DANIEL 2:23 - Edisana ñwed Abasi Ibom

²³ O Abasi mme ete mi, ami mmotoro mmonyuŋ ŋkɔm fi, emi ɔnɔde mi ifiɔk ye odudu, ndien ke emi ke afo asian mi se nnyin ibeŋede fi; koro afo amasian ikɔ edidem ɔnɔ nnyin.

DANIEL 2:23 ပူးပေါင်းရင်းမြစ်များ

GENESIS 18:17

Ndien Jehovah ɔdɔhɔ, ete, Nte ndedip Abraham se ami nyomde ndinam;

GENESIS 31:42

utim ikoduop. Abasi ete mi, Abasi Abraham, ye Enye emi Isaac eteŋede, mikpeduhe ye ami, ke emi ke afo ekpenam mi nnyɔŋ ubɔk-ubɔk. Abasi ama okut ukut mi ye utom ubɔk mi, onyuŋ ekpe edinen-edinen ke okoneyo mkpɔŋ.

1 NDIDEM 18:36

Edikem ke ini emi ekam ewade uwa, prophet Elijah asaŋa ekpere, onyuŋ ɔdɔhɔ ete, O Jehovah Abasi Abraham, ye eke Isaac, ye eke Israel, ke ami nnyuŋ ndi owo fo, ke nnyuŋ nnam kpukpru ŋkpɔ emi ke uyo fo.

1 NDIDEM 8:57

Yak Jehovah Abasi nnyin akam odu ye nnyin, kpa nte enye okodude ye mme ete nnyin: yak enye okukpɔŋ nnyin,

1 CHRONICLES 29:10

Ndien David ɔkɔm Jehovah ke iso ofuri esop; David onyuŋ ɔdɔhɔ, ete, Ekɔm fi, Jehovah Abasi Israel ete nnyin, ke nsinsi-nsinsi.

1 CHRONICLES 29:13

Nnyin imɔkɔm fi, ndien, O Abasi nnyin, inyuŋ itoro enyiŋ ubɔŋ fo.

2 CHRONICLES 20:6

O Jehovah Abasi mme ete nnyin, nte idige afo edi Abasi ke enyɔŋ? Nte idige afo akara kpukpru mme idut ke ererimbot? Nte odudu ye nsɔŋ-idem iduhe fi ke ubɔk? Ndien baba owo kiet eke ekemde ubɔk ye afo iduhe.

ŊWED MME PSALM 21:2

Afo ɔmɔnɔ enye se esit esie oyomde, unyuŋ usinke enye ebeŋe mkpɔk-inua esie. [Selah.]

ŊWED MME PSALM 21:4

Enye ekebeŋe fi uwem, ndien afo ɔmɔnɔ enye, anyan usen ke nsinsi nsinsi.

ŊWED MME PSALM 25:14

Jehovah etie ufan ye mmɔ eke ebakde enye, ndien enye eyeteme mmɔ ediomi esie.

ŊWED MME PSALM 50:14

Wa ekɔm nɔ Abasi;

EXODUS 3:15

Ndien Abasi ɔtɔŋɔ ntak ɔdɔhɔ Moses ete, Ntem ke afo edidɔhɔ nditɔ Israel, ete, Jehovah Abasi mme ete mbufo, Abasi Abraham, ye Abasi Isaac, ye Abasi Jacob, ɔdɔŋ mi utom ke ɔtɔ mbufo; emi edi enyiŋ mi ke nsinsi, emi onyuŋ edi se edade eti mi ke kpukpu emana.

MME ŊKE 21:22

Enyene-ibuot owo ɔdɔk ke obio mkpɔsɔŋ owo, onyuŋ ɔsuhɔre ɔkpɔsɔŋ ebiet mbuɔtidem mmɔ.

MME ŊKE 24:5

Idem ɔsɔŋ enyene-ibuot owo; ɔfiɔk-ŋkpɔ owo onyuŋ anam odudu esie ɔsɔŋ.

MME ŊKE 8:14

Item ye ata ɔniɔŋ edi okim: ndi asian; mmenyene odudu.

