DANIEL 2:4 - Edisana ñwed Abasi Ibom

⁴ Ndien mme Chaldean edɔhɔ edidem ke usem Syria, ete, O edidem, itɔŋ uwem akpakam ɔsɔŋ fi ke nsinsi: tiŋ ndap oro nɔ nnyin ikɔt fo, ndien nnyin iyesiak nte enye asaŋade.

DANIEL 2:4 ပူးပေါင်းရင်းမြစ်များ

GENESIS 31:47

ebok oro. Ndien Laban osio enye enyiŋ Jegar-sahadutha: Jacob

GENESIS 41:8

Ekem ke usenubɔk esit etimere enye; ndien enye ɔdɔŋ ekekot kpukpru mbia-idiɔŋ Egypt, ye kpukpru mme ɔfiɔk-ŋkpɔ owo esie edi; ndien Pharaoh etiŋ ndap esie ɔnɔ mmɔ; edi baba owo kiet eke asiakde mmɔ ɔnɔ Pharaoh iduhe.

1 NDIDEM 1:25

Koro enye ɔmɔsuhɔre mfin emi, aka okowot enaŋ, ye edisehe unam, ye ŋkpri ufene ediwak, omonyuŋ okot kpukpru nditɔ edidem, ye mme etubom mbon-ekɔŋ, ye Abiathar oku; ndien, sese, mmɔ ke ededia, ke enyuŋ eŋwɔŋ ke iso esie, enyuŋ edɔhɔ ete, Yak Adonijah edidem odu uwem.

1 NDIDEM 1:31

Ndien Bath-sheba ɔnuhɔ okubi iso esie ke isɔŋ, onyuŋ atuak ibuot ɔnɔ edidem, ete, Yak ɔbɔŋ mi, O ediden David, akam odu uwem ke nsinsi.

2 NDIDEM 18:26

Ndien Eliakim eyen Hilkiah, ye Shebnah, ye Joah edɔhɔ Rabshakeh, ete, Mbɔk, neme ye nnyin ikɔt fo ke usem Syria: koro nnyin imokop enye: edi kuneme ye nnyin ke usem mme Jew ke utɔŋ mme mmɔ emi etiede ke enyɔŋ ibibene.

EZRA 4:7

Ndien ke eyo Artaxerxes, Bishlam, ye Mithredath, ye Tabeel, ye mme nsaŋa mmɔ efen, ewet ŋwed enɔ esɔk Artaxerxes edidem Persia; ndien mmɔ ewet ŋwed oro ke usem Syria, enyuŋ esiak enye ke usem Syria.

NEHEMIAH 2:3

ami nnyuŋ ndɔhɔ edidem, nte, Yak edidem akam odu uwem ke nsinsi: ke didie ke iso mikpɔfuhɔke mi ke ini obio emi edide ebiet udi mme ete mi edide ndon, mme itim esie ema enyuŋ eta ikaŋ?

ISAIAH 36:11

Ndien Eliakim, ye Shebna, ye Joah edɔhɔ Rabshakeh, ete, Mbɔk, sem usem Syria nɔ nnyin ikɔt fo: koro nnyin ikopde enye: ndien kudɔhɔ ye nnyin ke usem mme Jew usin ke utɔŋ mme mmɔ emi edude ke enyɔŋ ibibene.

ISAIAH 44:25

Enye abiat mme idiɔŋɔ mbon nsu, onyuŋ anam mbia-idiɔŋ edama idat; anam mme ɔfiɔk ŋkpɔ owo efiak edem, onyuŋ onim ifiɔk mmɔ ke ndisime:

DANIEL 1:4

nditɔ eke mibiomke baba ndo, eke enyuŋ eyede iso, enyuŋ edide ɔniɔŋ ke kpukpru oruk eti ibuot, enyuŋ efiɔkde ŋkpɔ, enyuŋ edide mme asian ke ifiɔk, eke enyuŋ enyenede ukeme nte edidade ke akwa ufɔk edidem, eke edinyuŋ ekpepde mmɔ ŋwed ye usem mme Chaldean.

