DANIEL 2:45 - Edisana ñwed Abasi Ibom

⁴⁵ koro afo okokutde ete ke esiak itiat ke akamba obot esio, edi idige ubɔk owo anam, ndien enye anuak ukwak, ye okpoho, ye mbat-eso, ye silver, ye gold, Akwa Abasi asian edidem se ididide ke ini iso: ndien ndap oro enyene iwuk, idinyuŋ itreke ndiwɔrɔ ntem.

DANIEL 2:45 ပူးပေါင်းရင်းမြစ်များ

GENESIS 41:26

Edifɔn enaŋ itiaba oro edi isua itiaba; edifɔn mbuot ibokpot itiaba enyuŋ edi isua itiaba: enye edi ndap kiet.

GENESIS 41:28

Ikɔ emi ndɔhɔde Pharaoh edi oro: se Abasi oyomde ndinam ke enye owut Pharaoh.

GENESIS 41:32

Ndien emi Pharaoh ɔtɔŋɔde ntak adaba ndap oro utim ikaba; edi koro Abasi ɔsɔŋɔde aduak ŋkpɔ emi, ndien Abasi idibigike ndinam enye.

2 SAMUEL 7:22

Mmɔdo afo omokpon, O Jehovah Abasi: koro baba kiet mibietke fi, Abasi inyuŋ iduhe ke mibɔhɔke afo, ke kpukpru se nnyin ikekopde ke utɔŋ nnyin.

1 CHRONICLES 16:25

Koro Jehovah omokpon, onyuŋ ɔfɔn nte etorode enye eti-eti: onyuŋ ɔfɔn nte ebakde enye ekan kpukpru abasi.

NEHEMIAH 4:14

Ndien ŋkut, nnyun ndaha ke enyɔŋ, nnyuŋ ndɔhɔ mbɔŋ, ye mme ebiere-ikpe, ye kpukpru mmɔ efen, nte, Mbufo ekufehe mmɔ: mbufo eti Ɔbɔŋ emi okponde, onyuŋ enyenede uteŋe, ndien eŋwana ekɔŋ enɔ nditɔ-ete mbufo, ye nditɔ-iren mbufo, ye nditɔ-iban mbufo, ye iban mbufo, ye mme ufɔk mbufo.

NEHEMIAH 9:32

Mbɔk, ndien, O Abasi nnyin, akwa, ye ɔkpɔsɔŋ Abasi emi enyenede ndik, onyuŋ onimde ediomi ye ima, kuse ofuri ukut emi nnyin, ye ndidem nnyin, ye mbɔŋ nnyin, ye mme oku nnyin, ye mme prophet nnyin, ye mme ete nnyin, ye ofuri ikɔt fo ekekutde, toto ke eyo edidem Assyria, tutu osim mfin emi, ke ekpri ŋkpɔ.

ŊWED JOB 36:26

Sese, Abasi omokpon, nnyin inyuŋ ifiɔkke enye: ibat isua esie inyeneke eriduŋɔre.

ŊWED MME PSALM 135:5

Koro ami mmɔfiɔk nte ke Jehovah omokpon, Ɔbɔŋ nnyin omonyuŋ okpon akan kpukpru abasi.

ŊWED MME PSALM 145:3

Jehovah omokpon, onyuŋ odot nte etorode enye eti-eti; inyuŋ idige nte etimde eduŋɔre ubɔŋ esie.

ŊWED MME PSALM 2:9

Afo eyenuak mmɔ ke esaŋ ukwak; onyuŋ obom mmɔ nte ŋkpɔ eke obot-eso anamde.

ŊWED MME PSALM 48:1

JEHOVAH omokpon, onyuŋ ɔfɔn nte etorode enye akamba ke obio Abasi nnyin, kpa ke edisana obot esie.

ŊWED MME PSALM 96:4

Koro Jehovah omokpon, onyuŋ odot nte ekpetorode enye eti-eti: enye enyene uteŋe akan kpukpru abasi.

ISAIAH 28:16

Mmɔdo ntem ke Ɔbɔŋ Jehovah ɔdɔhɔ, ete, Sese, ami mmonim itiat ke Zion, itiat eke edomode, ɔsɔŋ-urua itiat inuk, emi etimde esin ke idak ibibene: owo eke ɔbuɔtde idem idinyeneke ndifehe.

