DANIEL 2:12 - Edisana ñwed Abasi Ibom

¹² Oro esin edidem ayat esit onyuŋ ofut esit eti-eti; enye onyuŋ ɔnɔ uyo, ete esobo kpukpru mme ɔfiɔk ŋkpɔ owo Babylon.

DANIEL 2:12 ပူးပေါင်းရင်းမြစ်များ

ŊWED JOB 5:2

Ŋkɔm iyaresit owowot ndisime owo, ufup onyuŋ anam ɔkɔi akpa.

ŊWED MME PSALM 76:10

Koro ifuresit owo otorode fi: afo ada ifuresut eke ɔsuhɔde ɔbɔbɔ ke idem.

MME ŊKE 16:14

Ifiop esit ɔbɔŋ edi isuŋutom mkpa: edi enyene-ibuot owo eyesuk enye.

MME ŊKE 19:12

Ikpahesit ɔbɔŋ ebiet ŋkuni lion: edi ufɔn esie ebiet mbara ke mbiet.

MME ŊKE 20:2

Ndik edidem ebiet ŋkuni lion: owo eke ayatde enye esit ɔdiɔk ye ukpɔŋ esiemɔ.

MME ŊKE 29:22

Owo iyaresit edemere utɔk: owo ikpahesit awak ndidue.

DANIEL 2:24

Oto oro Daniel oduk ke ɔtɔ Arioch, koro edidem okowukde enye, ete enye osobo mme ɔfiɔk-ŋkpɔ owo Babylon: Daniel aka ɔkɔdɔhɔ enye ntem, ete, Kusobo mme ɔfiɔkŋkpɔ owo Babylon: da mi duk ke iso edidem, ndien nyeyarare nte ndap asaŋade nnɔ edidem.

DANIEL 2:5

Edidem ɔbɔrɔ onyuŋ ɔdɔhɔ mme Chaldean, ete, Ŋkpɔ emi amadaha ɔkpɔŋ mi: mbufo miyarakede ndap oro inɔ mi, minyuŋ isiakke enye, eyekpok mbufo mbak-mbak, enyuŋ enim mme ufɔk mbufo ke ekwe.

DANIEL 3:13

Ndien edidem Nebuchadnezzar ke ifuresit ye iyaresit ɔnɔ uyo, ete eda Shadrach ye Meshach ye Abednego edi.

DANIEL 3:19

Ndien esit ofut Nebuchadnezzar eti-eti, iso esie onyuŋ akabare ese Shadrach ye Meshach ye Abednego idiɔk. Enye ɔbɔrɔ onyuŋ ɔnɔ uyo, ete enam ikaŋ asak ke akwa ikaŋ utim ikatiaba akan nte ekam esikutde.

DANIEL 5:19

ndien ubom oro Enye ɔkɔnɔde enye esin kpukpru mme idut ye obio ye usem edikhe enye, enyuŋ enyek ke iso esie; enye owot owo eke enye amade, onyuŋ ada owo eke enye amade onim ke uwem; ofori mmɔ eke enye amade, onyuŋ ɔsuhɔre mmɔ eke enye amade.

MATTHEW 2:16

Ekem kini Herod okutde ete mme ɔfiɔk-ŋkpɔ owo ebiaŋa imɔ, enye ayaresit eti-eti, onyuŋ ɔdɔŋ eka ekowot kpukpru nditɔ-iren emi edude ke Bethlehem ye ke kpukpru adaŋa esie, ɔtɔŋde ke nditɔ isua iba tutu osim nsek nditɔ, nte asaŋade ekekem ye ini emi enye okotimde obup mme ɔfiɔk-ŋkpɔ owo.

MATTHEW 5:22

Edi Ami ndɔhɔ mbufo nte, owo ekededi eke ayatde esit ye eyen-ete esie esesin idem ke ikpe; owo ekededi eke ɔdɔhɔde eyen-ete esie ete, Raca (ikpikpu owo), esesin idem ke ikpe Sanhedrin; owo ekededi eke ɔdɔhɔde ete, Afo ndisime, esesin idem ke ufen hell eke asakde ikaŋ.