DANIEL 2:7

Mmɔ etɔŋɔ ntak ebɔrɔ enyuŋ edɔhɔ ete, Yak edidem akam etiŋ ndap emi ɔnɔ nnyin ikɔt esie, ndien nnyin iyesiak enye.

DANIEL 3:9

Mmɔ ebɔrɔ enyuŋ edɔhɔ Nebuchadnezzar, edidem, ete, O edidem, yak itɔŋ uwem akam ɔsɔŋ fi ke nsinsi:

DANIEL 4:19

Ndien idem akpa Daniel emi ekerede Belteshazzar idaha kiet, ekikere enyuŋ etimere enye. Edidem ɔbɔrɔ onyuŋ ɔdɔhɔ, ete, Belteshazzar, kuyak ndap emi ye se enye ediwɔrɔde akpa fi idem. Belteshazzar ɔbɔrɔ, ete, Ɔbɔŋ mi, yak ndap emi enyene mmɔ eke esuade fi, yak ŋkpɔ emi enye ediwɔrɔde onyuŋ osim mbon-utɔk fo.

DANIEL 4:7

Ndien mbon-ŋwed, ye mbia-idiɔŋ, ye mme Chaldean, ye mbia-mfa eduk edi: ndien ami ntiŋ ndap oro ke iso mmɔ: edi mmɔ isianke mi nte ediwɔrɔde.

DANIEL 4:9

O Belteshazzar, etubom mbon-ŋwed, emi ami mfiɔkde nte ke spirit edisana Abasi odu fi ke idem, baba ndibe ŋkpɔ kiet inyuŋ iyaŋake fi, dɔhɔ mi ŋkukut ndap mi emi ŋkokutde, ye nte enye ediwɔrɔde.

DANIEL 5:10

Uyo edidem ye eke ikpɔ owo esie esin ɔbɔŋ-aŋwan oduk ke ufɔk udia: ɔbɔŋ-aŋwan oro ɔbɔrɔ onyuŋ ɔdɔhɔ edidem, ete, Itɔŋ uwem akpakam ɔsɔŋ edidem ke nsinsi; kuyak ekikere etimere fi, kunyuŋ uyak iso akabare fi akpai:

DANIEL 5:8

Ndien kpukpru mme ɔfiɔkŋkpɔ owo edidem eduk edi: edi mmɔ ikwe nte ekotde ŋwed oro, inyuŋ ikwe nte esiakde enye enɔ edidem.

DANIEL 6:21

Ndien Daniel ɔdɔhɔ edidem, ete, O edidem, itɔŋ uwem osuk ɔsɔŋ fi ke nsinsi.

DANIEL 6:6

Ndien ikpɔ owo ye mbɔŋ emi esop idem ke ɔtɔ edidem, enyuŋ edɔhɔ ntem ye enye, ete, Edidem Darius, itɔŋ uwem akpakam ɔsɔŋ fi ke nsinsi.

DANIEL 6:7

Kpukpru ikpɔ owo obio, ye mme andikara, ye mbɔŋ, ye mme andinɔ item, ye mme etubom emediomi ete iwuk ewuhɔ edidem, inyuŋ inam isɔŋ-ikɔ, ite, Emen owo ekededi eke edibeŋede abasi mme owo ekededi ebeŋe, ke ofuri usen edip ye duop, ke midige afo ikpɔŋ ke ebeŋe, O edidem, eda enye eduɔk ke obube mme lion.

MATTHEW 21:9

Mme otu owo emi ebemde Enye iso ye mmɔ emi etienede ke edem efiori ete, Hosanna enyene Eyen David; Itoro enyene Enye emi edide ke enyiŋ Jehovah; Hosanna ke ata enyɔŋ.

1 SAMUEL 10:24

Ndien Samuel ɔdɔhɔ kpukpru owo, ete, Nte mbufo emekut enye emi Jehovah emekde, ete ke baba owo kiet ibietke enye ke otu kpukpru mbio-obio? Ndien kpukpru owo efiori, enyuŋ edɔhɔ ete,