DANIEL 12:13 - Edisana ñwed Abasi Ibom

¹³ Edi afo ka okuo tutu osim ke utit: ndien afo eyeduɔk odudu, onyuŋ ada ke udeme fo ke utit mme usen.

DANIEL 12:13 ပူးပေါင်းရင်းမြစ်များ

ŊWED MME PSALM 1:5

Mmɔdo mme idiɔk owo mididaha ke ikpe, mme anam-idiɔk idinyuŋ idaha ke esop nti owo.

ŊWED MME PSALM 16:5

Jehovah edi udeme mi, ye cup mi: afo omum afia mi akama.

ŊWED MME PSALM 16:9

Mmɔdo esit adatde mi, ubɔŋ mi onyuŋ ebre; obukidem mi eyenyuŋ etie ke ifure.

EXODUS 33:14

Ndien Enye ete, Iso mi eyeka, nyenyuŋ nnɔ fi nduɔk-odudu.

DANIEL 12:3

Ndien mmɔ eke enyenede eti ibuot, eyeyama nte ikpa-enyɔŋ ayamade: mmɔ eke enamde ediwak owo ekabare edi edinen, eyenyuŋ ebiet ntanta-ɔfiɔŋ ke nsinsi-nsinsi.

DANIEL 12:4

Ndien afo, Daniel, dip ikɔ emi, nyuŋ nim seal ke ŋwed, tutu osim ke utit ini. Ediwak owo eyeyɔrɔ edi, eyɔrɔ eka, ndien ifiɔk eyekpon aka iso.

ZECHARIAH 3:7

Ntem ke Jehovah mme udim ɔdɔhɔ, ete, Edieke afo asaŋaade ke usuŋ mi, onyuŋ onimde ido mi, ndien afo eyekpe ufɔk mi, onyuŋ ekpeme okure mi ŋko, ndien nyenɔ fi ebiet eke afo asaŋade ke otu mme mmɔ emi edade mi.

MATTHEW 19:28

Edi Jesus ɔdɔhɔ mmɔ ete, Ke akpanikɔ ke ndɔhɔ mbufo nte, ke ini edinamde ŋkpɔ ekabare edi mbufa, ke adaŋemi Eyen Owo editiede ke ebekpo ubɔŋ Esie, mbufo, emi eketienede Mi, eyenyuŋ etie ke ebekpo duopeba, ekpe ikpe enɔ esien Israel duopeba.

LUKE 21:36

Edi mbufo etaba idap kpukpru ini, enyuŋ ekpe ubɔk, man mbufo ekpekeme ndibɔhɔ kpukpru ŋkpɔ oro ediwɔrɔde, nnyuŋ nda ke iso Eyen Owo.

2 ŊWED CORINTH 5:1

KORO nnyin imɔfiɔk ite, edieke ataya eke idaŋde ke esit ke isɔŋ emi owurede, imenyene ufɔk eke Abasi ɔnɔde, eke midaha ubɔk owo ibɔp, eke ebigide ke nsinsi ke heaven.

2 ŊWED THESSALONICA 1:7

ndinyuŋ nda nduɔk-odudu nnɔ mbufo emi ekutde ukut, kpa nte Enye edinamde ye nnyin ŋko, ke ini emi Ɔbɔŋ Jesus editode ke heaven ɔbiɔŋɔre ke ikaŋ emi asakde, ye mme angel odudu Esie,

ERIYARARE 14:13

Ekem ŋkop uyo emi otode ke heaven ɔdɔhɔ ete, Wet ete, Ɔfɔfɔn ɔnɔ mme akpa-mkpa emi ekpade ke Ɔbɔŋ, ɔtɔŋɔde ke ini emi: Spirit ete, Edi ntre; man mmɔ eduɔk odudu ke ɔkpɔsɔŋ utom mmɔ; koro se mmɔ ekenamde etiene mmɔ ke edem.