DANIEL 2:22 - Edisana ñwed Abasi Ibom

²² Enye ayarare ndituŋɔ ye ndibe-ndibe ŋkpɔ, ke ɔfiɔk se idude ke ekim, uŋwana onyuŋ oduŋ ye enye.

DANIEL 2:22 ပူးပေါင်းရင်းမြစ်များ

GENESIS 41:16

Ndien Joseph ɔbɔrɔ Pharaoh, ete, Idige ami: Abasi eyebɔrɔ Pharaoh ke emem.

ŊWED JOB 12:22

Enye osio ndituŋɔ ŋkpɔ ke ekim ayarare, onyuŋ osio mfut mkpa onim ke uŋwana.

ŊWED JOB 26:6

Obio ekpo ana iŋwaŋ ke iso esie, ŋkpɔ eke ofukde Nsobo inyuŋ iduhe du.

ŊWED MME PSALM 104:2

Ada uŋwana nte ɔfɔŋidem ofuk idem: onyuŋ anyanare ikpa-enyɔŋ nte ukara:

ŊWED MME PSALM 25:14

Jehovah etie ufan ye mmɔ eke ebakde enye, ndien enye eyeteme mmɔ ediomi esie.

ŊWED MME PSALM 36:9

Koro obube mmɔŋ uwem odude ye afo: nnyin iyekut uŋwana ke uŋwana fo.

ECCLESIASTES 8:1

ANIE ebiet enyene-ibuot owo? Anie onyuŋ ɔfiɔk usuŋ nte asiakde ŋkpɔ? eti ibuot aŋwaŋa owo iso, ndien usɔŋ iso esie ɔkpuhɔre.

ISAIAH 41:22

Yak eda mmɔ edi, enyuŋ ewut nnyin se idiwɔrɔde: yak ewut nnyin mbemiso ŋkpɔ se edide, ndien nnyin iyenim ibuot ke esit, inyuŋ ifiɔk utit mmɔ; midige ntre, yak mmɔ enam nnyin ikop ŋkpɔ eke edidide.

ISAIAH 41:26

Anie owo eketiŋ ke eritɔŋɔ, man nnyin ifiɔk? ye ke eset, man nnyin idɔhɔ ite, Enen? Ŋkɔm baba owo kiet eke etiŋde iduhe, ŋkɔm baba owo kiet eke obupde iduhe, ŋkɔm baba owo kiet eke okopde ikɔ mbufo iduhe.

ISAIAH 42:9

Mbemiso ŋkpɔ, sese, mmɔ edi, ami nnyuŋ ntiŋ mbufa ŋkpɔ: ke mikaitibeke kaŋa, mbuk mmɔ nnɔ mbufo.

ISAIAH 45:7

Mbot uŋwana, nnyuŋ mbot ekim: nnam emem, nnyuŋ mbot idiɔk: ami Jehovah nnam kpukpru ŋkpɔ emi.

JEREMIAH 23:24

Jehovah ɔdɔhɔ ete, Nte owo ekeme ndidibe ke ndibe ebiet eke ami mmendikwe enye? Jehovah ɔdɔhɔ, ete, Nte ami nyɔhɔke ke ofuri enyɔŋ ye isɔŋ?

JEREMIAH 33:3

Seme kot mi, ndien nyeyere fi, nnyuŋ ŋwut fi ikpɔ ye ata mkpɔsɔŋ ŋkpɔ eke afo mufiɔkke mmɔ.

DANIEL 2:11

Ndien ikɔ emi edidem obupde ɔsɔŋ, owo eŋwen baba kiet eke ekemede ndisiak enye nnɔ edidem inyuŋ iduhe, ke mibɔhɔke mme abasi emi iduŋ mmɔ miduhe ye obukidem.

DANIEL 2:19

Ndien eyarade ndibe ŋkpɔ emi enɔ Daniel ke ndap ke okoneyo.

