DANIEL 2:27 - Edisana ñwed Abasi Ibom

²⁷ Ndien Daniel ɔbɔrɔ ke iso edidem, onyuŋ ɔdɔhɔ, ete, Mme ɔfiɔk ŋkpɔ owo ye mbia-idiɔŋ, ye mbon-ŋwed, ye mbia-mfa ikemeke ndiyarare ndibe ŋkpɔ emi edidem obupde;

DANIEL 2:27 ပူးပေါင်းရင်းမြစ်များ

GENESIS 40:8

Ndien mmɔ edɔhɔ enye, ete, nnyin ima idaba ndap, ndien owo eke asiakde iduhe. Ndien Joseph ɔdɔhɔ mmɔ ete, Nte idige Abasi asiak ndap? Mbɔk, mbufo ekam etiŋ enɔ mi.

GENESIS 41:8

Ekem ke usenubɔk esit etimere enye; ndien enye ɔdɔŋ ekekot kpukpru mbia-idiɔŋ Egypt, ye kpukpru mme ɔfiɔk-ŋkpɔ owo esie edi; ndien Pharaoh etiŋ ndap esie ɔnɔ mmɔ; edi baba owo kiet eke asiakde mmɔ ɔnɔ Pharaoh iduhe.

ISAIAH 19:3

Ndien eyeŋwaŋa Egypt spirit esie ke idem efep; nyeyuŋ mmen uduak esie nsin ke idibi: ndien mmɔ eyebine mme ibɔk, ye mbia-inuen, ye mme nsaŋa ekpo, ye mbia-idiɔŋ.

ISAIAH 44:25

Enye abiat mme idiɔŋɔ mbon nsu, onyuŋ anam mbia-idiɔŋ edama idat; anam mme ɔfiɔk ŋkpɔ owo efiak edem, onyuŋ onim ifiɔk mmɔ ke ndisime:

JEREMIAH 10:7

Anie midibakke fi, O Edidem mme idut? Koro odotde fi: koro baba kiet eke ebietde fi miduhe ke otu kpukpru mme ɔfiɔkŋkpɔ owo mme idut, ye ke kpukpru mme obio mmɔ.

DANIEL 1:20

Ndien ke kpukpru ŋkpɔ ifiɔk ye asian eke edidem obupde mmɔ, enye onyuŋ okut ete ke mmɔ ekan kpukpru mbon-ŋwed ye mbia-idiɔŋ eke edude ke ofuri idut esie utim ikoduop.

DANIEL 2:2

Ndien edidem ɔnɔ uyo, ete ekot mbon-ŋwed ye mbia-idiɔŋ, ye mbia-mfa, ye mme Chaldean edi edisian edidem ndap esie. Ndien mmɔ edi edida ke iso edidem.

DANIEL 4:7

Ndien mbon-ŋwed, ye mbia-idiɔŋ, ye mme Chaldean, ye mbia-mfa eduk edi: ndien ami ntiŋ ndap oro ke iso mmɔ: edi mmɔ isianke mi nte ediwɔrɔde.