ECCLESIASTES 7:19

Eti ibuot anam enyene-ibuot owo ɔsɔŋ akan mbɔŋ duop eke edude ke obio.

ECCLESIASTES 9:16

Ndien ami ndɔhɔ, nte ke eti ibuot ɔfɔn akan uko; edi mmɔ ese eti ibuot eyen-ubuene oro ke ndek, inyuŋ ikopke uyo esie.

ECCLESIASTES 9:18

Eti ibuot ɔfɔn akan ŋkpɔ-ekɔŋ, ndien anam-idiɔk kiet abiat ediwak nti ŋkpɔ.

ISAIAH 12:1

NDIEN afo eyedɔhɔ ke usen oro, ete, Nyekɔm fi, O Jehovah; koro afo akayatde esit ye ami; iyaresit fo amakabare ndien afo ke ɔdɔŋ mi esit.

JEREMIAH 33:3

Seme kot mi, ndien nyeyere fi, nnyuŋ ŋwut fi ikpɔ ye ata mkpɔsɔŋ ŋkpɔ eke afo mufiɔkke mmɔ.

DANIEL 1:17

Ndien ama edi nditɔwɔŋ mbinaŋ emi, Abasi ɔnɔ mmɔ ifiɔk ye eti ibuot ke kpukpru oruk ŋwed ye ɔniɔŋ; Daniel onyuŋ edi asian ke kpukpru oruk ŋkukut ye ndap.

DANIEL 2:18

Yak mmɔ ebeŋe Abasi enyɔŋ mbɔm ebaŋa ndibe ŋkpɔ emi, man ekusobo Daniel ye mme nsaŋa esie ke otu mme ɔfiɔk ŋkpɔ owo Babylon efen.

AMOS 3:7

Koro Ɔbɔŋ Jehovah midinamke baba ŋkpɔ kiet, ke mibɔhɔke ini enye ayarade uduak esie ɔnɔ ikɔt esie mme prophet.

MATTHEW 11:25

Ke ini oro Jesus ɔbɔrɔ ete, Mmɔkɔm Fi, O Ete, Ɔbɔn enyɔŋ ye isɔŋ, koro Afo okodipde mbon eti ibuot ye mme asian mme ŋkpɔ emi, onyuŋ ayararede mmɔ ɔnɔ nsek nditɔ.

LUKE 10:21

Ke ini oro Jesus okop idaresit ke Edisana Spirit, onyuŋ ɔdɔhɔ ete, Mmɔkɔm Fi, O Ete, Ɔbɔŋ enyɔŋ ye isɔŋ, koro Afo okodipde mbon eti ibuot ye mme asian mme ŋkpɔ emi, onyuŋ ayararede mmɔ ɔnɔ nsek-nditɔ. Edi ntre, Ete, koro enemde Fi ntem ke enyin.

JOHN 11:41

Ntre ke mmɔ ekpat itiat esio. Edi Jesus emenere enyin Esie ke enyɔŋ, onyuŋ ɔdɔhɔ ete, Ete, mmɔkɔm Fi koro Afo okokopde uyo Mi.

JOHN 15:15

Ŋkotke aba mbufo mme asaŋutom, koro asaŋutom mifiɔkke se ete-ufɔk esie anamde; edi ŋkot mbufo mme ufan, koro mma mmen kpukpru se ŋkokopde ke inua Ete Mi nyarare nnɔ mbufo.

ERIYARARE 1:1

IKƆ eriyarare Jesus Christ, emi Abasi ɔkɔnɔde Enye, ete owut ikɔt Esie, kpa ŋkpɔ eke enyenede ndisu ke ekpri ibio ini: ndien Enye ɔkɔdɔŋ angel Esie okowut ŋkpɔ emi ɔnɔ owo Esie John;

ERIYARARE 5:5

Edi kiet ke otu mbiowo ɔdɔhɔ mi ete, Kutua; sese, Lion emi otode ke esien Judah, kpa Oruŋ David, amakan, adaŋa nte enyenede ukeme ndikibɔre ŋwed oro nnyuŋ ndianare mme ufik-ŋkpɔ itiaba.