DANIEL 2:47

Edidem ɔbɔrɔ Daniel onyuŋ ɔdɔhɔ, ete, Ke akpanikɔ Abasi mbufo edi Abasi mme abasi ye Ɔbɔŋ ndidem: edi enye ayarare ndibe-ndibe ŋkpɔ, koro afo ekemede ndiyarare ndibe ŋkpɔ emi.

DANIEL 5:11

owo kiet odu ke obio fo emi spirit edisana Abasi odude enye ke idem; ndien ke eyo usɔ ke ekekut ete ke ɔniɔŋ ye eti ibuot ye ifiɔk emi ebietde ifiɔk Abasi, edu enye ke idem: ndien edidem Nebuchadnezzar usɔ, kpa usɔ edidem okonim ndien enye ke etubom mbon-ŋwed, ye mbia-idiɔŋ, ye mme Chaldean, ye mbia-mfa:

DANIEL 5:14

Mmokop ebaŋa fi ŋko, ete ke spirit Abasi odu fi ke idem, ete ke enyuŋ ekut ete ke ɔniɔŋ, ye eti ibuot, ye eti ifiɔk edu fi ke idem.

MATTHEW 13:13

Mmɔdo ntiŋde ikɔ nnɔ mmɔ ke nke: koro ke erise, mmɔ ikwe ŋkpɔ; ye ke erikop, mmɔ ikopke inyuŋ ifiɔkke nte ɔwɔrɔde.

JOHN 1:9

Ata uŋwana emi anamde enyin aŋwaŋa kpukpru owo okododuk ke ererimbot.

JOHN 21:17

Jesus obup enye ɔyɔhɔ utim ikata, ete, Simon eyen John nte amama Mi? Peter ɔfuhɔ, koro Enye obupde ɔyɔhɔ ikata, ete, Nte amama Mi? Enye onyuŋ ɔdɔhɔ Jesus ete, Ɔbɔŋ, ɔmɔfiɔk kpukpru ŋkpɔ; Afo ɔmɔfiɔk ete mmama Fi. Jesus ete enye, Bɔk mme erɔŋ Mi.

JOHN 8:12

Ntre ke Jesus ɔtɔŋɔ ntak etiŋ ɔnɔ mmɔ, ete, Ami ndi uŋwana ererimbot; owo eke etienede Mi idisaŋake ke ekim, edi eyenyene uŋwana uwem.

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

ŊWED MBON EPHESUS 3:5

emi nditɔ owo mikɔfiɔkke ke mme eyo oko, nte Spirit ama ayarare enye ke emi ɔnɔ nti apostle ye prophet;

DEUTERONOMY 29:28

ndien Jehovah ada iyaresit, ye ifiopest, ye akamba ikpahesit, edibere mmɔ, ke isɔŋ mmɔ efep, emen mmɔ ɔduɔk ke isɔŋ efen, kpa nte edide mfin emi.

1ŊWED TIMOTHY 6:16

emi Enye ikpɔŋ mikpaha mkpa, emi oduŋde ke uŋwana eke owo mikemeke ndisaŋa ŋkpere; emi akanam owo mikwe, midinyuŋ ikemeke ndikut: ubɔŋ enyene Enye ye nsinsi odudu. Amen.

MME HEBREW 4:13

Baba ŋkpɔ kiet eke odibede Enye ke enyin inyuŋ iduhe; edi kpukpru ŋkpɔ ena iferi ye ata iŋwaŋ-iŋwaŋ ke enyin Abasi, emi nnyin isaŋade ŋkpɔ ye Enye.

JAMES 1:17

Kpukpru eti erinɔ ye kpukpru enɔ eke efɔnde ema eto ke enyɔŋ, eto ke ubɔk Ete mme uŋwana esuhɔre edi; emi mikemeke ndikpuhɔre, ukpuhɔre itie minyuŋ ikemeke ndimen Enye nsin ke mfut.

1 JOHN 1:5

Ndien emi edi etop eke ikokopde ke inua Esie, inyuŋ isian mbufo, ite, Abasi edi uŋwana, ekim inyuŋ iduhe ke Enye.