DANIEL 2:30 - Edisana ñwed Abasi Ibom

³⁰ Ndien ama edi ami, idige ɔniɔŋ eke odude mi ke idem akan kpukpru mme odu-uwem, esin eyarare ndibe ŋkpɔ emi enɔ mi, edi man esian edidem nte asaŋade, man afo onyuŋ ɔfiɔk ekikere esit fo.

DANIEL 2:30 ပူးပေါင်းရင်းမြစ်များ

GENESIS 41:16

Ndien Joseph ɔbɔrɔ Pharaoh, ete, Idige ami: Abasi eyebɔrɔ Pharaoh ke emem.

ŊWED MME PSALM 139:2

Afo ɔmɔfiɔk nte nsuhɔrede ntie, ye nte ndahade nda; afo omotim ɔfiɔk ekikere mi nsan-nsan.

ISAIAH 45:4

Ŋkot fi enyiŋ ŋko, mbaŋa owo mi Jacob ye Israel emi mmekde: ŋkot fi enyiŋ ukpono ŋko, edi afo ufiɔkke mi.

DANIEL 1:17

Ndien ama edi nditɔwɔŋ mbinaŋ emi, Abasi ɔnɔ mmɔ ifiɔk ye eti ibuot ke kpukpru oruk ŋwed ye ɔniɔŋ; Daniel onyuŋ edi asian ke kpukpru oruk ŋkukut ye ndap.

DANIEL 2:47

Edidem ɔbɔrɔ Daniel onyuŋ ɔdɔhɔ, ete, Ke akpanikɔ Abasi mbufo edi Abasi mme abasi ye Ɔbɔŋ ndidem: edi enye ayarare ndibe-ndibe ŋkpɔ, koro afo ekemede ndiyarare ndibe ŋkpɔ emi.

DANIEL 2:49

Ndien Daniel ekpe edidem ubɔk, ndien enye onim Shadrach ye Meshach ye Abednego, ete esaŋa ŋkpɔ esien Babylon. Ndien Daniel etie ke inua-otop edidem.

AMOS 4:13

Koro, sese, ke edi Enye akanam ikpɔ obot, onyuŋ obot spirit, onyuŋ owut owo uduak esie eke edide: anam usiere akabare edi ekim, onyuŋ edigi ŋkokoŋo ebiet isɔŋ, Jehovah Abasi mme udim edi enyiŋ esie.

MATTHEW 24:22

Ndien ke mikpesibeke mme usen oro emuhɔ, baba owo kiet ikpɔbɔhɔke; edi kabaŋa ndimek ikɔt Abasi eyesibe mme usen oro emuhɔ.

MARK 13:20

Koro mikpedige nte Ɔbɔŋ ama esibe mme usen oro emuhɔ, baba owo kiet ikpɔbɔhɔke: edi kabaŋa ndimek ikɔt Esie, emi Enye emekde, Enye ama esibe mme usen oro emuhɔ.

UTOM MME APOSTLE 3:12

Edi ke ini Peter okutde emi, enye ɔbɔrɔ mmɔ ete, Mbufo nditɔ Israel, nsinam idem akpade mbufo abaŋa owo emi? nsinyuŋ inam mbufo ewukde enyin ese nnyin, nte edide nnyin ida odudu idem nnyin mme uteŋe eke nnyin iteŋede Abasi inam enye asaŋa?

ŊWED MBON ROME 8:28

Edi imɔfiɔk ite kpukpru ŋkpɔ esaŋa ɔtɔ kiet enam ufɔn enɔ mmɔ eke emade Abasi, kpa mmɔ emi ekotde nte ekemde ye uduak Esie.

2 ŊWED CORINTH 4:15

Koro kpukpru ŋkpɔ ewɔrɔ kabaŋa ufɔn mbufo, man mfɔn Abasi ɔdɔdiɔŋ awak oto ke ediwak owo, onyuŋ anam ekɔm awak akan, ɔnɔ Abasi ubɔŋ.