DANIEL 2:24

Oto oro Daniel oduk ke ɔtɔ Arioch, koro edidem okowukde enye, ete enye osobo mme ɔfiɔk-ŋkpɔ owo Babylon: Daniel aka ɔkɔdɔhɔ enye ntem, ete, Kusobo mme ɔfiɔkŋkpɔ owo Babylon: da mi duk ke iso edidem, ndien nyeyarare nte ndap asaŋade nnɔ edidem.

DANIEL 2:28

edi Abasi emi ayararede ndibe ŋkpɔ odu ke enyɔŋ, ndien edi enye asian edidem Nebuchadnezzar se ididide ke ukperedem usen. Ndap fo ye ŋkukut ibuot fo ke bed fo ekedi mme mmɔ emi;

DANIEL 2:29

ama edi afo, O edidem, ekikere fo ɔkɔdɔk ke bed fo, ete, Nsidi ŋkpɔ eke edidide ke ini iso: ndien enye emi ayararede ndibe-ndibe ŋkpɔ asian fi se ididide.

DANIEL 2:44

Ndien ke eyo ndidem oro, Abasi enyɔŋ eyenam ubɔŋ eke midisoboke ke nsinsi, adaha ada: ndien idikpɔŋke ubɔŋ emi inɔ mbio efen: enye eyenuak onyuŋ ama kpukpru mme idut emi, ndien enye eyeda ke nsinsi:

DANIEL 8:25

Ndien oto ke ŋkari esie enye eyenam ŋkari aka iso ke ubɔk esie; eyenyuŋ okok idem ke esit esie, onyuŋ abiat ediwak owo ke ndueidem mmɔ; onyuŋ adaha ke enyɔŋ aŋwana ye ɔbɔŋ mbɔŋ; ndien eyebom enye, idige ke ubɔk.

HAGGAI 2:22

ndien nyeyut ebekpo mme idut ŋkabare nnim; nyenyuŋ nsobo odudu mbɔŋ mme idut; nyenyuŋ nyut chariot ye mmɔ eke edorode ke esit ŋkabare nnim; ndien mme horse ye mmɔ eke edorode mmɔ eyesuhɔre, kpukpru owo ke ofut eyen ete mmɔ.

ZECHARIAH 12:3

Ndien ama ekem ke usen oro, nyenim Jerusalem ke edidobi itiat nnɔ kpu-kpru mme idut: kpukpru mmɔ eke emenerede enye eyewaha mbak-mbak: kpukpru mme idut ke ererimbot eyenyuŋ esop idem ebaŋa enye.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

MATTHEW 21:24

Edi Jesus ɔbɔrɔ mmɔ, ete, Ami nde nyebup mbufo mbume kiet; mbufo ema ebɔrɔ Mi, Ami nyenyuŋ nsian mbufo odudu eke ndade nnam mme ŋkpɔ emi

MATTHEW 24:35

Enyɔŋ ye isɔŋ eyebe efep, edi ikɔ Mi idibehe ifep.

LUKE 17:20

Edi ke ini mme Pharisee ebupde Enye ini eke Ubɔŋ Abasi edidide, Enye ɔbɔrɔ mmɔ ete, Ubɔŋ Abasi idige ke ido nte owo okutde enye ke enyin:

DEUTERONOMY 10:17

Koro Jehovah mbufo edide Abasi mme abasi, ye ɔbɔŋ mme mbɔŋ, Abasi emi edide ata akwa, ye ɔkpɔsɔŋ, ye akpakop, emi miteŋeke owo baba kiet enyin, minyuŋ ibɔhɔ enɔ:

ERIYARARE 1:19

Men se ama okokut ndien, ye se idude ke emi, ye se idisude ke ini iso, wet;

ERIYARARE 19:17

Ekem ŋkut angel kiet nte adade ke utin; ndien enye ofiori ke ɔkpɔsɔŋ uyo okot kpukpru mme inuen eke efede ke ufɔt ikpa-enyɔŋ, ete, Edi ediboho ɔtɔ kiet, man edia akamba udia Abasi;

ERIYARARE 4:1

KE ŋkpɔ emi ema ekebe, ŋkut, ndien sese, inua-otop eberere ke heaven; ndien akpa uyo eke ŋkokopde, nte ukorowo osiorode uyo ke utɔŋ mi, ete, Dɔk di ken, ndien nyewut fi se idisude ke ini emi edidide.