DANIEL 2:21 - Edisana ñwed Abasi Ibom

²¹ enye onyuŋ ɔkpuhɔre ini ye mme isua, ke emen ndidem efep, onyuŋ onim ndidem ke itie: ke ɔnɔ mbon-ɔniɔŋ eti ibuot, onyuŋ ɔnɔ mme asian ifiɔk.

DANIEL 2:21 ပူးပေါင်းရင်းမြစ်များ

1 NDIDEM 10:24

Ndien ofuri ererimbot eyom iso Solomon, kpaŋ ekpekop ifiɔk esie, emi Abasi ekesinde enye ke esit.

1 NDIDEM 3:28

Ekem ofuri Israel ekop ikpe oro edidem ekekpede; ndien mmɔ eteŋe edidem; koro ekutde ete ke ifiɔk Abasi odu enye ke esit, ke erikpe ikpe.

1 NDIDEM 4:29

Ndien Abasi ɔnɔ Solomon eti ibuot ye asian eti-eti, ye ɔniɔŋ esit, nte ntan emi odude ke mben inyaŋ.

1 CHRONICLES 22:12

Yak Jehovah akam ɔnɔ fi ikike ye asian, onyuŋ eteme fi abaŋa Israel, man afo onim mbet Jehovah Abasi fo.

1 CHRONICLES 29:30

ye ofuri ubɔŋ esie, ye uko esie, ye ini eke ebede enye, ye Israel, ye kpukpru ndidem mme idut.

ESTHER 1:13

Ekem edidem ɔdɔhɔ mme enyene-ibuot owo oro efiɔkde ini, (koro ntem ke uyo edidem odu ke iso kpukpru mme ɔfiɔk-ewuhɔ ye ikpe:

ŊWED JOB 12:18

Atat ŋkpɔkɔbi ndidem, ndien ada uruk ɔbɔp mmɔ ke isin.

EXODUS 31:3

mmonyuŋ nsin enye spirit Abasi ke idem nyɔhɔ, ke eti ibuot, ye ke asian, ye ifiɔk, ye kpukpru oruk usɔ,

EXODUS 31:6

Ndien ŋko, sese, ami mmada Oholiab, eyen Ahisamach, owo esien Dan, ndian ye enye; mmonyuŋ nsin ifiɔk ke esit kpukpru mbon ifiɔk, man mmɔ enam kpukpru se ŋkɔdɔhɔde fi;

DANIEL 1:17

Ndien ama edi nditɔwɔŋ mbinaŋ emi, Abasi ɔnɔ mmɔ ifiɔk ye eti ibuot ke kpukpru oruk ŋwed ye ɔniɔŋ; Daniel onyuŋ edi asian ke kpukpru oruk ŋkukut ye ndap.

DANIEL 10:1

KE ɔyɔhɔ isua Cyrus edidem Persia ita, eyarare ŋkpɔ enɔ Daniel emi enyiŋ esie ekerede Belteshazzar; ndien ikɔ oro edi akpanikɔ, ekɔŋ onyuŋ okpon. Enye onyuŋ otim ɔfiɔk ikɔ oro, onyuŋ ɔwɔrɔ ɔniɔŋ ke ŋkukut oro.

DANIEL 11:6

Ndien ekem ke utit mme isua, mmɔ eyebuana ŋkpɔ; adiaha edidem edem usuk eyenyuŋ edi ke ɔtɔ edidem edem edere ndinam emem: ndien enye (adiaha) idisukke inyene odudu ubɔk; enye (edidem usuk) idinyuŋ idaha, ubɔk esie idinyuŋ idaha: ndien eyeyak enye (ŋwan) enɔ, ye mmɔ oro ekedade enye edi, ye andibon enye, ye enye ŋko emi akanamde enye ɔsɔŋɔ ke ini oro.

DANIEL 2:20

Ndien Daniel ɔkɔm Abasi enyɔŋ. Daniel ɔbɔrɔ ete, Yak ekɔm enyiŋ Abasi ke nsinsi nsinsi: koro ifiɔk ye odudu enyenede enye:

DANIEL 2:23

O Abasi mme ete mi, ami mmotoro mmonyuŋ ŋkɔm fi, emi ɔnɔde mi ifiɔk ye odudu, ndien ke emi ke afo asian mi se nnyin ibeŋede fi; koro afo amasian ikɔ edidem ɔnɔ nnyin.

