DANIEL 12:11 - Edisana ñwed Abasi Ibom

¹¹ Ndien toto ke ini emi edisiode nsinsi uwa efep enyuŋ ediɔkde ŋkpɔ mbubiam nsobo, edi tɔsin usen ye usen ikie iba ye anaŋ ye duop.

DANIEL 12:11 ပူးပေါင်းရင်းမြစ်များ

EXODUS 29:38

Ndien emi edi se afo ediwade ke itie uwa: nditɔ erɔŋ iba isua kiet kpukpru usen, kpukpru ini.

EZEKIEL 4:6

Ndien ke afo ama ama mme mmɔ emi, tɔŋɔ ntak na ke ŋkaŋ nnasia fo, nyuŋ biom idiɔk ido ufɔk Judah ke usen aba: mmonim usen ke ibuot isua nnɔ fi.

DANIEL 1:12

Mbɔk, kam domo nnyin ikɔt fo ke usen duop; yak enyuŋ enɔ nnyin ŋkpɔ iŋwaŋ idia, ye mmɔŋ iŋwɔŋ.

DANIEL 11:31

Ndien ubɔk eyeto enye ke idem edaha eda, enyuŋ esabare edisana ebiet odudu, enyuŋ esio nsinsi uwa efep, enyuŋ enim mbubiam ŋkpɔ eke osobode.

DANIEL 7:25

Ndien enye eyetiŋ ikɔ abaŋa Ata Edikoŋ, onyuŋ osobo edisana ikɔt Ata Edikoŋ; onyuŋ ekere ndikpuhɔre ini ye mme ewuhɔ: ndien eyeda mmɔ esin enye ke ubɔk tutu ekem ke ini ye ini iba ye ubak ini.

DANIEL 8:26

Ndien ŋkukut uwemeyo ye usenubɔk emi eketiŋde edi akpanikɔ; afo ndien da seal nim ŋkukut emi: koro eyedu ediwak usen.

DANIEL 9:27

Enye eyenyuŋ ɔsɔŋɔ onim ediomi ɔnɔ ediwak owo ke urua kiet; ndien ke ufɔt urua enye eyenam uwa ye inuak-udia etre: ndien andisobo eyedoro ke ibuot ŋkpɔ mbubiam: tutu enyuŋ eda se enamde ema enyuŋ ewukde, eŋwaŋa andisobo ke idem.

HOSEA 3:4

Koro nditɔ Israel eyebigi ediwak usen, ndien idinyeneke edidem, idinyuŋ inyeneke ɔbɔŋ, ye uwa, ye owo eto, ye ephod, ye terephim.

MATTHEW 24:15

Mmɔdo ke adaŋemi mbufo edikutde ŋkpɔ mbubiam nsobo, emi prophet Daniel eketiŋde abaŋa, nte adade ke edisana ebiet (yak enye eke okotde ŋwed otim ɔfiɔk),

MARK 13:14

Edi ke adaŋami mbufo edikutde ŋkpɔ mbubiam nsobo nte adade ke ɔtɔ eke mikpadaha (yak owo eke okotde ŋwed otim ɔfiɔk), adaŋoro yak mmɔ emi edude ke Judaea efeŋe eka ikpo obot;

ERIYARARE 11:2

Edi sio okure emi odude ke edem temple fep, kunyuŋ udomo enye oro, koro ema eyak enye enɔ mme idut; mmɔ eyenyuŋ edigi edisana obio ke ikpat ke ɔfiɔŋ aba ye iba.

ERIYARARE 12:6

Edi ŋwan oro efehe ɔnyɔŋ ke desert, ke ebiet eke Abasi okotimde itie onim ɔnɔ enye do, man ebɔk enye do ke thousand usen ye usen ikieiba ye ata.

ERIYARARE 13:5

Ndien enɔ enye inua eke etiŋde ikpɔ ŋkpɔ ye isuŋi, enyuŋ enɔ enye nsɔŋ-uyo ndinam ntre ɔfiɔŋ aba ye iba.