DANIEL 12:1 - Edisana ñwed Abasi Ibom

¹ NDIEN ke ini oro Michael akwa ɔbɔŋ emi adade abaŋa nditɔ oruk fo, eyedaha ada: ndien ini oro eyedi ini ukut emi oruk esie akanam miduhe toto nte idut okodu, tutu osim ini oro: ndien ke ini oro oruk fo eyebɔhɔ, kpukpru mmɔ emi ewetde esin ke ŋwed oro.

DANIEL 12:1 ပူးပေါင်းရင်းမြစ်များ

ŊWED MME PSALM 56:8

Afo omobuk eriyo mi: da mmɔŋeyet mi sin ke ekpeme fo: nte mmɔ iduhe ke ŋwed fo?

ŊWED MME PSALM 69:28

Yak esɔhi mmɔ ke ŋwed uwem efep, ekunyuŋ ewet mmɔ esin ke otu mbon utebe-ikpe.

ISAIAH 4:3

Ndien ama ekem, owo eke ɔsuhɔde ke Zion, eke enyuŋ ekpɔŋde ke Jerusalem, eyekere edisana, kpa kpukpru owo emi ewetde enim enɔ uwem ke Jerusalem.

ISAIAH 9:7

Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.

JEREMIAH 30:10

Jehovah onyuŋ ɔdɔhɔ, ete, Afo owo mi Jacob, kufehe ndik; Israel, kunyuŋ ukpa idem: koro sese, ami nyenyaŋa fi nsio ke anyan idut, nnyuŋ nsio ubon fo ke isɔŋ oro etaŋde mmɔ eka; ndien Jacob eyefiak, onyuŋ etie suŋ ke ifure, baba owo kiet idinyuŋ inamke enye edikhe.

JEREMIAH 30:7

Mbɔm, mbɔm, koro usen oro okponde! ndien baba kiet eke ebietde enye inyuŋ iduhe: enye onyuŋ edi ini ukut Jacob; edi eyenyaŋa enye esio ke esit.

EZEKIEL 13:9

Ndien ubɔk mi eyedoro ke idem mme prophet eni ekutde nsu enyuŋ ebrede mfa abiaŋa: mmɔ ididuhe ke odu ikɔt mi, idinyuŋ iwetke mmɔ isin ke ŋwed ufɔk Israel, mmɔ idinyuŋ isimke isɔŋ Israel; ndien mbufo eyefiɔk ete ke ami ndi Ɔbɔŋ Jehovah.

EZEKIEL 34:24

Ndien ami Jehovah nyedi Abasi mmɔ, ndien owo mi David eyenyuŋ edi ɔbɔŋ ke otu mmɔ: edi ami Jehovah ndɔhɔ.

EZEKIEL 5:9

Ndien nyenam ke otu mbufo se mme-ŋkanam nnamke, ye se mmendi-namke aba ntre, mbaŋa kpukpru mbubiam mbufo.

DANIEL 10:13

Ndien ɔbɔŋ idut Persia akada ke iso mi ke usen edip ye kiet: ndien, sese, Michael akpan mbɔŋ kiet edi ediŋwam mi: ndien ami nsuk ntie do ye ndidem Persia.

DANIEL 10:21

Nyenyuŋ ŋwut fi se ekewetde ke ŋwed akpanikɔ. Ndien baba owo kiet eke ɔsɔŋde ada ye ami ke ŋkpɔ emi iduhe, ke mibɔhɔke Michael ɔbɔŋ mbufo.

DANIEL 11:45

Ndien enye eyewuk mme tent ebiet-iduŋ esie ke ufaŋ mme inyaŋ ke ediye ye edisana obot; ndien enye eyesim utit esie, baba owo kiet eke anyaŋade enye iduhe.

DANIEL 7:10

Ikaŋ oto enye ke iso ewet nte akpa mmɔŋ: tɔsin tɔsin ke itie tɔsin enam ŋkpɔ enɔ enye; tɔsin duop ke itie tɔsin duop enyuŋ eda enye ke iso: enim ikpe, enyuŋ ekubɔre ŋwed.

DANIEL 9:12

Enye omonyuŋ anam uyo esie oro enye ɔkɔdɔhɔde abaŋa nnyin ye mme ebierikpe nnyin emi ekekpede ikpe nnyin, ɔsɔŋɔ ada: onyuŋ ada akwa idiɔk ŋkpɔ etiene nnyin: koro owo akanam minamke baba ke idak ofuri ikpa enyɔŋ, nte emi ekenamde ke Jerusalem:

JOEL 2:2

kpa ata ɔkpɔsɔŋ ekim, usen obubit enyɔŋ, kpa ata idiɔk enyɔŋ eti-eti: ebiet usiere eke asuanade ke ikpɔ obot: idut emi awakde, onyuŋ ɔsɔŋɔde; oruk oro akananam iduhe totoko idinyuŋ itieneke enye idi, tutu osim isua ediwak emana.

