DANIEL 12:3 - Edisana ñwed Abasi Ibom

³ Ndien mmɔ eke enyenede eti ibuot, eyeyama nte ikpa-enyɔŋ ayamade: mmɔ eke enamde ediwak owo ekabare edi edinen, eyenyuŋ ebiet ntanta-ɔfiɔŋ ke nsinsi-nsinsi.

DANIEL 12:3 ပူးပေါင်းရင်းမြစ်များ

EXODUS 34:35

Ndien nditɔ Israel ekut iso Moses, nte ikpa iso Moses esemde: ndien Moses ɔtɔŋɔ ntak ada ufuk-iso ofuk iso esie, tutu edisim ini emi enye odukde ndidɔhɔ ye Enye.

MME ŊKE 11:30

Mfri eti owo edi eto uwem; ndien eyene-ibuot owo omum ukpɔŋ.

MME ŊKE 3:35

Mbon eti-ibuot eyedia ubɔŋ: ndien ama edi mbon ndisime, but eyefori mmɔ.

MME ŊKE 4:18

Edi usuŋ nti owo ebiet uŋwana eke asiahade, aka iso ayama, tutu osim ufɔt uwemeyo.

ECCLESIASTES 12:9

Ndien ŋko-ŋko, koro Ɔkwɔrɔ-ikɔ edide enyene-ibuot owo, enye osuk ekpep mbio-obio ifiɔk; onyuŋ odomo, onyuŋ ɔduŋɔ, onyuŋ otim ediwak ŋke.

ISAIAH 53:11

Enye eyekut se itode ke ukut ukpɔŋ eise ɔyuhɔ: edinen owo mi eyeda ifiɔk esie anam ikɔ asana ediwak owo; eyenyuŋ obiom mme idiɔk ido mmɔ.

JEREMIAH 23:22

Ekpedi nte, mmɔ ekedade ke odu mi, enyuŋ enamde ikɔt mi ekop ikɔ mi, mmɔ ekpekabare mmɔ ndien esio ke idiɔk usuŋ mmɔ, ye ke idiɔk ido mmɔ.

DANIEL 11:33

Ndien mbon ɔniɔŋ ke otu mbio-obio eyeteme ediwak owo: ndien mmɔ eyeduɔŋɔ ke ofut, ye ke edem-ikaŋ, ye ke ntaŋ-mfep, ye ke mbume, ediwak usen.

DANIEL 11:35

Ndien ndusuk mmɔ emi edide ɔniɔŋ eyeduɔŋɔ, man edomo mmɔ, enyuŋ esio mmɔ ndek ke idem efep, enyuŋ enam mmɔ esana, tutu osim ke utit ini: koro osuk ebetde ini emi ekedoride.

DANIEL 12:10

Eyesioŋo ediwak owo ndek ke idem efep, enyuŋ enam mmɔ edi edisana, enyuŋ edomo mmɔ; edi mme idiɔk owo eyenam idiɔk; baba idiɔk owo kiet idinyuŋ idige asian, edi mmɔ eke enyenede eti ibuot eyedi asian.

MATTHEW 13:43

Adaŋoro ndinen owo eyeyama nte utin ke Obio Ubɔŋ Ete mmɔ. Owo eke enyenede utɔŋ, yak okop.

MATTHEW 19:28

Edi Jesus ɔdɔhɔ mmɔ ete, Ke akpanikɔ ke ndɔhɔ mbufo nte, ke ini edinamde ŋkpɔ ekabare edi mbufa, ke adaŋemi Eyen Owo editiede ke ebekpo ubɔŋ Esie, mbufo, emi eketienede Mi, eyenyuŋ etie ke ebekpo duopeba, ekpe ikpe enɔ esien Israel duopeba.

MATTHEW 24:45

Anie ndien edi asaŋutom emi anamde akpanikɔ, onyuŋ enyenede ɔniɔŋ, emi ete esie okonimde ete, akara mbon ufɔk imɔ, onyuŋ ɔnɔ mmɔ udia ke edikem ini?

JOHN 4:36

Kpa ke idaha emi andikpeŋe ukpeŋe ke ɔbɔ ŋkpɔ-eyen-utom, onyuŋ ataŋ mbuŋwum ɔnɔ nsinsi uwem; man andisuan mkpasip ye andikpeŋe ukpeŋe ekpadara ɔtɔ kiet.

JOHN 5:35

John ekedi utuenikaŋ emi asakde onyiuŋ ayamade; mbufo ema enyuŋ enyime ndidara ke uŋwana esie ke ekpri ibio ini.

UTOM MME APOSTLE 13:1

MME prophet ye mme anditeme edu ke ufɔk Abasi ke Antioch, Barnabas, ye Simeon emi ekerede Niger, ye Lucius owo Cyrene, ye Manaen emi ekebɔkde ye Herod tetrarch, ye Saul.

1 ŊWED CORINTH 3:10

Nte mfɔn emi Abasi ɔkɔnɔde mi edide, nte etubom ubɔp-ufɔk emi enyenede eti ibuot, mma nnim itiat-ukot-ufɔk, owo efen ke onyuŋ ɔbɔp odori ke esit. Edi ɔfɔn kpukpru owo ekpeme se mmɔ ebɔpde edori ke esit.

ŊWED MBON EPHESUS 4:11

Ndien Enye ɔkɔnɔ ndusuk owo nte mme apostle; onyuŋ ɔnɔ ndusuk owo nte mme asiak-uduak Abasi, onyuŋ ɔnɔ ndusuk owo nte mme ɔkwɔrɔ-gospel, onyuŋ ɔnɔ ndusuk owo nte mme andikpeme ye mme anditeme;

MME HEBREW 5:12

Koro ke ini mbufo ekpedide mme anditeme owo efen adaŋemi, mbufo etɔŋɔ ntak eyom owo ekpep mbufo akpa eritɔŋɔ ukpep-ŋkpɔ Abasi; ema enyuŋ ekabare edi mmɔ emi mmɔŋeba ɔfɔnde ye mmɔ, midige ata udia.

2 PETER 3:15

Enyuŋ eda ete, anyan ime Ɔbɔŋ nnyin ɔwɔrɔ erinyaŋa; kpa nte edima eyen-ete nnyin Paul adade ifiɔk eke enɔde enye ewet ɔnɔ esɔk mbufo;

ERIYARARE 1:20

ndibe-ŋkpɔ emi odude ke ntantafiɔŋ itiaba oro okutde Mi ke ubɔk nnasia, ye udiɔk-utuen-ikaŋ o-gold itiaba oro. Ntantafiɔŋ itiaba oro edi mme angel ufɔk Abasi mbitiaba: udiɔk-utuenikaŋ itiaba enyuŋ edi ufɔk Abasi mbitiaba.

JUDGES 5:31

O Jehovah, nam kpukpru mme asua fo etak ntem! Edi mmɔ eke emade enye ebiet nte utin asiahade ke odudu esie. Ndien isɔŋ ana suŋ ke ofuri isua aba.