O edidem.

DANIEL 3:17 ပူးပေါင်းရင်းမြစ်များ

GENESIS 17:1

NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.

GENESIS 18:14

ndide akani aŋwan? Nte ŋkpɔ ɔsɔŋ akan Jehovah? Ke ini emi enimde, nyefiak ntiene fi, ke ukabare isua, ndien Sarah eyenyene eyen.

ŊWED JOB 34:29

Ke ini enye ɔnɔde owo ifure, anie ekeme ndinam ikpe otip owo? Ndien adaŋemi enye ofukde iso, anie ekeme ndise enye? Anam ubɔk kiet ye ofuri idut ye owo kiet:

ŊWED JOB 5:19

Enye eyesio fi ke ukut itiokiet efep: ndien ke itiabaidiɔk-ŋkpɔ idisimke fi.

ŊWED MME PSALM 115:3

Ŋkɔm Abasi nnyin ododu ke heaven: anam kpukpru se enye amade.

ŊWED MME PSALM 37:39

Ndien edi Jehovah anyaŋa nti owo: enye edi odudu mmɔ ke ini ukut.

ŊWED MME PSALM 37:40

Jehovah omonyuŋ ɔbɔ mmɔ ubɔk, onyuŋ anam mmɔ ebɔhɔ: enye eyenam mmɔ ebɔhɔ mme idiɔk owo, eyenyuŋ anyaŋa mmɔ, koro mmɔ ebuɔtde idem mmɔ ye enye.

ŊWED MME PSALM 73:20

Nte ndap ke ntop-ndemere; Ɔbɔŋ, afo eyesin mbiet mmɔ ke ndek, ke ini afo edemerede.

ISAIAH 12:2

Sese, Abasi edi erinyaŋa mi; nyebuɔt idem, ndinyuŋ ndikheke: koro Jah Jehovah edide odudu mi, ye ikwɔ mi; onyuŋ akabare edi erinyaŋa mi.

ISAIAH 54:14

Eti ido eyenam fi ɔsɔŋɔ ada: nyomo-nsia eyeyom usuŋ ye afo: koro afo mududikheke; afo eyeyom usuŋ ke akpakop ndik: koro enye midisaŋake ikpere fi. Sese, mmɔ eyesop idem, edi itoho ye ami.

JEREMIAH 1:8

Kufehe iso mmɔ; koro ami ndude ye afo ndinyaŋa fi; Jehovah ɔdɔhɔ.

JEREMIAH 15:20

Ndien nyenim fi ke ɔkpɔsɔŋ ibibene okpoho nnɔ mbio-obio emi; ndien mmɔ eyeŋwana ekɔŋ ye afo, edi idikemeke ubɔk ye afo: koro ami ndude ye afo, nnyuŋ nnyaŋa fi, nnyuŋ nsio fi.

JEREMIAH 15:21

Uyo Jehovah edi emi. Ndien nyesio fi ke ubɔk mme idiɔk owo mfep, nnyuŋ mfak fi nsio ke ubɔk mbon ndik.

DANIEL 3:26

Nebuchadnezzar asaŋa ekpere inua akwa ikaŋ oro asakde, ɔkɔbɔrɔ, onyuŋ ɔdɔhɔ, ete, Shadrach, Meshach, Abednego, mbufo ikɔt Abasi ibom ewɔŋɔ edi. Ndien Shadrach ye Meshach ye Abednego ewɔŋɔ ke ufɔt ikaŋ.

DANIEL 4:35

ndien ebat kpukpru mme andiduŋ isɔŋ ke ikpikpu: enye onyuŋ anam kpa nte enye amade ke otu mme udim enyɔŋ ye ke otu mme andiduŋ isɔŋ: ndien baba owo kiet eke edituakde enye ubɔk, onyuŋ ɔdɔhɔde enye, ete, Afo amanam nso? iduhe.

DANIEL 6:16

Ndien edidem ɔnɔ uyo, ndien eda Daniel edi ediduɔk ke obube mme lion. Edidem ɔbɔrɔ onyuŋ ɔdɔhɔ Daniel, ete, Abasi fo emi afo anamde ŋkpɔ esie kpukpru ini, eyenyaŋa fi.

DANIEL 6:23

Ndien esit adat edidem eti-eti abaŋa enye, enye onyuŋ ɔnɔ uyo, ete, ekot Daniel esio ke obube. Ntre ke mmɔ ekot Daniel esio ke obube: ndien ikwe baba ŋkpɔ kiet eke anamde enye ke idem; koro enye ɔkɔbuɔtde idem ye Abasi esie.

DANIEL 6:27

Enye anyaŋa onyuŋ osio, onyuŋ anam mme idiɔŋɔ ye mme utibe ŋkpɔ ke enyɔŋ ye ke isɔŋ, emi akanyaŋade Daniel osio ke ubɔk mme lion.

MICAH 7:7

Edi ami nyetiŋ enyin ke Jehovah: nyebet Abasi emi anyaŋade mi: Abasi mi eyekop uyo mi.

LUKE 1:37

Koro ikɔ baba kiet eke otode Abasi idinanake odudu.

UTOM MME APOSTLE 20:24

Edi mbatke uwem mi ke ŋkpɔ, man ŋkeme ndifehe mbuba mi mma, nnyuŋ nnam utom oro Ɔbɔŋ Jesus ɔnɔde mi, ete ŋkwɔrɔ gospel mfɔn Abasi.

UTOM MME APOSTLE 21:13

Edi Paul ɔbɔrɔ ete, Nsinam mbufo etuaŋade, enam esit ɔduɔ mi? Mmebeŋe idem ndiduk ŋkpɔkɔbi, ndiyuŋ ŋkpa ke Jerusalem kabaŋa enyiŋ Ɔbɔŋ Jesus.

ŊWED MBON ROME 8:31

Nso ke ididɔhɔ ndien ibaŋa ŋkpɔ emi? Edieke Abasi adade ye nnyin, anie edikeme ndibiɔŋɔ nnyin?

2 ŊWED CORINTH 1:10

emi akanyaŋade nnyin osio ke utɔ akwa mkpa oro, eyenyuŋ anyaŋa: nnyin inyuŋ idori enyin ke Enye, ite, Enye eyemana osio nnyin:

MME HEBREW 7:25

Ke ntak emi Enye onyuŋ ekeme ndinyaŋa mmɔ emi esaŋade ke Enye ekpere Abasi ɔyɔhɔ-ɔyɔhɔ, sia enye odude uwem ke nsinsi ndinam mkpe-ubɔk nnɔ mmɔ.

1 SAMUEL 17:37

David onyuŋ ɔdɔhɔ ete, Jehovah emi okosiode mi ke ubɔk lion, ye ke ubɔk bear, eyesio mi ke ubɔk Philistine emi. Ndien Saul ɔdɔhɔ David, ete, Ka; Jehovah onyuŋ osuk odu ye afo.

1 SAMUEL 17:46

Mfin emi Jehovah eyeda fi esin mi ke ubɔk; ndien nyewot fi, nnyuŋ mbigi fi ibuot; nyenyuŋ nda okpo mbon ekɔŋ mme Philistine mfin emi, nnɔ mme inuen enyɔŋ, ye mme unam ikɔt; man ofuri ererimbot efiɔk ete ke Israel enyene Abasi.