MALACHI 3:16

Ndien mme abak Jehovah eneme kiet ye kiet: ndien Jehovah akpaŋ utɔŋ, onyuŋ okop, mmɔ enyuŋ ewet ŋwed eriti ke iso esie enɔ mme abak Jehovah ye mme ekere enyiŋ esie.

MATTHEW 24:21

koro ke ini oro akwa ukut eyedu, oruk eke akanam miduhe toto ke eritɔŋɔ ererimbot tutu osim emi, eke midinyuŋ iduhe aba.

MARK 13:19

Koro mme usen oro edidi mme usen ukut, eke oruk oro akanam miduhe toto Abasi ɔkɔtɔŋɔ ndibot ŋkpɔ tutu osim emi, midinyuŋ iduhe aba.

LUKE 10:20

Edi ekudat esit koro mme spirit esukde ibuot enɔ mbufo; edi edat esit koro ema ewet enyiŋ mbufo ke heaven.

ŊWED MBON ROME 11:15

Koro edieke eriduɔk emi eduɔkde mmɔ akabare ɔwɔrɔ erinam ererimbot etie ke emem ye Abasi, erida mmɔ nduk ke Obio Ubɔŋ Abasi ndien ediwɔrɔ nso ke mibɔhɔke erito ke mkpa ndu uwem.

ŊWED MBON ROME 11:26

ndien ke usuŋ emi ke eyenyaŋa ofuri Israel; kpa nte ewetde ete, Andinyaŋa eyeto ke Zion edi, Enye eyesio ukwaŋido efep ke Jacob:

ŊWED MBON EPHESUS 1:21

Okoŋ akan kpukpru mme andikara ye mme enyene-nsɔŋ-uyo ye mme enyene-odudu ye mme enyene-ubɔŋ, ye kpukpru enyiŋ eke edisasiak, idige ke eyo emi ikpɔŋ, edi ke eyo eke edidide ŋko;

ŊWED MBON PHILIPPI 4:3

Mmonyuŋ nsɔŋɔ mbeŋe fi, ata nsaŋa-utom mi, nte aŋwam iban oro, koro mmɔ ekesaŋade ye ami eŋwana eŋwan ebaŋa gospel, enyuŋ ediana ye Clement nde, ye mme nsaŋa-utom mi eken, emi enyiŋ mmɔ edude ke ŋwed uwem.

JUDE 1:9

Edi Michael, akwa angel oro, ke eriŋwana emi enye aŋwanade ye Satan, ke adaŋemi enye enenide abaŋa okpo Moses, ikedehede isuŋi enye ke ikpe, edi ɔdɔhɔ ete, Ɔbɔŋ akpakam asua ɔnɔ fi.

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;

ERIYARARE 12:7

Ekem ekɔŋ otibe ke heaven; Michael ye me angel esie eŋwana ekɔŋ ye dragon; dragon ye mme angel esie enyuŋ eŋwana ekɔŋ, edi mmɔ ikanke.

ERIYARARE 13:8

Ndien kpukpru mme andiduŋ ke isɔŋ eyetuak ibuot enɔ enye, kpa kpukpru owo emi mikewetke enyiŋ esie isin ke ŋwed uwem eke Eyen-erɔŋ, emi ekowotde toto ke eritɔŋɔ ererimbot.

ERIYARARE 17:14

Mmɔ eyeŋwana ekɔŋ ye Eyen-erɔŋ, ndien Eyen-erɔŋ eyekan mmɔ, koro Enye edide Ɔbɔŋ mbɔŋ ye Edidem ndidem; mmɔ emi edude ye Enye eyenyuŋ ekan, kpa mmɔ emi Abasi okokotde, onyuŋ emekde, emi enyuŋ edide mme anam akpanikɔ.

ERIYARARE 20:12

Ndien ŋkut mme akpa-mkpa, ikpɔ ye ŋkpri, nte edade ke iso ebekpo. Ndien ekibɔre mme ŋwed; enyuŋ ekibɔre mme ŋwed mme ŋwed eŋwen, emi edide ŋwed uwem; enyuŋ eda se ewetde esin ke ŋwed oro ekpe ikpe mme akpa-mkpa, nte ekemde ye se mmɔ ekenamde.

ERIYARARE 20:15

Ndien emen owo ekededi eke mikewetke enyiŋ esie ke ŋwed uwem eduɔk esin ke akwa ŋkpɔdiɔhɔ ikaŋ.

ERIYARARE 3:5

Owo eke akande, eyesine enye afia ɔfɔŋidem ntem; ndien ndisioho enyiŋ esie mfep ke ŋwed uwem, ndien nyenyime enyiŋ esie ke iso Ete Mi ye ke iso mme angel Esie.

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.