DANIEL 2:9

Edi edieke mbufo miyarakede ndap oro, uduak mbufo edi kiet, mbufo enyuŋ etibi nsu-nsu ye idiɔk ikɔ eke ekpetiŋde ke iso mi, tutu ini ɔkpuhɔre: mbufo etiŋ ndien ndap oro enɔ mi, man mfiɔk nte mbufo eyekeme ndisiak enye nnɔ mi.

DANIEL 4:14

enye ofiori ɔkpɔsɔŋ, onyuŋ ɔdɔhɔ ntem, ete, Mbufo ekpi eto emi, enyuŋ ekpok ŋkɔk esie, ekeŋ ikɔŋ esie, enyuŋ eduɔŋɔ mfri esie: yak mme unam edaŋa ekpɔŋ mfut esie, yak mme inuen enyuŋ ekpɔŋ ŋkɔk esie:

DANIEL 4:17

Ŋkpɔ emi oto ke ewuhɔ mme andikpeme, ikɔ emi onyuŋ oto ke uyo me edisana (angel); man mmɔ eke edude uwem efiɔk ete ke Ata Edikoŋ edi etubom ke ubɔŋ ererimbot, onyuŋ ada enye ɔnɔ owo eke enye amade, onyuŋ emen ata ŋkpri owo odori, ete edi etubom ke esit.

DANIEL 4:22

O edidem, edi enye emi oforode onyuŋ ɔsɔŋɔde, uforo fo onyuŋ ɔdɔdiɔŋ aka iso tutu osim ikpaenyɔŋ, ubɔŋ fo onyuŋ osim utit ererimbot.

DANIEL 4:32

Ubɔŋ amadaha ɔkpɔŋ fi; ndien mmɔ eyebin fi ke otu owo efep, iduŋ fo eyenyuŋ odu ye mme unam ikɔt; eyebɔk fi ke mbiet nte enaŋ; ndien isua itiaba eyebe fi, tutu afo edifiɔk ete ke Ata Edikoŋ akara ke ubɔŋ ererimbot, onyuŋ ada enye ɔnɔ owo ekededi eke enye amade.

DANIEL 7:25

Ndien enye eyetiŋ ikɔ abaŋa Ata Edikoŋ, onyuŋ osobo edisana ikɔt Ata Edikoŋ; onyuŋ ekere ndikpuhɔre ini ye mme ewuhɔ: ndien eyeda mmɔ esin enye ke ubɔk tutu ekem ke ini ye ini iba ye ubak ini.

LUKE 21:15

koro Ami nyenɔ mbufo inua ikɔ ye eti ibuot, eke kpukpru mme asua mbufo midikemeke ndikaŋ mme ndineni.

ŊWED MBON ROME 13:1

KPUKPRU owo esuk idem enɔ mme enyene-odudu emi ekarade; koro odudu iduhe ke mitoho Abasi; ndien mme enyene-odudu emi edude kemi, edi Abasi okonim mmɔ.

1 ŊWED CORINTH 1:30

Edi mbufo edi ubon emi Enye okobonde ke Christ Jesus, emi Abasi akanamde akabare edi ifiɔk ɔnɔ nnyin, kpa edinen-ido, ye erikabare-ndi-edisana, ye uwɔrɔ-ufin;

JAMES 1:17

Kpukpru eti erinɔ ye kpukpru enɔ eke efɔnde ema eto ke enyɔŋ, eto ke ubɔk Ete mme uŋwana esuhɔre edi; emi mikemeke ndikpuhɔre, ukpuhɔre itie minyuŋ ikemeke ndimen Enye nsin ke mfut.

JAMES 1:5

Edi edieke owo mbufo ekededi ananade eti ibuot, yak enye ebeŋe Abasi, emi ɔnɔde kpukpru owo ke ntarubɔk, minyuŋ itɔhɔke owo; ndien Abasi eyenɔ enye.

ERIYARARE 19:16

Enye onyuŋ enyene enyiŋ emi ewetde ke ɔfɔŋ-idem Esie ye ke ifuhi Esie ete, EDIDEM NDIDEM YE ƆBƆŊ MBƆŊ.