DANIEL 2:35 - Edisana ñwed Abasi Ibom

³⁵ Ndien ukwak oro, ye mbat-eso, ye okpoho, ye silver, ye gold enuaha mbak-mbak, enyuŋ ekabare ebiet mbio emi otode ke ɔtɔ ubek-ibokpot ke nda-eyo, ndien ofum ɔkpɔri mmɔ efep, ndien ikwe aba ebiet eke mmɔ edude. Ndien itiat oro akanuakde mbiet akabare edi akamba obot, onyuŋ ɔyɔhɔ ke ofuri isɔŋ.

DANIEL 2:35 ပူးပေါင်းရင်းမြစ်များ

ŊWED JOB 6:17

Ke ini efiopde, mmɔ esuana; ke ini eyo ayatde, mmɔ enime ke ebiet mmɔ.

ŊWED MME PSALM 103:16

Koro ofum abarede ke esit, ndien enye iduhe aba; ebiet esie idinyuŋ idiɔŋɔke aba enye.

ŊWED MME PSALM 22:27

Kpukpru mme utit ererimbot eyeti, enyuŋ ekabare etiene Jehovah: kpukpru ufɔk mme idut eyenyuŋ etuak ibuot enɔ fi.

ŊWED MME PSALM 37:10

Koro osuk esisit idiɔk owo ididuhe: ndien ke afo etiŋde enyin ke ebiet esie, enye ididuhe.

ŊWED MME PSALM 37:36

Ekem enye adaha, ndien, sese, enye iduhe: ndien nyom enye, edi idige aba nte ekutde enye.

ŊWED MME PSALM 46:9

Enye anam ekɔŋ etre tutu osim ke utit ekondo; eyebuŋ utiga, onyuŋ osibe eduat: eyenyuŋ ɔfɔp mme chariot ke ikaŋ.

ŊWED MME PSALM 66:4

Ofuri ekondo eyenuhɔ enɔ fi, enyuŋ ekwɔ enɔ fi; mmɔ eyekwɔ enyiŋ fo. [Selah.]

ŊWED MME PSALM 86:9

Kpukpru mme idut emi afo akanamde eyedi edituak ibuot ke iso fo, Ɔbɔŋ; eyenyuŋ ekpono enyiŋ fo.

ISAIAH 11:9

Mmɔ idinamke idiɔk, idinyuŋ ibiatke ŋkpɔ ke ofuri edisana obot mi: koro ifiɔk Jehovah eyeyɔhɔ ke ererimbot, kpa nte mmɔŋ ofukde inyaŋ.

ISAIAH 8:9

Mbufo mme idut edama, ndien enuaha; kpukpru mme anyan idut, ekpaŋ utɔŋ mbufo, ebɔbɔ ŋkpɔ ke idem, ndien enuaha; ebɔbɔ ŋkpɔ, ndien enuaha.

DANIEL 2:44

Ndien ke eyo ndidem oro, Abasi enyɔŋ eyenam ubɔŋ eke midisoboke ke nsinsi, adaha ada: ndien idikpɔŋke ubɔŋ emi inɔ mbio efen: enye eyenuak onyuŋ ama kpukpru mme idut emi, ndien enye eyeda ke nsinsi:

HOSEA 13:3

Mmɔdo mmɔ ebietde ntuhube usenubɔk, ye mbara emi abakde adaha, ebiet mbio ibokpot eke asuanade ke ɔtɔ ubek-ibokpot efep, enyuŋ ebiet nsuŋikaŋ eke otode ke window ɔwɔrɔ.

MICAH 4:13

O adiaha Zion, daha ke enyɔŋ, nyuŋ bek: koro nyenam nduk fo edi ukwak, nyenyuŋ nnam ikpat ukot fo edi okpoho: ndien afo eyenuak ediwak mme idut: ndien ami nyenim udori mmɔ nnɔ Jehovah, nyenim inyene mmɔ nnɔ Ɔbɔŋ ofuri ererimbot.

ZECHARIAH 12:3

Ndien ama ekem ke usen oro, nyenim Jerusalem ke edidobi itiat nnɔ kpu-kpru mme idut: kpukpru mmɔ eke emenerede enye eyewaha mbak-mbak: kpukpru mme idut ke ererimbot eyenyuŋ esop idem ebaŋa enye.

1 ŊWED CORINTH 15:25

Koro Enye enyene ndida ubɔŋ tutu Enye onuk kpukpru mme asua Esie ke idak ikpat.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ERIYARARE 12:8

Ufaŋ inyuŋ iduhe aba inɔ mmɔ ke heaven.

ERIYARARE 20:11

Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.