DANIEL 3:12 - Edisana ñwed Abasi Ibom

¹² Enyene ndusuk nditɔ mme Jew oro afo okonimde, ete esaŋa ŋkpɔ esien Babylon, Shadrach ye Meshach ye Abednego; mme mmɔ emi, O edidem, ibatke fi ke baba ŋkpɔ kiet; mmɔ ikponoke abasi fo, inyuŋ ituakke ibuot inɔ owo o-gold emi afo onimde.

DANIEL 3:12 ပူးပေါင်းရင်းမြစ်များ

ESTHER 3:8

Ekem Haman ɔdɔhɔ edidem Ahasuerus, ete, Mbio kiet mmɔdo emi esuanade enyuŋ ebaharede ke otu mme andiduŋ kpukpru mme province emi afo akarade; ndien ido mmɔ edi isio ye kpukpru mme idut; mmɔ inyuŋ inimke mme ewuhɔ edidem: mmɔdo mifɔnke edidem ndiyak mmɔ.

MME ŊKE 27:4

Iyaresit edi mfiomo: ifiopesit onyuŋ edi ibumere; edi anie ekeme ndida ke iso ufup?

ECCLESIASTES 4:4

Ndien nse ofuri ɔkpɔsɔŋ utom, ke kpukpru utom eke ɔwɔrɔde unen, nte ke enye edi ntak emi mbɔhiduŋ owo ofibede ufup ye owo. Emi ŋko onyuŋ edi ikpikpu ŋkpɔ ye idomo eke miwɔrɔke usuŋ.

DANIEL 1:7

ndien etubom mme eunuch osio mmɔ enyiŋ: osio Daniel Belteshazzar; onyuŋ osio Hananiah Shadrach; onyuŋ osio Mishael Meshach; onyuŋ osio Azariah Abed-nego.

DANIEL 2:48

Ndien edidem ofori Daniel, onyuŋ ɔnɔ enye ediwak ikpɔ enɔ, onyuŋ onim enye ke etubom ofuri esien Babylon, ye etubom kpukpru mme ɔfiɔk ŋkpɔ owo Babylon.

DANIEL 2:49

Ndien Daniel ekpe edidem ubɔk, ndien enye onim Shadrach ye Meshach ye Abednego, ete esaŋa ŋkpɔ esien Babylon. Ndien Daniel etie ke inua-otop edidem.

DANIEL 3:11

ndien eyeda owo ekededi eke miduɔhɔ ke isɔŋ minyuŋ ituakke ibuot, eduɔk ke ufɔt akwa ikaŋ eke asakde.

DANIEL 3:16

Shadrach ye Meshach ye Abednego ebɔrɔ enyuŋ edɔhɔ edidem Nebuchadnezzar, ete, Nnyin ikpaha ndibɔrɔ fi baba ŋkpɔ kiet.

DANIEL 3:29

Ami nnyuŋ ŋwuk ewuhɔ, nte ke eyeda idut, ye obio, ye usem eke etiŋde se minenke edian Abasi Shadrach ye Meshach ye Abednego, ekpok mmɔ mbak-mbak, enyuŋ enim ufɔk mmɔ ke ekwe: koro baba Abasi efen eke ekemede ndinyaŋa ntem miduhe.

DANIEL 3:30

Ndien edidem ofori Shadrach ye Meshach ye Abednego ke esien Babylon.

DANIEL 6:13

Ndien mmɔ ebɔrɔ enyuŋ edɔhɔ ke iso edidem, ete, Daniel emi otode ke nditɔ mme Jew emi eketaŋde edi, ibatke fi, O edidem, ke baba ŋkpɔ kiet inyuŋ ibatke isɔŋ-ikɔ oro afo ekesinde enyiŋ ke esit, edi enye anam mkpeubɔk utim ikata ke usen.

DANIEL 6:14

Ndien adaŋemi edidem okopde ikɔ oro, enye ayat esit eti-eti ye idem esie: enye onyuŋ odori Daniel esit esiemɔ, ete inyaŋa enye: onyuŋ aŋwana ndinyaŋa enye tutu osim ini emi utin osopde.

UTOM MME APOSTLE 17:7

Jason amada mmɔ esin ke ufɔk; mmɔ kpukpru ebiat mme ewuhɔ Caesar, ete, Edidem eŋwen odu, emi ekerede Jesus.

UTOM MME APOSTLE 5:28

Ndien akwa oku obup mmɔ ete, Nnyin ima isɔŋ uyo ikpan mbufo, ite ekukpep aba ŋkpɔ ke enyiŋ emi: ndien sese, emɔyɔhɔ Jerusalem ye ukpep-ŋkpɔ mbufo, enyuŋ eyom iyip owo emi ɔkɔbɔ nnyin.