DANIEL 2:44 - Edisana ñwed Abasi Ibom

⁴⁴ Ndien ke eyo ndidem oro, Abasi enyɔŋ eyenam ubɔŋ eke midisoboke ke nsinsi, adaha ada: ndien idikpɔŋke ubɔŋ emi inɔ mbio efen: enye eyenuak onyuŋ ama kpukpru mme idut emi, ndien enye eyeda ke nsinsi:

DANIEL 2:44 ပူးပေါင်းရင်းမြစ်များ

GENESIS 49:10

Mmɔnyɔ idikpɔŋke Judah, eto ɔbɔŋ idinyuŋ ikpɔŋke ŋkpatian-ukot esie, tutu Shiloh edi; mme idut eyenyuŋ ekop enɔ

2 SAMUEL 7:13

Enye eyebɔp ufɔk ɔnɔ enyiŋ mi, nyenyuŋ nnam ebekpo ubɔŋ esie ɔsɔŋ ada ke nsinsi.

2 SAMUEL 7:16

Ntre ke ufɔk fo ye ubɔŋ fo edisɔŋ eda ke iso fo ke nsinsi: ebekpo fo eyewuhɔ ke nsinsi.

ŊWED MME PSALM 145:13

Ubɔŋ fo edi ata nsinsi ubɔŋ, afo onyuŋ akara ke ofuri emana.

ISAIAH 60:12

Koro eyesobo idut ye obio eke midinamke ŋkpɔ fo; mme idut oro eyenyuŋ ebiara fap.

EZEKIEL 37:25

Ndien mmɔ eyeduŋ ke isɔŋ emi ŋkɔnɔde owo mi Jacob, emi mme ete mbufo ekeduŋde ke esit; ndien mmɔ eyeduŋ ke esit, kpa mmɔ ye nditɔ mmɔ ye nditɔ nditɔ mmɔ ke nsinsi:

DANIEL 2:28

edi Abasi emi ayararede ndibe ŋkpɔ odu ke enyɔŋ, ndien edi enye asian edidem Nebuchadnezzar se ididide ke ukperedem usen. Ndap fo ye ŋkukut ibuot fo ke bed fo ekedi mme mmɔ emi;

DANIEL 2:34

Ndien afo okut tutu esiak itiat esio, midige ke ubɔk owo, ndien enye oyibi mbiet oro ke ukot ukwak ye mbat-eso, onyuŋ anuak mmɔ mbak-mbak.

DANIEL 2:35

Ndien ukwak oro, ye mbat-eso, ye okpoho, ye silver, ye gold enuaha mbak-mbak, enyuŋ ekabare ebiet mbio emi otode ke ɔtɔ ubek-ibokpot ke nda-eyo, ndien ofum ɔkpɔri mmɔ efep, ndien ikwe aba ebiet eke mmɔ edude. Ndien itiat oro akanuakde mbiet akabare edi akamba obot, onyuŋ ɔyɔhɔ ke ofuri isɔŋ.

DANIEL 2:37

Afo, O edidem, edi edidem ndidem: koro Abasi enyɔŋ ɔmɔnɔ fi ubɔŋ, ye odudu, ye nsɔŋidem, ye ukpono.

DANIEL 2:43

Ndien koro afo okokutde ukwak abuahade ye mbat-eso, mmɔ eyebuaha ye ubon owo, edi kiet ididianake ye eken, kpa nte ukwak mibuahake ye mbat-eso.

DANIEL 4:3

Mme utibe ŋkpɔ esie ewak didie! ŋkpɔ ndyɔ esie enyuŋ esɔŋɔ didie! ubɔŋ esie edi nsinsi ubɔŋ; enye onyuŋ akara ke ofuri emana.

DANIEL 4:34

Ekem ke utit ini oro, ami Nebuchadnezzar mmenere enyin mi nse enyɔŋ, ndien ibuot mi ɔtɔŋ ntak ɔfɔn; ndien ami ŋkɔm Ata Edikoŋ, nnyuŋ ntoro, nnyuŋ ŋkpono enye emi odude uwem ke nsinsi, emi akarade ke nsinsi, emi ubɔŋ esie onyuŋ ebigide ke ofuri emana:

DANIEL 6:26

Mmowuk ewuhɔ nte ke kpukpru ebiet eke ndide ɔbɔŋ ye edidem, yak owo ebak enyuŋ efehe Abasi Daniel: koro edi enye edi Abasi uwem, enye onyuŋ ebigi ke nsinsi, ubɔŋ esie onyuŋ edi se midibiarake, ndien enye eyedi edidem ke nsinsi.

DANIEL 6:27

Enye anyaŋa onyuŋ osio, onyuŋ anam mme idiɔŋɔ ye mme utibe ŋkpɔ ke enyɔŋ ye ke isɔŋ, emi akanyaŋade Daniel osio ke ubɔk mme lion.

DANIEL 7:27

Ndien mmɔ eda itie edidem, ye ubɔŋ, ye ukpono itie-edidem ke idak ofuri enyɔŋ enɔ edisana ikɔt Ata Edikoŋ; ubɔŋ esie edi nsinsi ubɔŋ, kpukpru mbɔŋ eyenyuŋ enam ŋkpɔ esie, enyuŋ ekop uyo esie.

DANIEL 8:25

Ndien oto ke ŋkari esie enye eyenam ŋkari aka iso ke ubɔk esie; eyenyuŋ okok idem ke esit esie, onyuŋ abiat ediwak owo ke ndueidem mmɔ; onyuŋ adaha ke enyɔŋ aŋwana ye ɔbɔŋ mbɔŋ; ndien eyebom enye, idige ke ubɔk.

MICAH 4:7

Ndien nyenim mbufo ke nsuhɔ, nnyuŋ nda mmɔ eke ekebinde efep esin ke anyan ebiet, nnim ke ɔkpɔsɔŋ obio: ndien Jehovah eyedi edidem mmɔ ke obot Zion ke nsinsi ye ke nsinsi.

HAGGAI 2:22

ndien nyeyut ebekpo mme idut ŋkabare nnim; nyenyuŋ nsobo odudu mbɔŋ mme idut; nyenyuŋ nyut chariot ye mmɔ eke edorode ke esit ŋkabare nnim; ndien mme horse ye mmɔ eke edorode mmɔ eyesuhɔre, kpukpru owo ke ofut eyen ete mmɔ.

HAGGAI 2:7

nyenyuŋ nnyeŋe kpukpru mme idut, ndien se mme idut eyomde eyedi: ndien nyesin ubɔŋ ke ufɔk emi nyɔhɔ, Jehovah mme udim ɔdɔhɔ ntem.

MATTHEW 28:18

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

JOHN 12:34

Ntem ke otu owo ebɔrɔ Enye ete, Nnyin ima ikop nte edɔhɔde ke ibet, ete Christ eyesuk odu ke nsinsi: ndien Afo anam didie ɔdɔhɔ ete, Enyene ndimen Eyen Owo ke enyɔŋ? anie edi Eyen Owo emi?

MME HEBREW 12:28

Mmɔdo sia nnyin inyenede Obio Ubɔŋ eke ŋkpɔ mikemeke ndinyeŋe, yak nnyin inyene esit ekɔm, inyuŋ ida emi inɔ Abasi, utom eke enemde Enye esit ke ukpono ye uteŋe.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ERIYARARE 2:27

nyenɔ enye odudu ndikara mme idut; ndien enye eyeda esaŋ ukwak akara mmɔ, nte emi ebomde eso obot-eso mbai-mbai: kpa nte Ami nde ŋkɔbɔde ke ubɔk Ete Mi.