DANIEL 12:10 - Edisana ñwed Abasi Ibom

¹⁰ Eyesioŋo ediwak owo ndek ke idem efep, enyuŋ enam mmɔ edi edisana, enyuŋ edomo mmɔ; edi mme idiɔk owo eyenam idiɔk; baba idiɔk owo kiet idinyuŋ idige asian, edi mmɔ eke enyenede eti ibuot eyedi asian.

DANIEL 12:10 ပူးပေါင်းရင်းမြစ်များ

ŊWED MME PSALM 107:43

Owo ekededi eke enyenede ibuot eyetiŋ enyin ke ŋkpɔ emi, eyenyuŋ ekere ima Jehovah.

ŊWED MME PSALM 51:7

Afo eyeda hyssop osio idiɔk ido mi efep, ndien nyesana: eyeyet mi idem, ndien nyafia ŋkan snow.

MME ŊKE 1:5

Enyene-ibuot owo eyekop, onyuŋ ɔkɔrɔ ke se ekpepde; asian owo eyenyuŋ enyene ikike:

ISAIAH 1:18

Jehovah ɔdɔhɔ ete, Mbufo edi ndien, nnyin ikpe ikɔ: mme idiɔk ido mbufo ekpetie nte iduot, eyefia nte snow; ekpeyibe nte crimson, eyekabare nte idet erɔŋ.

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

EZEKIEL 47:11

Edi edep-edep ebiet esie ye mbat-mbat ebiet esie idikabakede ifɔn: eyeyak mmɔ enɔ inuŋ.

DANIEL 11:33

Ndien mbon ɔniɔŋ ke otu mbio-obio eyeteme ediwak owo: ndien mmɔ eyeduɔŋɔ ke ofut, ye ke edem-ikaŋ, ye ke ntaŋ-mfep, ye ke mbume, ediwak usen.

DANIEL 11:35

Ndien ndusuk mmɔ emi edide ɔniɔŋ eyeduɔŋɔ, man edomo mmɔ, enyuŋ esio mmɔ ndek ke idem efep, enyuŋ enam mmɔ esana, tutu osim ke utit ini: koro osuk ebetde ini emi ekedoride.

DANIEL 12:3

Ndien mmɔ eke enyenede eti ibuot, eyeyama nte ikpa-enyɔŋ ayamade: mmɔ eke enamde ediwak owo ekabare edi edinen, eyenyuŋ ebiet ntanta-ɔfiɔŋ ke nsinsi-nsinsi.

HOSEA 14:9

Anie owo enyene ibuot, man enye otim ese ŋkpɔ emi? Anie owo edi ɔniɔŋ, man enye ɔfiɔk mmɔ? Koro mme usuŋ Jehovah enende; ndinen owo eyenyuŋ esaŋa mmɔ ke esit: ndien mmɔ eke eduede eyeduɔŋɔ ke esit.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

MALACHI 3:3

enye onyuŋ etie etem silver onyuŋ anam asana: onyuŋ anam nditɔ Levi esana, onyuŋ ɔdiɔŋ mmɔ nte gold ye silver, man mmɔ ewa uwa enɔ Jehovah nte enende.

MARK 4:11

Ndien Enye ɔdɔhɔ mmɔ ete, Eyak ndibe ŋkpɔ Obio Ubɔŋ Abasi enɔ mbufo; edi mmɔ emi edude ke edem, kpukpru ŋkpɔ ke esine ke ŋke esim mmɔ;

LUKE 24:25

Ekem Enye ɔdɔhɔ mmɔ ete, O mbon emi enanade ibuot, emi misɔpke ndinim kpukpru se mme prophet eketiŋde ke akpanikɔ.

JOHN 18:37

Ntem Pilate obup Enye ete, Nte Afo edi edidem naŋa? Jesus ɔbɔrɔ ete, Omotim etiŋ ete ndi Edidem. Nkamana kabaŋa ntak emi, ŋkonyuŋ nduk ke ererimbot kabaŋa ŋkpɔ emi, man ndi ntiense nnɔ akpanikɔ. Kpukpru mmɔ eke edide eke akpanikɔ, ekop uyo Mi.

JOHN 7:17

Edieke owo onyimede ndinam se Enye amade, owo oro eyefiɔk abaŋa se ŋkpepde, mme oto Abasi, mme Ami ntiŋ ikɔ oto Idem Mi.

JOHN 8:47

Enye eke edide owo Abasi okop ikɔ Abasi; sia mbufo midige ikɔt Abasi, emi esin mbufo ekukop.

1 ŊWED CORINTH 6:11

Ndien ndusuk mbufo eketie ntem; edi ema eyet mbufo, ema enam mbufo esana, ema etebe mbufo ikpe ke enyiŋ Ɔbɔŋ Jesus Christ, ye ke Spirit Abasi nnyin.

2 ŊWED CORINTH 7:1

SIA nnyin imenyene mme uŋwɔŋɔ emi, ndima mi, eyak nnyin iyet kpukpru se isabarede obukidem ye spirit ifep ke idem nyin, inam nti ido nnyin efɔn ema ke eribak Abasi.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

MME HEBREW 12:10

Koro ke akpanikɔ mmɔ oro ekɔtunɔ nnyin usen ifaŋ, nte mmɔ ekutde ete ɔfɔn; edi Abasi ɔtunɔ nnyin oyom udori nnyin, man nnyin inyene udeme ke edisana ido Esie.

1 PETER 1:22

Sia mbufo ema ekeda nsuk-ibuot enɔ akpanikɔ enam ukpɔŋ mbufo esana, ekeme ndinyene ata ima nditɔ-ete, esɔŋɔ ema kiet eken ke ofuri esit.

1 PETER 1:7

man mbuɔtidem mbufo emi ema edomo ewut, emi ɔsɔŋde urua akan mbiara gold eke edade ikaŋ edomo, ɔkpɔwɔrɔ edi ŋkpɔ itoro ye ubɔŋ ye ukpono ɔnɔ mbufo ke adaŋemi Jesus Christ ediyararede idem.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.

ERIYARARE 16:11

enyuŋ esuŋi Abasi heaven, ebaŋa ubiak ye oyo mmɔ; mmɔ inyuŋ ikabakere esit ikpɔŋ mme utom mmɔ.

ERIYARARE 19:14

Ndien udim ekɔŋ emi edude ke heaven edoro ke mfia enaŋ-mbakara etiene Enye ke edem, mmɔ esine ediye linen emi afiade onyuŋ asanade.

ERIYARARE 19:8

Enyuŋ enɔ enye ndisine ediye linen eke asanade onyuŋ esemde; Koro ediye linen oro edi edinen ido nti ikɔt Abasi.

ERIYARARE 22:11

Owo eke edide ukwaŋ, yak enye osuk amana anam ukwaŋido; owo eke edehede, yak enye osuk amana edehe; owo eke edide edinen, yak enye osuk amana anam edinen ido; owo eke asanade, yak enye osuk amana asana.

ERIYARARE 3:18

mmɔnɔ fi item nte edep ke ubɔk Mi gold eke etemde asana ke ikaŋ, man enyene inyene; ye afia edisine-ŋkpɔ ada esine ke idem, mbak but iferi fo ediyarare; ye ibɔk enyin ada eyet enyin fo, man okut usuŋ.

1 SAMUEL 24:13

Nte mbio eset eketopde ŋke, ete, Idiɔk ido oto mme idiɔk owo: edi ubɔk mi iditukke fi.